تحية فنية أستاذ عادل :
الرجاء تدوين أغنية فهد بلان مال و احتجب . الأغنية -إذا لاقت القبول لدى حضرتك - فيها ما يشبه الإدليب في بدايتها. و الجدير بالذكر أنها من ألحان الراحل سيد مكاوي .
اغنية فهد بلان ممكن ادونها هى جميلة لكن مش حدون الاودليب لنه بيتعمل سماعى اما اغنية فيروز مش حلوة يعنى تتسمع فقط يعنى التوزيع عامل فيها دوشة مع ان اللحن مش بطال لكن ما ينفعش تتعزف بآلة واحدة حاتطلع فاضية
و هذا رابط أغنية فيروز الوداع التي طلبها الأخ جابر.
دمت بخير
انا سعيد جدا وانا بقدم لكم اغنية من العيار التقيل جدا جدا .. وطبعا صعبة مش سهلة انشودة
بغداد ياقلعة الاسود
سعادتى كذا حاجة .. اولا انى قدرت ادون الاغنية الصعبة دى بالذات لأنها مش محفوظة لنها مش متداولة عندنا يعنى بستكشف كل مازورة فيها .. ثانيا سعادتى انى قدرت ادون الكم الهائل ده من العبقرية الصعبة فى 3 ساعات شغل ... يعنى انا شفت الطلب الصبح الساعة 6 صباحا .. وعل الفور اى نشيد لما بيكون فيه ازمة بيبقى له الاولوية .. واقدمه للشعب العراقى الحبيب ربنا يخلصه من اللى بيحصل .. وتعود العراق كما زرتها .. دونته فى 3 ساعات يعنى فى 3 قعدات خلال ال 12 ساعة الماضية .. الحاجة اللى انا فخور بيها .. انى سعيد بأنى اقدمها كعادتى مجانا ماطلبتش من حد مقابل .. عارفين هذا العمل بالصعوبة دى اللى بيدونوه انتقلوا الى الجنة ... ولو تواجد حد شاطر وعبقرى ممكن يدونه دلوقتى كان يطلب فيه بسعر السوق دلوقتى مش اقل من عشر آلاف جنيه .. والدولار عندنا ب 16 جنيه احسبوها ..لأن حيقول لك ده حياخد منى مجهود شهر ... انتم حظكم حلو اننا مازلت على قيد الحياة .. واتذكرالسنباطى مرة سنة 1976 لما قال لى انت الخير والبركة ... هل كان يقصد انهم سيرحلوا واكون انا بعدهم ابعث اعمالهم للحياة ؟ ارجو ان تسعدوا بالنوتة مع اطيب تحياتى
السلام عليكم ورحمة الله وبركاته
استاذنا القدير عادل صموئيل يسلمو ايدك على كل اعمالك الموسيقية
في التدوين الرائع انا بعرف اكترمن مره طلبت من حضرتك تدوين اغنية هاني شاكر
(حكايةكل عاشق) إنني بحاجة لها كتير وملنا غيرك بارك الله فيك
العمر الطويل والمديد والصحة والعافية والسعادة لقلبك كما تسعدنا / أستاذناالفاضل عادل صموئيل /
لقد أصاب وصدق السنباطي عندما قال أنت الخير والبركة
بوركت وبوركت جهودك .
ألف شكر.
صباح الخير استاذنا العزيز عادل المحترم . حقيقة لا اعرف كيف اعبر على شكري وتقدير الى حظرتك على التدوين الراءع لأغنية بغداد يا قلعة الأسود لكن اتذكر عبد الحليم حافظ قال كلمة في موسيقار الأجيال محمد عبد الوهاب ( رحمهما الله) في حفلتة أغنية فاتت جنبنا " رجل حمل على أكتافه عب الموسيقية العربية طول عمره... في الواقع مش لاقي كلام يعني اقدر اوصفو". وانت أستاذ عادل في تصوري انك رجل حملت على أكتافك تدوين والحفاظ على تراثنا الموسيقي العربي العريق بصورة مخلصة واحترافية والذي سيقى خالدا لنا والى اجيالنا في المستقبل وكل عمل قمت به لا يقدر بأى ثمن مهما كان هذا العمل. وشكرا على تعاطفك مع الشعب العراقي وادام الله عليك بالصحة والعافية والعمر المديد وحفظك الرب.