سيد حجاب

سيد حجاب .. الصياد الذى إصطاده الشعر!!

يحاصر الكثيرون الشعر الآن يعتبرونه أداه للشهرة و المال فأصبح الشعر مهنة من لا مهنة له لذا سبح هذا الشاعر ضد التيار ثار على الكلمة الهابطة ، على الجملة الركيكة ، حاول إصلاح أحواله لأنه عاصر جيل العمالقة و تتلمذ على يديهم ثم شق لنفسه طريقا خاصا بعيدا عن الآخرين.
كانت نشأته عاملا مهما فى إتجاهه إلى كتابة الشعر و بدا ذلك واضحا منذ ديوانه الأول صياد و جنيه .. هو الشاعر الكبير سيد حجاب الذى ولد فى مدينة المطرية بالدقهلية هذه المدينة الصغيرة الواقعة على ضفاف بحيرة المنزلة و التى علمته معنى الكفاح لما لها من طبيعة خاصة فهى مدينة صيادين لها عالمها و سحرها الخاص فكان يخرج و هو صغير مع بزوغ الخيط الأبيض من الفجر ليرى عودة الصيادين محملين بما رزقهم الله من خيرات البحيرة.
ربما لم تكن طبيعة هذه المدينة السبب الوحيد لإحترافه الشعر فقد كان والده بمثابة المعلم الأول عندما كان يشاهده فى جلسات المصطبة الشعرية حول الموقد فى ليالى الشتاءالباردة و هو يلقى الشعر للصيادين فى مباراة أشبه بالتحطيب الصعيدى فكل صياد يلقى ما عنده فكان يدون كل ما يقوله الصيادون و يحاول محاكاتهم و كان يخفى عن والده حتى أطلعه على أول قصيدة كتبها عن شهيد بإسم "نبيل منصور" فشجعه والده على المضى قدما فى هذا الإتجاه حتى دخل المدرسة و صادق المعلم الثانى شحاته سليم نصر مدرس الرسم و المشرف على النشاط الرياضى و الذى علمه كيف يكتب عن مشاعر الناس فى قريته.
و مع تنامى موهبته و إحتكاكه و قراءاته إكتسب العديد من الخبرات حتى تقابل مع الشاعر عبد الرحمن الأبنودى فى إحدى ندوات القاهرة و من هذه الندوة أصبحا صديقين ثم تعرف على أستاذه الثالث صلاح جاهين فكان أول لقاء بينهما بعد أن سمع قصيدة لسيد فإنتفض واقفا يحضنه و يلف به حجرة الملحن سليمان جميل ليقول لفؤاد قاعود إحنا بقينا كتير يا فؤاد و تنبأ له بأنه سيكون صوتا مؤثرا فى الحركة الشعرية و قد صدقت نبوءة جاهين ففى منتصف الستينات من القرن الماضى إحتفى المثقفون بأول ديوان له صياد و جنيه و بعده إنتقل إلى الناس عبر الأثير من خلال مجموعة البرامج الإذاعية الشعرية بعد التحية و السلام ، عمار يا مصر ، أوركسترا و قد كان الأبنودى يقدم معه البرنامج الأول بالتناوب كل واحد 15 يوما و بعد فترة إنفصلا فقدم كل منهما برنامجا منفصلا.
كما شارك سيد حجاب فى الندوات و الأمسيات الشعريةو الأعمال التليفزيونية و السينمائية فى محاولة للوصول للجمهور و قدمه جاهين لكرم مطاوع ليكتب له مسرحية حدث فى أكتوبر فدخل فى نسيج الحياة الثقافية.
و عندما دخل الشاعر سيد حجاب مجال الأغنية لم يتنازل عن جوهر الشعر بل إن الشاعر حماه من الإنزلاق وراء كلمات سهلة يلوكها المستمع ثم تجد طريقا لأقرب سلة مهملات فغنت له عفاف راضى و عبد المنعم مدبولى و صفاء أبو السعود و إقترب على إستحياء من سوق الكاسيت و كان ذلك من خلال فريق الأصدقاء مع عمار الشريعى و قدم أغانى فى ألبومها الأول مع عمر بطيشة ثم أتبعه بألبومين هما "أطفال أطفال" و "سوسه".
بعدها إقترب من بليغ حمدىبأغنيات لعلى الحجار و سميرة سعيد و عفاف راضى و قدم معه الحجار تجيش نعيش و كتب لمحمد منير فى بداياته أغنية آه يا بلاد يا غريبة فى أول ألبوم له ثم أربع أغنيات فى ألبومه الثانى و من هذه الأعمال إنطلق يكتب أشعار العديد من الفوازير لشريهان و غيرها بجانب العديد من تترات المسلسلات التى عرض بعضها فى رمضان.
لم يبتعد حجاب عن السياسة فالتحق منذ شبابه بأشبال الدعاه مع الإخوان المسلمين ثم إنضم لحزب مصر الفتاة و إصطدم بالعديد من التيارات الفكرية التى ساهمت فى ثقل موهبته و أعطتها رونقا خاصا و إعتقل خمسة أشهر فى عهد جمال عبد الناصر كل هذا أثر على تجربته الشعرية التى مازال يمتعنا بها.

عن جريدة الموجز
بتاريخ 12/10/2005

[omar23]

السلام عليك يا أهل المنتدي
بصراحة انا ديه أول مرة أكتب تعليق
وانا بصراحة مبحبش اكتب تعليقات كتير
لكن الاستاذ سيد حجاب مقدرش أمر عليه مرور الكرام
بصراحة با جماعة هذا الرجل عبقري من نوع خاص
دايما بحس في اشعاره انه عشري وكلامه خارج من التراب المصري والطين بتاع ارضنا وأصالة بلادنا
وبصراحة ماشاء الله عليه ربنا يزيده معظم كلامة حكم وكلام بيوجع
وانا اتمني منكم لو كان عندكم اي شئ ولو سطر واحد من اشعارة متبخلوش بيها علينا وتحرمونا من الحلاوة ديه والرقي في الكتابة ده
انا في انتظار المزيد من اشعار الفنان سيدحجاب
وانا سعيد جدا اني شاركت معاكو
والسلام عليكم ورحمة الله وبركاته

[karawan19]

مقدمة مسلسل أرابيسك

كلمات: سيد حجاب
ألحان: عمار الشريعي
غناء: حسن فؤاد

و ينفِلِت من بين إيدينا الزمان

كإنه سَحبة قوس في أوتار كمان

و تنفرط الايام عود كهرمان

يتفرفط النور و الحنان و الأمان

و ينفلت من بين إيدينا الزمان

الشر شرق و غرب داخل في حوشنا

حوشوه لا ريح شاردة تقشقش عشوشنا

حوشوا شرارة تطيش تشقق عروشنا

و تغشنا المرايات تشوش وشوشنا

و تهيل تراب ع الهالة و الهيلمان

الغش طرطش رش ع الوش بوية

ما درتش مين بلياتشو أو مين رزين

شاب الزمان و شقيت .. مش شكل أبويا

شاهت وشوشنا تهنا بين شين و زين

ولسه ياما و ياما حنشوف كمان

[سمعجى]

عمنا السيد حجاب..
إتشرفت بالجلوس في حضرته ييجي كام مرَّة
نداهة أشعاره ما بترحمش
إللي خايف .. يبعد !!
و آدي أصل عاميته ( الموجـِعة ) في ( أرابيسك ) :

يا مركب العمر
يا مشلوح ما بين هِلبين
تِنشـَدّ بينهم .. تعيش
في الشك ما بين بين
تنفك منهم تتوه..
مندوه في بحر البين
و لفين نروح ؟! ..
يا ريت كان لي يا هوووه ..
قلبين !

ما تقولشي أصلك و فصلك
قول حليم ستار
حاتغـَمّي بايدك عنيك..
تِعمىَ الخـُطىَ و تحتار
عقلك في راسك ..
و ملزوم كل يوم تختار
عيش في الحقيقة ،
لا يندار نصلها البتـَّار
و تحِشـَّك النار .. د
و تتسوى على الجنبين

مين و ابن مين ؟! ..
الحياة ما يهمهاش أصلك
أصلك بفعلك ..
تِواصل فِعله و يواصلك
فعلك دا من عقلك..
إن طاوعته رقص لك ..
زمنك و دنياك ..
و اذا قصقصتـُه ..نغـَّص لك
زمنك و دنياك ..
فـَشوف و اختار
ما بين دربين

يا مركب العمر ..
هو العمر كام ؟
واحد !
يا عشته كله يا ضيعته ..
و عليك واحد
ما تقولشي أصلك و فصلك ..
كلنا واحد
من أصل واحد ..
و رب الكون إله واحد

تقول زماني رماني ..
أو زماني اندار
تتوه في ليل الأماني..
في موج عفي و غدار
تقول زماني عماني..
ودربي طال بي و دار
تضيع في بحر الزمن
و تعيش غريب الدار

تلقى الحياة راحت !!

و ان كان زمان الزمان..
ملا جدودك نور
و اتعصبوا بتاج دهب..
في قصور من البنـُّور
ماهُم كمان إدوا ياما..
و كل شيء بالدور
و هما برضو اللي خللوا..
بيننا الزمان دا يدور

و العالم ارتاحت !!

و ينفلت من بين إيدينا الزمان
كأنه سحبة قوس في أوتار كمان
و تنفرط لِيَّام .. عود كهرمان
يتفرفط النور و الحنان و الأمان

الشر شرق و غرب
داخل في حوشنا
حوشوه لا ريح شاردة
تقشقش عشوشنا
حوشوا شرارة تطيش
تشقق عروشنا
و تغشنا المرايات
تشوش وشوشنا
و تهيل تراب
ع الهالة و الهيلمان

الغش طرطش ..
رش ع الوش بوية
ما درتشي مين بلياتشو
أو مين رزين
شاب الزمان و شقِيت
مش شكل ابويا
شاهت وشوشنا
تـُهنا بين زين و شين
و لسة ياما و ياما
حانشوف كمان

ليه كدا يا عم السيد ..
ليه ؟!
ما انا كنت غفلان ! ..
رووح .. .الله يسامحك

[saghabini]

(سَلو قَلبي غَداةَ سَلا وَثابا" "لَعَلَّ عَلى الجَمالِ لَهُ عِتابا)

(لامير الشعراء احمد بك شوقى)

سلوا قلبى- سيد حجاب

<DIV style="TEXT-ALIGN: center">سلوا قلبي وقولوا لي الجوابالماذا حالنا أضحى هبابا؟لقد زاد الفساد وساد فينافلم ينفع بوليسٌ أونيابةوشاع الجهل حتي أن بعضامن العلماء لم يفتح كتاباوكنا خير خلق الله صرنافي ديل القايمة وف غاية الخيابةقفلنا الباب أحبطنا الشبابافأدمن أوتطرف أو تغابي
***
أري أحلامنا طارت سراباأري جناتنا أضحت خراباوصرنا نعبد الدولار حتينقول له(أنت ماما وانت بابا)وملياراتنا هربت سويسراونشحت من الخواجات الديابةونهدي مصر حبا بالأغانيفتملؤنا أغانينا اغتراباوسيما الهلس تُشبعنا عذاباوتشبعنا جرائدنا اكتئابا
***
زمانٌ يطحنُ الناسَ الغلابةويحيا اللص محترما مهابافكن لصا إذن أو عش حماراوكل مشا إذن أو كل كباباودس علي الناس أو تنداس حتىتصير لنعل جزمتهم ترابا<SPAN lang=AR-SA style="FONT-FAMILY: Tahoma"><FONT face=Arial><FONT size=2><FONT color=darkslateblue>أمير الشعر عفوا واعتذارا

[جمال حسين]

ياسلام ياسلام على الكلم الجميل. ( فى مقدمة مسلسل أرابيسك ) :
شوفتوا ازاى عمنا سيد حجاب مسك حرف ( الشين ) وجدل منه ضفيرة كلام ...
شوفتو ه لما حط حرف ( الشين ) فى نول الشعر فنسج لنا احلى سجادة بلدى .وأحلى بردة أصيلة ..
بالله عليكم مش برضه هوه جواهرجى كلام؟
بذمتكم مش كلماته من دهب ؟
يا سلم ياسلام على أحلى كلام .. مع صادق تحياتى....
جمال حسين.

[سمعجى]

هذه المشاركة للأستاذ unicorn
نقلتها كما هي :

الحدود

واحنا فايتين ع الحدود
مستمرين في الصعوود
اختفى النيل الجميل من تحتنا
و المدن و الريف و أول عمرنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

باصة مالشباك على البحر البعيد
واحنا داخلين بالأمل عالم جديد
كنت فاكرة يا مصر اني زهقت منك
و إكتشفت إني محال أستغنى عنك
حتى دوشة صوت جيراني
و الزحام وحشوني تاني
بسمة حلوة لطفلةلسة صغيرة
لما كنت أديها حتة سكرة
قبل مانفوتك وحشتينا
يا مصر يا أمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

كنت بتذكر و أنا في غاية الأسى
لعبنا الكورة في حوش المدرسة
و الشقاوة واحنا لسة صغيرين
و البراءة و الصحاب الطيبين
لما سألتني اللي جنبي
إنت مصري ؟؟...دق قلبي
إسم زي السحر رفرف عالمكان
زي نسمة مهفهفة بصوت الآذان
أيوة مصريين لآخر
كل نقطة في دمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

الوجوه من ثلج و عيون من قزاز
شوقي زاد للعشرة و الناس العزاز
و إبتديت أكتب و أنا فوق السحاب
إبتديت يا حبيبي في أول جواب
مصر إنتي حتة مني
مش مجرد إسم وطني
قالوا فاضل نص ساعة عالوصول
قلت ايه معنى الساعات و الا الفصول
إلا في الأرض اللي فيها
ذكرياتنا و حبنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

__________________

تموت الاسد فى الغابات جوعا
و لحم الضأن يرمى للكلاب
و ذو جهل ينام على حرير
و ذو علم ينام على التراب

[mohamedsamy]

ياجماعة المعلومة دي من الاستاذ سيد حجاب بنفسه
الحدود مش كلماته

[abuaseem]

من اعمال سيد حجاب بصوته:

بحبك يا بنت الذين
او
قصيدة القاهرة الساحرة الاسرة

[abuaseem]

المشاركة الأصلية كتبت بواسطة abuaseem

من اعمال سيد حجاب بصوته:

قصيدة قبل الطوفان الجاي