(( نـص دقــيـقـه )) ....

[مصطفى اليازجي]

بسم الله الرحمن الرحيم

تحيه طيبه وبعد ...

انا مشترك جديد في القسم ده ، يارب يكون وجودي خفيف عليكم وده اول حاجه انزلها في منتدى سماعي ، ما اعرفش لو ده ينفع ولا ممنوع انزل حاجه عاميه مش فصحى .

نص دقيقه

عايز اقابلك نص دقيقه
اشكي ف حضنك مُر بعادك
اسمع صوتك ويا سـكاتك
واعيش حلمي كإنه حقيقه

عايز اقابلك
وامسـح من جوايا الخـوف
نقدر سوا على أي ظروف
ده لسه كلامك ساكن فيا
حتى سلامك كده بكسوف

ليلي ف بعدك
راسم ليا حاجات بتخوف
كل طريق بمشيه متزيف
حتى لقاكي حلم مُزيــــف
اخر طريقي مش معروف

نفسي اشوفك جايـه عليا
تبقى ملامحك زي ما هيا
تمسحي دمعه جرحِت فيا
خلت حلمي سواد بيطوف

اخيرا الكلمات دي اهداء لكل انسان عايز يقابل انسان عزيز عليه

يارب تعجبكم وانا يشرفني جدا جدا جدا اي نقد لإن انتم كلكم اساتذه في القسم ده وانا بتعلم منكم ..

[Tarek Elemary]

الأخ الجميل مصطفى
أهلا و سهلا و مرحبتين بك هنا فى سماعى و خصوصاً فى ركن الأدب و تحديداً فى اللهجة العامية، نزلت أهلاً و حللت سهلاً
مشاركتك جيدة و تنبئ بشاعر لديك موسيقى و إحساس و لغة طيعة و لست فى حاجة إلى من يرعاك سوى الله و لكن نريد مشاركات أكثر حتى نتعرف عليك أكثر و على موهبتك
تقبل تحياتى

[علاء طه ياسين]

نص دقيقة بس ..
إنت قنوع أوي ..
أما أنا أناني في حبها ..
عاوزها جنبي العمر بحاله ..

الأستاذ صاحب الكلمات الرقيقة
والكلمة الحلوة
مصطفى اليازجي

أخدت شهادة مرورك من الشاعر الكبير طارق العمري
مبروك يا عم
واحنا بنرحب بيك وسط أصدقائك وإخوانك
ومستنيين مشاركاتك الجاية
علاء طه ياسين

[على عبداللاه]

ما شاء الله عليك
بجد كلامك يوصل للقلوب
بس لو تعدل نص دقيقه دى وتخليها كل دقيقه
تبقى قلت اللى جواى انا

[سعدالشرقاوى]

أخى الفاضل
ماتتصوّرش فرحتى قد ايه
بمولد شاعر غنائى جميل بيننا
وهذا الكلام يبشر بذلك

عايز اقابلك نص دقيقه
اشكي ف حضنك مُر بعادك
اسمع صوتك ويا سـكاتك
واعيش حلمي كإنه حقيقه

عايز اقابلك
وامسـح من جوايا الخـوف
نقدر سوا على أي ظروف
ده لسه كلامك ساكن فيا
حتى سلامك كده بكسوف
وممكن تتغنى أحسن من وجهة نظرى لوكانت
(حتى سلامك كله كسوف)
جميله والجاى أجمل ان شاء الله

[مصطفى اليازجي]

المشاركة الأصلية كتبت بواسطة Tarek Elemary

الأخ الجميل مصطفى
أهلا و سهلا و مرحبتين بك هنا فى سماعى و خصوصاً فى ركن الأدب و تحديداً فى اللهجة العامية، نزلت أهلاً و حللت سهلاً
مشاركتك جيدة و تنبئ بشاعر لديك موسيقى و إحساس و لغة طيعة و لست فى حاجة إلى من يرعاك سوى الله و لكن نريد مشاركات أكثر حتى نتعرف عليك أكثر و على موهبتك
تقبل تحياتى

اولا اخي الكريم انا متأسف جدا جدا جدا ع التأخر في الرد

اصل انا نزلتها في قسم تاني وماشوفتهاش وكل ما احاول ادخل ع الملف بتاعي اعمل بحث مابقدرش

من شويه كنت بحاول اعمل بحث على جوجل على الكلمات دي ، لاقيتها موجوده في منتدى سماعي ، التمس العذر منكم ويارب تقبلي اعتذاري ع التأخير

اخي الكريم كلامك كتير عليا وسبب تأخري في الرد والمشاركه اعتقد انه وضح بالنسبالكم

وان شاء الله اكون دايما عند حسن ظنكم

وجودك جوه الوبيك شرف كبير ليا

كل سنه وحضرتك طيب

[مصطفى اليازجي]

المشاركة الأصلية كتبت بواسطة علاء طه ياسين

نص دقيقة بس ..
إنت قنوع أوي ..
أما أنا أناني في حبها ..
عاوزها جنبي العمر بحاله ..

الأستاذ صاحب الكلمات الرقيقة
والكلمة الحلوة
مصطفى اليازجي

أخدت شهادة مرورك من الشاعر الكبير طارق العمري
مبروك يا عم
واحنا بنرحب بيك وسط أصدقائك وإخوانك
ومستنيين مشاركاتك الجاية
علاء طه ياسين

اولا انا يشرفني وجودك

تاني حاجه انا ما استحقش انه يتقالي استاذ ، يادوب لسه في ابواب الشعر يمكن اللي حضرتك تعرفه اكتر من اللي اعرفه انا بكتير

بالنسبه لأختياري ل نص دقيقه ، الإنسان لما يبقى عايز حاجه ويحس انها مستحيله عليه او صعبه جدا ، بيتمنى اضعف الأيمان ، يعني بيتمنى اقل شيء

وفيه حاجه في الأغنيه الحديثه اسمها الإيفيه ، ولما كتبت نص دقيقه كانت ايفيه في اغنيه ، اخترت عليها اسم للأغنيه

انا اتشكرك اخ علاء وياريت تتقبلوني في وسطكم اخ عايز افادتكم وانتقادكم قبل كلمة شكرا

[مصطفى اليازجي]

المشاركة الأصلية كتبت بواسطة سعدالشرقاوى

أخى الفاضل
ماتتصوّرش فرحتى قد ايه
بمولد شاعر غنائى جميل بيننا
وهذا الكلام يبشر بذلك

عايز اقابلك نص دقيقه
اشكي ف حضنك مُر بعادك
اسمع صوتك ويا سـكاتك
واعيش حلمي كإنه حقيقه

عايز اقابلك
وامسـح من جوايا الخـوف
نقدر سوا على أي ظروف
ده لسه كلامك ساكن فيا
حتى سلامك كده بكسوف
وممكن تتغنى أحسن من وجهة نظرى لوكانت
(حتى سلامك كله كسوف)
جميله والجاى أجمل ان شاء الله

تعقيب جميل من انسان فاهم بيقول ايه

تقريبا تمشي كده وكده ، يعني لما قولت كله ما قولتش شيء جديد ع النص

لكن لو تحاول تنطقها بصوت مرتفع شويه صغيره ، حتلاقيها لما تتقال زي ما انا كاتبها حتبقى اخف شويه

على اي حال ملاحظه جميله وتعقيب اجمل ويارب دايما اكون عند حسن ظنك اخي

[مصطفى اليازجي]

المشاركة الأصلية كتبت بواسطة على عبداللاه

ما شاء الله عليك
بجد كلامك يوصل للقلوب
بس لو تعدل نص دقيقه دى وتخليها كل دقيقه
تبقى قلت اللى جواى انا

انا وضحت في الرد اللي قبل كده

والف شكر لمرورك اخي الكريم ويارب دايما عند حسن ظنك