انا ...... املك ... رائعة منسية

[حسن كشك]

اغنية من العيار الثقيل
عزومه من اللى بيتشرب فيها قهوة سادة .... اغنية مش عارف اوصفها .... لكنها جميله ورائعة كلمات ولحن وغناء
لكن طابعها حزين جداً ... مندبه ... لكن راقية جدا ... ولكن لما تستمع للاغنية ... لا تعرف .أأنت تقولها ... ام أنت تسمعها .... يعنى انت الظالم ولا المظلوم ... ( ما اهو احنا كده لما بنسمع اغنية بنعيش الحاله )
لكن بصراحة ياجماعة انا مش عارف ... الراجل اللى لحنها ده ... لحنها ازاى والله .... مش ممكن ... لحن جميل رائع وحزين ... الا فى بعض الاوقات ... كان بيحاول يهرب من الحزن ده ... ويفرح شويه ... لكن ... كلام الاغنية ما بيخلهوش يطول فى الفرح ...والفرصه الوحيده اللى لقاها الملحن عشان يعمل شويه فرح فى الشطره دى ( وحتى انت بقيت اقابلك واخلى دموعى تضحكلك )ماصدق شاف كلمة (تضحكلك) بس ياعينى يرجع لحالة الحزن الوقوره اللى بتجبرنا على احترامها تانى وحتى الكورس فى الاغنية مقالش غير كلمه واحده واخذ يرددها ( آه ) بس والموسيقى كانت اشبه بالموسيقى التصويرية للافلام وخاصة المقدمة الموسيقية للاغنية .. ولما كانت نجاة تغنى كانت الموسيقى تتوقف تماما .. عدا اله الايقاع واظنها الرق ...وتابعوا الرق فى الاغنية هو والايقاع وشوفوا بيعملوا ايه وخاصة فى المقدمة اللى قبل الشطره اللى بتقول ( انا الدنيا اللى من غيرى مكانش الكاس بيحلالك )واثناء غناء نجاة لهذا المقطع جمال مابعده جمال ... وسلطنه ورقى والنبى تاخدوا بالكم وتركزوا اوى اوى .
موضوع الاغنية ببساطة حبيبه تلوم حبيبها ... على نسيانه جمايلها عليه ... هى جمايل عاطفيه ....وتضحياتها عشانه...وتستغرب ... لما هى عملت ده كله معاه ... هجرها وسابها ليه ....احكموا انتم ...
رابط الاغنية

الاغنية .... انا املك
الكلمات ......؟؟
اللحن .......؟؟.
الغناء : نجاة الصغيره .... لما كانت صغيره وصوتها الحزين المميز الخفيض وغنت الاغنية بسلطنه عالية ونفس مرتاح اوى اوى

كلمات الاغنية
والابيات اللى تحتها خط رائعة وبتوجع القلب اوى
أنا املك... انا حبك ... انا الفكر اللى مشغول بك
انا القلب اللى من عهدك ... مالوش قبلك ولا بعدك
وبعد ده كله تنسانى ... وتنسى قلبى .... يا قلبك

انا النار اللى كان قلبك ... ...عايش فى نورها متهنى
شبابى كان حطب نارى ... ... لا نابك انت ولا نابنى
رضيت بالنار عشان خاطرك ... عشان تفضل تنورلك
وبعد ده كله تنسانى .............وتنسى نارى ياقلبك

انا الدمع اللى كان يسهر..... ليالى من الاسى يشكى
وكان لو حد يسألنى .........اقول من فرحتى بابكى
وحتى انت بقيت اقابلك .....واخلى دموعى تضحكلك
وبعد ده كله تنسانى ...........وتنسى دموعى ياقلبك

انا الدنيا اللى من غيرى ... مكانش الكاس بيحلالك
ولما الوجد راح منك ..... بقيت من روحى املالك
لا يوم حاولت اغيب عنك ....ولا فكرت اروح منك
وبعد ده كله تنسانى ........... وتنسى قلبى ياقلبك

اسمعوا لهذه الرائعة المنسية وتمتعوا
فينك يامايسترو ... خش ياخويا وحلل ... ولا خلاص ماعنتش بتحلل اليومين دول ونفسك كبرت علينا.. اللى عطاك يعطينا ياعم

[فؤاد]

وقدرت تهجر
ياقلبك
طول عمرك هتفضل رومانسي
كده علي طول ياأستاذ حسن
ألحان رياض السنباطي كلها رائعه
تسلم يارائع ياحسن

[mokhtar haider]

أخي الحبيب الاستاذ حسن
الأغنية من ألحان رياض السنباطي أكيد باين عليها زي الشمس أسلوبه فايها واضح... فيها حتى بعض الجمل اللحنية اللتي تشبه بعض جمل من أغنية نجاة الدينية إلهي ما أعظمك من ألحان السنباطي أيضا...و كاتب كلماتها أنا سمعت أنه حسين السيد لكن مش متأكد 100 ل100

[غواص النغم]

المشاركة الأصلية كتبت بواسطة mokhtar haider

أخي الحبيب الاستاذ حسن
الأغنية من ألحان رياض السنباطي أكيد باين عليها زي الشمس أسلوبه فايها واضح... فيها حتى بعض الجمل اللحنية اللتي تشبه بعض جمل من أغنية نجاة الدينية إلهي ما أعظمك من ألحان السنباطي أيضا...و كاتب كلماتها أنا سمعت أنه حسين السيد لكن مش متأكد 100 ل100

نعم هي :
ياقلبك
كلمات حسين السيد
والألحان للسنباطي
وفعلا هذه الأغنية لم تنل الشهرة المتوقعة واعتقد ان الأغنية التي نالت الشهرة من اعمال السنباطي لنجاة
هي اغنية : ياهاجر بحبك لعبدالمنعم السباعي
شكرا على الإختيار الجميل يا اسد الإسماعيلية
تحياتي

[الألآتى]

لا والله ياعم حسن .. لا نفسى كبرت ولا حاجة أبداً ..

كل الحكاية .. إن التشجيع إللى كان موجود زمان .. مش موجود النهاردة ..

والدليل إنى فرحت جداً لما لقيتك كاتب موضوع فى ( دعوة موسيقية ) .. لأنك من المشجعين القدامى ..

والسبب الثانى .. أن القسم تحول بقدرة قادر إلى مواضيع ليس لها صلة بدعوة موسيقية على أغنية .. فكل من لا يجد قسماً مناسباً ليضع فيه مشاركته .. يضعها فى هذا القسم .. فإنسدت نفسى ..

المهم ..

أعتذر بشدة لك ولكل من شارك بالرد عليك .. لأن كلامى سيكون صدمة غير متوقعة للجميع ..

وستجد مبررات حكمى على الأغنية فى الرد التالى ..

[الألآتى]

بسم الله نبدأ فى تحليل أغنية ( ياقلبك )

كلمات : حسين السيد

ألحان : رياض السنباطى

غناء : نجاة

لم يبدأ السنباطى لحنه هذه المرة بالأدليب كعادته فى هذه الفترة ..

وإنما دخل مع الإيقاع مباشرةً .. بجملة هادئة من الوتريات .. ثم يفاجئنا بتغيير حاد .. ونتذكر مقدمة ( ياناسينى ) التى لحنها لشهرزاد .. حيث الإيقاعات الغربية والجمل المتقافزة .. ويعود للهدوء مرة أخرى ليمهد للغناء ..

وجدير بالذكر أن السنباطى إختار مقام البياتى ليبدأ منه لحنه .. وهو على العموم من المقامات الأثيرة إليه ..

وتغنى نجاة من البياتى .. ( أنا أمَلَك .. أنا حبك ) .. حتى تصل إلى ( وبعد ده كله تنسانى ) .. فنجد أنفسنا فى مقام ( أثر بياتى ) وهو مقام من نفس عائلة البياتى ..

ينتهى المذهب .. حيث يعمد السنباطى إلى اللف والدوران بنا بين المقامات .. فيستعمل مقام النوا أثر .. أو لنقل أنه جنس النوا أثر .. ثم جنس الحجاز .. لتغنى نجاة من النهاوند .. ومن نفس درجة البياتى .. وهذا غريب .. وغير تقليدى ..

وينهى الكوبليه بنفس نهاية المذهب .. ( وبعد ده كله تنسانى ) من الأثر بياتى .

يبدأ الكوبليه الثانى بصولو قصير جداً من آلة الكمان .. يعقبها رد أقصر من مجموعة الوتريات ..

وتغنى نجاة بطريقة الغناء الحر ( أدليب ) من مقام ( أثر كرد ) .. وهو قريب جداً من الأثر بياتى بالطبع .. والفارق بينهما .. ربع تون فقط .. وهذه هى المقامات الشرقية وتفرعاتها .. تتلكك على ربع تون .. وتتخانق عليه ..

المهم يعود السنباطى للنهاوند عند ( وحتى إنت بقيت قلبى ) .. تمهيداً للعودة للأثر بياتى عند نفس الجملة ( وبعد ده كله تنسانى ) .. وينهى الكوبليه ..

يبدأ الكوبليه الثالث والأخير بنقلة نوعية .. حيث يستخدم السنباطى إيقاع الفالس .. وهو إيقاع غربى ثلاثى ..

ويدخل مباشرةً من مقام النهاوند دون لف أو دوران .. وتغنى نجاة من نفس المقام .. ( عشان نخلص ) ..

ثم وقفة .. لتعزف الفرقة جملة حرة من مقام الراست .. وهو أيضاً من نفس درجة البياتى والنهاوند ..

والواضح هنا أن السنباطى يعرف إمكانيات نجاة الصوتية .. فلم يعطيها طبقات عالية لا تناسب صوتها ..

لأنه لو إستعمل الراست أو النهاوند بالطريقة الطبيعية إنطلاقاً من البياتى .. لما إستطاعت نجاة الوصول للطبقات العالية ..

وهذا مايميز الملحن الناجح .. معرفة إمكانيات المطرب الذى يلحن له ..

المهم أن السنباطى يترك الراست ويعود بنا للأثر بياتى وينهى الكوبليه والأغنية ..

هذا تحليل مقامى بسيط للأغنية ..

ونأتى الأن لتحليل العمل ككل .. لعلنا نستطيع الإجابة عن بعض التساؤلات ..

البعض يتعجب لكون هذا العمل غير مشهور أو منتشر .. وخاصة أن أضلاعه لهم أعمال عديدة مشهورة وكبيرة ..

فهى ليست أول مرة يجتمع الثلاثى ( حسين السيد والسنباطى ونجاة ) فى عمل واحد ..

عندما سمعت العمل .. وكررت سماعه أكثر من مرة .. إكتشفت أن السنباطى .. طلسأ العمل .. لم يعطيه إهتمامه كما يجب ..

فنجد فى المقدمة الموسيقية .. نقلات مفاجئة وغير متسلسلة تسلسلاً طبيعياً .. كما أنه أكثر من إعطاء نجاة فرصة الغناء الحر .. وهذا مالا تستطيعة نجاة بالتأكيد ..

ولعلنا نلاحظ أن هذا تسجيل ستوديو .. ولكنه منفذ بطريقة الحفلات .. فالجملة الموسيقية والغنائية كذلك .. متكررة أكثر من اللازم .. كما أنه يكرر الكوبليه نفسه أكثر من مرة .. وهذه ليست السمة التى تعودنا عليها فى تسجيلات الأستوديو ..

كما أننا نلاحظ ايضاً أن هناك عيوب فى الأداء وكأن الفرقة لم تتدرب على الأغنية كما ينبغى .. ويتضح هذا فى الدخول الغير متقن للموسيقى .. وحتى الكورال .. أعاد المقطع أربع مرات .. وكأنه فوجئ أن المطلوب أربع مرات وليس إثنان كما المعتاد ..

ونخلص من هذا .. أن سبب عدم شهرة هذه الأغنية وإنتشارها .. ليس لأنها مغمورة أو مهملة .. ولكن لأن أصحابها ربما يتبرأون منها .. أو لا يعتبروها من أعمالهم المتميزة ..

نحن بالتأكيد لانعرف ظروف إنتاج هذا العمل .. ولكننا سمعنا عمل لا يليق بالسنباطى أو نجاة ..

[mokhtar haider]

و الله يا أبو حسام
في 1983 في شهر رمضان كانت نجاة تشارك في حفلات مهرجان الأغنية العربية في الجزائر .... و كان لي معها لقاء خاطف لبضعة دقائق ... كنت عبرت لها عن حبي لأغنية رباعيات الخيام و على عظمة السنباطي... ففاجأتني بالرد علي بهذه العبارات... رياض السنباطي مش من أسلوبي... و كأنها قلقت من السؤال عن السنباطي ...و كأنها أرادت إنهاء الكلام عليه... و أنا بصراحة أحسست بشيء من البرودة و تخلصت من هذا اللقاء ...
هو انت يا عم أبو حسم رحت لصلب الموضوع بسماعك الأغنية و أبرزت لنا هذه العلاقة... و أشكرك و أعترف لك بهذا التحليل و استخلاصاته
بالفعل نجاة كانت تبحث عن الأغنية الناجحة بأي ثمن و تهمل الأعمال العظيمة دون ضمان النجاح الجماهري...
ابتعدت حتى عن كمال الطويل في نهاية الخمسينات وبداية ال 60 و ابتعدت عن الموجي و راحت للنجاح المضمون مع عبد الوهاب و لبليغ حمدي الملحن الموهوب ليملأ لها أوقات الفراغ بيم لحن لعبد الوهاب و آخر... و هذا لغاية النصف الثاني من السبعينات

[بشير عياد]

المشاركة الأصلية كتبت بواسطة حسن كشك

اغنية من العيار الثقيل

عزومه من اللى بيتشرب فيها قهوة سادة ....

يااااااااااااااااااااااا ذوقك الرّهيب
كيف استطعت تنبيهنا إلى هذه التحفة ؟؟؟؟
دي محتاجة ترانزستور صغير ، وليلة ضلمة ، عتمة ، على شاطئ النيل في مكان بعييييييييد عن العمران أو أضواء السيّارات
يا ساتر يا سنباطي !!!!!
هل استمعتم إلى حزمة الكمنجات عند الدقيقة 20 و 35 ثانية ؟؟؟؟
وهل استمعتم إلى الـ " ياء " في " أغيب " ثمّ الـ " واو " في " أروح " .... كأنهما لحظات ما قبل طلوع الروح في نهاية الأغنية / القصّة ؟؟؟
أنا " متبنـِّج " ببنج من اللي بيبهدلني وأنا أستمع إلى أمّ كلثوم !!!

[حسن كشك]

شكرا يامايسترو على تحليلك الرائع
شكرا لكل الاخوه الذين لبوا الدعوه وحضروا العزومه
فيه عزومه تانية عملتهالكو ... منتظركم هناك كلكم ... وهاتوا معاكم اللى عاوزين تجيبوهم ... المائده مفتوحه للجميع بس برضه عزومه من العيار الثقيل الدسم ... لكن برضه فيها قهوة سادة .....
منتظركم فى عزومه على اغنية فايزة ... انا اللى تنسانى انا

[abuzahda]

المشاركة الأصلية كتبت بواسطة حسن كشك

شكرا يامايسترو على تحليلك الرائع

شكرا لكل الاخوه الذين لبوا الدعوه وحضروا العزومه
فيه عزومه تانية عملتهالكو ... منتظركم هناك كلكم ... وهاتوا معاكم اللى عاوزين تجيبوهم ... المائده مفتوحه للجميع بس برضه عزومه من العيار الثقيل الدسم ... لكن برضه فيها قهوة سادة .....
منتظركم فى عزومه على اغنية فايزة ... انا اللى تنسانى انا

يا أستاذ حسن كشك
قريت كل حرف هنا قبل ده

كإني بحرم جامعة

تحياتي إلى روعتك يا عمي حسن كشك
و إلى الرائعين ، ضيوف موائد أنوارك