أغنية جديدة في مضمونها رائعة في معانيها وصورها صالحة للبث ما دامت الحروب قائمة... وقطعا لا يمكن تصنيفها في خانة الأغاني الفكاهية الهزلية وإنما هي أغنية تشهر بالحرب وآلتها المدمرة وما تخلفه من مآس وفواجع تطال الأبرياء وتأتي على الأخضر واليابس ... أغنية تفضح العدوان والهمجية والغطرسة والكراهية ومدعي الحضارة والمدنية ...ولله در مؤلفها ومؤديها صالح الخميسي أمير الفكاهة ورائد الأغنية النقدية والاجتماعية والهزلية الراقية الهادفة...تقول كلماتها
.
نحب أحباب الناس الكل***وماعندي دوانة مع حد
واللي نكرهو في الدم***الحرب ونحب السلم
-----
العالم باقي موش مرتاح***مادام موجود السلاح
طيارات تشق الأرياح***تخلي البني الكل ردم
شفت علاش نكره في الدم***الحرب ونحب السلم
-----
كل نهار نسمع أخبار***تخليني قلبي على النار
اختراعات تشغب الأفكار***ولا حد منهم افهم
شفت علاش نكره في الدم***الحرب ونحب السلم
-----
واحد عندو الأتوميك ***والآخر قال عندو الأتوم
وحلونا في تشربيك***ويعرفوا اللي هذا ظلم
شفت علاش نكره في الدم ***الحرب ونحب السلم
-----
في البر والبحور ما سلمنا ***لا زهينا ولا تنعمنا
العالم الكلو في محنة ***واللي في وعدو ينتم
شفت علاش نكره في الدم***الحرب ونحب السلم
-----
الثقاقة والمدنية جابت***القنبلة الذرية
وأنا علاش تلوم علي***ساعات نفد من هالهم
شفت علاش نكره في الدم***الحرب ونحب السلم
-----
نرضى روحي هكا جاهل***لا نصنع مدفع لا قنابل
خايف غدوة نقعد واحل***ياخذني كل واحد في سهم
شفت علاش نكره في الدم***الحرب ونحب السلم
.
رد: اصالح الخميسي (مونولوجيست)
رد: صالح الخميسي (مونولوجيست )
العرض العادي
