رد: قسم لاغانى الاطفال
أخى اعزيز وبلدياتى عزت
انا صدفة دخلت المنتدى ولقيت الموضوع ده امامى وقريته كله يعنى كل المشاركات
وانا بصفتى واحد من المشرفين فى المنتدى ممكن اقدم الاقتراح للمسؤولين فى المنتدى لكن مش افرض عليهم الموضوع
لكن امتى ابتدى جديا اتكلم معاهم ؟
لما يكون فيه رصيد عندكم ( كأخوة اعضاء ) من اولا تسجيلات لأغانى الطفال بعدد كافى يفتح موضوع او صفحة جديدة فى المنتدى بس بشرط مهم جدا ان تكون اغانى من زمن الفن الجميل يعنى انت اكيد تصفحت فى جميع اركان المنتدى وعارف اصحاب المنتدى بيحبوا مين او المنتدى بيتحدث مع اضاؤه فى حدود الاعمال من سنة كام لحد كام
ولو تلاحظ ان كل الاعمال الفنية فى المنتدى الى فترة عصر الزمن الجميل مش بعد كده وطبعا ده مش تشدد منهم ولكن عندنا رصيد رائع من اروع التسجيلات لأعظم الفنانين , يعنى ما اقدرش احط ف المنتدى اغنية لواحد من اللى بيغنوا دلوقتى يعنى اغنية الخيار الخيار مثلا هو لو غنى اغنية عن الطماطم ممكن تمشى اليومين دول لأن سعر الطماطم وصل خمستاشر جنيه لكن او رجع سعرها لجنيه او 2 جنية الاغنية حاتفقد قيمتها , مش حاطول عليكم اكيد فمتم مضمون كلامى , يعنى تقولوا حتى ان عندنا تسجيلات كل واحد منكم او من المهتمين بهذا الموضوع يتكلم هنا ويقول انا عندى كذا اغنية وبكده ممكن ان احصر عدد التسجيلات الممكنة بحيث لما اتكلم مع الناس المسؤولين فى المنتدى اكون بتكلم معاهم بقلب جامد يعنى مثلا لو عندكم تسجيلات لخكسن ستين اغنية , ساعتها اكون بتكلم معاهم عن مشروع صفحة جديدة تعتبر اضافة للمنتدى بس خلوا بالكم ان التسجيلات يكون حجمها مقارب لأحجام التسجيلات على المنتدى يعنى ما تجيبليش اغنية زمنها 6 دقائق وحجمها 40 ميجا لأن انتم عارفين اننا بنحمل كل اغانينا على سيرفر المنتدى ومش عايزين نحمل عليهحاجات تقيلة ممكن تعمل مشكلة .
بعدين الحاجة المهمة جدا جدا فى تسجيلات الزمن الجميل انك بتسمع اللاحن صافى من غير التوزيع الكتير اكتر من اللازم بتاع دلوقتى , انت فاكر اغنية عايدة الشاعر بتاعة اتوب ؟ انا اول ما سمعتها ( مع انك موجه كلامك لأخى العزيز طارق ) ما اقدرتش امسك نفسى ورحت كتبتها نوتة فورا ما اخدتش منى وقت لأنها مفهومة , يعنى المقدمة بمجرد ما سمعتها مرتين انا فصصتها وفهمتها وكتبتها , اما اغانى الحديثة الموزعة او انا بسميها متبعككة او متظروطة او ملطشة بحاجات عفاريتى اولا عامة الشعب مش حاتفهمها زى ما تروح مطعم بتاع ناس حرامية تطلب فرخة مشوية هى تسعيرتها النهاردة 38 جنيه والمحل عايز يسرق من 240 جنيه يروح حاطط 20 طبق سلاطة الطبق ب 16 جنيه واكيد فيها حاجات انت مش بتحبها لكن محطوطة قدام على السفرة ( اصل انا بتدبس فى الحكاية دى كتير آخر مرة حط قدامى 12 طبق سلاطة الطبق ب 16 جنيه منهم طبق مايونيز بالكرنب وطبق بنجر وكلاهما انا اقرف منه مع انى بموت ف سلاطة المايونيز البسلة والبطاطس بس ) لكن طبعا دفعت تمنهم غصب عنى .
المهم الموضوع بينقسم الى شقين الاول التسجيلات وثانيا النوت لما انا او اى حد من اخوتى المدونين يسمع اغنية سهلة فى السمع اكيد حايكتبها بسهولة وبسرعة نبقى كسبنا كتير .
وعلى فكرة انا قريت من احد الاخوة ان اغانى الاطفال نادرة وقليلة جدا بالعكس هى كتير لكن مغمورة ودى من خيبة الاذاعة للعلم يعنى عندهم مش اقل من 200 اغنية من اللى انا اقصدهم ممكن اغانى خالصة او اغانى وسط برامج او اوبريتات او فى وسط افلام بس هم بيركزوا على المعروف .
وانا متحمس للمشروع لأنى وجدت ردود المدرسين احبائى وحسيت بتعطش الشاطرين منهم للنوت دى , لأنى طبعا بشتغل معاهم من 30 سنة وعارف ان مشكلة الشاطرين منهم هى انهم بيضطروا يكرروا اعمالهم لعدم وجود جديد متوفر
انا آسف للإطالة لكن اكيد فهمتم مضمون كلامى كله واقروه مرتين
مع اطيب تحياتى عادل صموئيل
|