تحليلات سيادة الرئيس ـ أبو على

[سيادة الرئيس]

محمد عبد الوهاب

في منتهى الخبث الموسيقي يختار مقام برضه في منتهى الخبث الموسيقي

مقام اللامي

التدوين كتبته خصيصا لمنتدانا

من أشهر الألحان التي وضعت في هذا المقام

رائعة الأستاذ : محمود محمد كامل
و طبعا غناء : طلب

تسلم إيدين إللي إشترى

المهم

مقام يحير في ركوز سماعه فلا انت عارف تركز على أساسه و لا انت عارف تركز على رابعته

( كردين في ديل بعض ) الأولاني على مي ( بوسيلك ) و التاني على لا ( حسيني )

يعني بالبلدي سموه ليه درجات ركوز محيره

يحكى أن اللامي أصله يرجع لقبيلة ( بني لام ) العراقية و كانوا يحدوا بيه للأبل

عمك الدكتور عبد الوهاب و في واحده من زياراته للعراق 1932 سمع المطرب
( صالح الكويتي )
طبعا بيقول من اللامي و عنها أكل المقام و بلّع عليه و هضمه و كفى على الخبر ماجور

ليفاجئ السميعه بباكورة إنتاجه من مادة اللامي الجديدة على ودان المحروسة

ياللي زرعتوا البرتقان 1937

يعني خمس سنين و هوه كتمه في قلبه لكن التأثير على المستمع بده مقام أظن لم يكتمل
و أقول لحضرتك.... لا ده هوه اللئيم إللي قال

لما وقع على كلام من الأستاذ حسين السيد 1954 بيقول

قلبي بيقول لي كلام و انت بتقول لي كلام
و عينيه شايفه كلام و الناس بيقولوا كلام
إحترت أصدق مين و إحترت أكدب مين

حيره..... إمسك.... إقفش..... لا و كل الكلام داير على الحيره
يبقى ما فيش أحلى من ملك الحيره المتوج

مقام اللامي

و يطلع علينا ( أقصد عليهم أنا لسه صغير ) بلحن و لا أروع
المقام زود حيرة الكلام حيره وتحس إن حضرتك متلخفن و انت بتسمع
و لسان حال ودان جنابك يقول ( إركز يا ابني أبوس إيدك )

عبد الوهاب قال من درجة دو ( راست )
مااعرفش يمكن الطبقه دي مريحاه ( مع إن البوسيلك مش بعيده )

أو يمكن خبث موسيقي

أنعم به من كلام
و أنعم به من لحن و مقام
و أنعم به من ملحن و مطرب في منتهى الخبث الموسيقي

قلبي بيقول لي كلام
الرابط من داخل المنتدى

و أترك المحاشي الداخليه لعمي الآلاتي و شد حيلك معانا

[الألآتى]

المشاركة الأصلية كتبت بواسطة سيادة الرئيس

و أترك المحاشي الداخليه لعمي الآلاتي و شد حيلك معانا

محاشى إيه ياعم صلاح .. إنت سبت لى حاجه أقولها .. ربنا يديك الصحة ..

عموماً .. سيبنى أكل اللحن وأستطعمه وأهضمه .. وأجيب لك أخره ..

[mokhtar haider]

المشاركة الأصلية كتبت بواسطة سيادة الرئيس

محمد عبد الوهاب

في منتهى الخبث الموسيقي يختار مقام برضه في منتهى الخبث الموسيقي

مقام اللامي

التدوين كتبته خصيصا لمنتدانا

من أشهر الألحان التي وضعت في هذا المقام

رائعة الأستاذ : محمود محمد كامل
و طبعا غناء : طلب

تسلم إيدين إللي إشترى

المهم

مقام يحير في ركوز سماعه فلا انت عارف تركز على أساسه و لا انت عارف تركز على رابعته

( كردين في ديل بعض ) الأولاني على مي ( بوسيلك ) و التاني على لا ( حسيني )

يعني بالبلدي سموه ليه درجات ركوز محيره

يحكى أن اللامي أصله يرجع لقبيلة ( بني لام ) العراقية و كانوا يحدوا بيه للأبل

عمك الدكتور عبد الوهاب و في واحده من زياراته للعراق 1932 سمع المطرب
( صالح الكويتي )
طبعا بيقول من اللامي و عنها أكل المقام و بلّع عليه و هضمه و كفى على الخبر ماجور

ليفاجئ السميعه بباكورة إنتاجه من مادة اللامي الجديدة على ودان المحروسة

ياللي زرعتوا البرتقان 1937

يعني خمس سنين و هوه كتمه في قلبه لكن التأثير على المستمع بده مقام أظن لم يكتمل
و أقول لحضرتك.... لا ده هوه اللئيم إللي قال

لما وقع على كلام من الأستاذ حسين السيد 1954 بيقول

قلبي بيقول لي كلام و انت بتقول لي كلام
و عينيه شايفه كلام و الناس بيقولوا كلام
إحترت أصدق مين و إحترت أكدب مين

حيره..... إمسك.... إقفش..... لا و كل الكلام داير على الحيره
يبقى ما فيش أحلى من ملك الحيره المتوج

مقام اللامي

و يطلع علينا ( أقصد عليهم أنا لسه صغير ) بلحن و لا أروع
المقام زود حيرة الكلام حيره وتحس إن حضرتك متلخفن و انت بتسمع
و لسان حال ودان جنابك يقول ( إركز يا ابني أبوس إيدك )

عبد الوهاب قال من درجة دو ( راست )
مااعرفش يمكن الطبقه دي مريحاه ( مع إن البوسيلك مش بعيده )

أو يمكن خبث موسيقي

أنعم به من كلام
و أنعم به من لحن و مقام
و أنعم به من ملحن و مطرب في منتهى الخبث الموسيقي

قلبي بيقول لي كلام

و أترك المحاشي الداخليه لعمي الآلاتي و شد حيلك معانا

و يا له من خبث ... الله يسامحك يا عبد الوهاب

[Egy_LoveR]

جميل.....لأ رهيب كلام أكثر من رائع....ولحن غريب وشغل عالي جدا.... كيف لا وهو من سيادة الريس! (يا سلام لو الرؤساء اللي بجد زوقهم عالي كدا!) ناااااااس طيبين أوي

علي الحجار فنان جميل جدا....ومادام جميل يبقى اكيد له مكان هنا

واضح من كلام الاستاذ ابو حسام ان اللحن فيه فكرة برضه ولو ان الكلام عالي عليا شوبة...انا مش دارس اصلا فمعرفش ايه هو الحساس ولا الحرف المعلق....بس واضع ان اهل العلم بيتكلموا ...وواضح من الكلام ان اللحن ده مش عادي

شكرا...وعايزين كمان من ده !

[الألآتى]

بسم الله نبدأ فى تحليل أغنية ( قلبى بيقول لى كلام )

كلمات : حسين السيد

ألحان وغناء : محمد عبد الوهاب ..

الكلمات لا تحتاج تفسير .. فهى لعاشق محتار بين مايسمعه من الناس ومايراه من حبيبه .. ويصدق عليه القول ( أسمع كلامك أصدقك .. أشوف أمورك أستعجب ) .. عاشق حائر .. لا يكاد يعرف رأسه من قدميه .. ويريد بالتأكيد أن يرسى على بر مع المحبوبة ..

نأتى الأن للحن .. وياله من لحن ..

لقد وضعنا أستاذنا صلاح علام ( سيادة الرئيس ) فى مزنق مقامى ولحنى .. إختار لنا هذه الأغنية مع سبق الإصرار والترصد ..

لقد إختار عبد الوهاب مقاماً غير مطروق .. مقام عراقى الأصل .. هو مقام اللامى ..

وحتى لاينزعج الأخوة المبتدئون .. هو مقام كرد .. من درجة المى بيكار .. وتسمى بوسليك .. مع شئ من التعديل .

وتعالو بنا نحلل المسألة قليلاً ..

مقام الكرد العادى يبدأ من درجة الرى ( دوكا ) ويتكون من جنسين منفصلين .. هما كرد الرى .. وكرد اللا ..

ولكن مقام اللامى .. يتكون من جنسين متصلين .. هما كرد المى .. وكرد اللا ..

الفارق يكمن فى جنس الفرع .. الذى يبدأ من الدرجة الرابعة من جنس الجذع .. فيما يبدأ فى مقام الكرد العادى من الدرجة الخامسة .. وهذا يعطى بالتأكيد شكلاً وطعماً مختلفاً للمقام ..

عبد الوهاب .. ملحن صنايعى ومحترف .. وخبيث ( كما تفضل الأستاذ صلاح بوصفه ) .. لماذا ؟

الخبث هنا ليس فى إستعمال المقام نفسه .. ولكن فى كم العُرب واللمسات العديدة فى اللحن .. التى لا تمكنك من الإستقرار على درجة ركوز المقام .. وهو فى الحقيقة لم يرتكز على درجة الركوز إلا فى لحظات قليلة .. فتارة نجده يرتكز على النهاوند .. وتارة نجده يرتكز على الدرجة الخامسة للامى ( السى بيكار ) .. لابد أن نأخذ المسألة على بعضها لكى نشعر بالمقام .. لا نستطيع مع عبد الوهاب أن نقوم بتحليل المقام بالطرق المعروفة للتحليل .. وأى محاولة لمعرفة جمع المقام .. هل هو متصل أو منفصل أو متداخل .. ستبوء بالفشل ..

الواضح أن عبد الوهاب أراد أن يشركنا فى حيرته .. فحيرنا معه بتحويراته ..

المهم .. سيبكم من الكلام الهجص إللى أنا قلته ده كله .. فهو للمتخصصين والمحترفين .. وعاشقى المقامات الشرقية ..

يبدأ اللحن بمقدمة موسيقية تحاورية بين القانون والوتريات .. يعزف القانون بطريقة التريللات ( تريمولى ) .. وترد عليه الوتريات .. فى جملة جميلة ..

ومع إيقاع ( المصمودى الصغير ) وهو من عائلة المقسوم .. ويسمى أيضاً إيقاع ( البلدى ) ..

الذى يتحول إلى إيقاع السنباطى مع دخول الغناء ..

يغنى عبد الوهاب ( قلبى بيقول لى كلام ) من اللامى .. ويظل معه لنهاية المذهب ..

نسمع لازمة موسيقية جديدة على إيقاع الرومبا .. ويغنى عبد الوهاب أيضاً مع السنباطى .. ونفس المقام ..

وفى الحقيقة أن عبد الوهاب لا يشعرنا باللامى إلا عندما يغنى ( إحترت أنا بين قلبى وبينك والحيرة عذاب ) .. وبالتحديد عند ( الحيرة عذاب ) .. هنا نشعر بجنس الفرع لمقام اللامى .. الذى هو كرد اللا ( الحسينى ) ..

لأنه قبل ذلك كان يستعمل مقام الكرد العادى من درجة المى .. ولكن طعم المقام يختلف بالتأكيد عن الكرد العادى ..

نسمع لازمة موسيقية جديدة أيضاً .. ويظهر فيها ألة الأوبوا الخشبية .. مع إيقاع الرومبا أيضاً ..

ويغنى عبد الوهاب ( فاكر يوم قلبى ماشكالك ) .. ونصادف هنا مقاماً يختلف عن اللامى .. هو مقام النوا أثر .. ونسمعه مع عزف الأوبوا .. ولكن عبد الوهاب لا يغنى منه ..

فى الكوبليه الأخير .. نسمع لحناً مختلفاً .. ونسمع القانون مع الأوبوا فى تناغم جميل بمصاحبة الوتريات ..

ومع إيقاع الرومبا .. الذى يصر عبد الوهاب على إستعماله فى اللازمات الموسيقية .. مع تغيير سرعته فى كل مرة ..

يستعمل عبد الوهاب لأول مرة فى الأغنية .. مقام العجم .. أو الميجور .. ولكنه لا يستقر عليه .. ليعود سريعاً لمقامنا ( اللامى ) عن طريق كوبرى مقامى .. هو مقام الحجاز عند ( مع حاجة تانية بتندهلك ) ..

لحن جميل ومتنوع .. وتميز ليس جديداً على عبد الوهاب ..

وأخيراً .. لمن يريد معرفة مقام اللامى .. يسمع أغنية ( تسلم إيدين إللى إشترى ) لعبد المطلب .. فالمقام واضح أكثر فى هذه الأغنية .. عكس أغنيتنا اليوم .. التى تعمد فيها عبد الوهاب أن يحيرنا كما إحتار هو مع المحبوبة ..

الشكر الجزيل لعمنا صلاح علام .. الذى أمتعنا بتحليله لمقام اللامى .. وكذلك سلم التدوين الخاص به ..

[غازي الضبع]

الله
الله
الله
الله

يا أستاذ صلاح مش عارف أقول لحضرتك إيه ؟
إيه الجمال والعظمة دي يا سيدي
وجبت أغنية من أجمل وأحلى وأقرب الأغاني إلى قلبي
الأستاذ عبد الوهاب
سبحان الله دائما مجدد حتى بعد مماته بحوالي 17 عاما
حتى تحليل أغانيه فيها الجديد دائماً
الله يفتح عليك يا أستاذ صلاح يا جميل
***
أستاذ مختار حيدر
يا عاشق عبد الوهاب مثلي
إيه اللي عبد الوهاب بيعمله فينا ده ؟؟
إيه الحلاوة دي
والله كنا إمبارح في سيرة عبد الوهاب أنا والمهندس محمد علي القناديلي ..
حيث قال لي القناديلي بالحرف الواحد
عبد الوهاب صوته فتـنة
هو أحسن صوت في تاريخ العرب كله
وطبعا أنا من رأيه تماما
***
المايسترو
دائما متألق في سماء التحليل الموسيقي
وها هي ألحان عبد الوهاب ( اللي تهد الحيل )
دائما نلتف حولها
ودائما فيها الجديد
***
والآن أحب أن أسأل الأستاذ صلاح علام والأستاذ محمد الآلاتي سؤال واحد :
ماذا تستفيدون ( كملحنين ) من عبد الوهاب ؟

[صالح الحرباوي]

سلام و احترام،
.
الشكر و الشكر الجزيل للأستاذ (فخامة) سيادة الرئيس و أخي المايسترو محمد الآلاتي على هذه التحاليل الشيّقة... و ليس لي سوى سؤال بسيط للأستاذ صلاح علام.
.
لقد استعملت كلمة الخبث أربع مرات، في تبريزك المستفيض لاختيار موسيقار الأجيال محمد عبد الوهاب للمقام في لحن قلبي بيقول لي كلام. و ها أنا أجد نفسي ذاهبا إلى قراءات مختلفة لما أردت أن تفهمنا إيّاه.
.
أرجو من الأستاذ سيادة الرئيس، أن يوضح لنا ما عناه باسعماله المقصود لهذه الصفة و أنا على أمل أن معناها في سياق تفسيره الموسيقي، يختلف كليّا عن تفسير القاموس المحيط أو لسان العرب....
.
مع كامل التحية

[سيادة الرئيس]

لن ألوكلوك عن سيدي الأستاذ إبراهيم
فهو ( رحمات ربي عليه ) غني عن التعريف في منتدانا

و لكن اللوكلوك حا يكون على الكلمات و اللحن و بالطبع على المقام

الكلمات للشاعر : إبراهيم السيوفي

إضحك غني عيش متهني
تلقي الدنيا معاك بتغني

الدنيا كاسين أفراح و أنين
و لكاسك إنت بتتخير
و ازاي تختار كاس كله مرار
و تعيش طول عمرك متحير
إبعد أشجانك إضحك
و اسعد بزمانك غني

تلقي الدنيا معاك بتغني

إضحك غني عيش متهني
تلقي الدنيا معاك بتغني

سهرت عينيك و هناك ف إيديك
و ماليت بدموعك مناديلك
و طويت ليام بين نوح و ألام
و الفرح في قربك يناديلك
جرحت عيونك إضحك
دبلت جفونك غني

تلقي الدنيا معاك بتغني

إضحك غني عيش متهني
تلقي الدنيا معاك بتغني

يعني حضرتك تقدر تقول إنه كلام
POP

يقوم مين إللي يخش يلحن الكلام ده

الأستاذ : محمد الموجي

أيوه آه أيون
محمد الموجي

طب يعمل سيدنا الموجي في ده كلام
على طول من غير أدنى تفكير ما ينفعش جنس مقام فيه ( ثلاثة أرباع )

و الكلام مقطع نفسه لوحده على إيقاع ( جيرك )
يبقى مافيش غير مقامين ينفعوا مع الشوية ( الخواجاتي ) دولم

عجم أو نهاوند

فراح رايح للنهاوند ( و ظني أن السبب هو معرفته برقة صوت سيدي إبراهيم )

أغلب سير اللحن النغمي قائم على مقام ( نهاوند كردي ) يعني سلم ( دو الصغير )

جنس الفرع فيه ( كرد ع النوا ) و قام بلمسات لتحويلات نغمية لا تحسب تحويل صريح

لمس ( فا دييز ) هى درجة درجة فا مرفوعة نصف تون
و ( لا بيكار ) رجع لأصلها تبقى إترفعت نصف تون

مع رفع الحساس ( الدرجة السابعة ) أحيانا و في الختام

يعني ما استخدمش مقام ( نهاوند ) صريح و اللي فيه بيكون جنس الفرع ( حجاز ع النوا )

أغلب الآلات المستخدمة غربية ( بيانو و بونجودرام ( بونجز ) و بركشن و آلات نفخ )

فطلع الموضوع في منتهى الرشاقة و الحداثة و زاده صوت أستاذنا إبراهيم حلاوه على حلاوته

طبعا أنا ( أقطع وداني ) إن الكلمات المشار إليها بالأحمر في النص هى وضع الموجي في هذا المكان ( يعني زياده من عنده ) عشان الطبخه تتظبط

الغناء من نفس الدرجة الأساسية لمقام النهاوند الكردي دو ( راست )

أسيبك مع الحته الخواجاتي دي

إضحك غني

كلمات : إبراهيم السيوفي
ألحان : محمد الموجي
غناء : إبراهيم الحجار

الرابط من المنتدى ( مرفوع بتاريخ نفس الموضوع )

[سيادة الرئيس]

لن ألوكلوك عن سيدي الأستاذ إبراهيم
فهو ( رحمات ربي عليه ) غني عن التعريف في منتدانا

و لكن اللوكلوك حا يكون على الكلمات و اللحن و بالطبع على المقام

الكلمات للشاعر : إبراهيم السيوفي

إضحك غني عيش متهني
تلقي الدنيا معاك بتغني

الدنيا كاسين أفراح و أنين
و لكاسك إنت بتتخير
و ازاي تختار كاس كله مرار
و تعيش طول عمرك متحير
إبعد أشجانك إضحك
و اسعد بزمانك غني

تلقي الدنيا معاك بتغني

إضحك غني عيش متهني
تلقي الدنيا معاك بتغني

سهرت عينيك و هناك ف إيديك
و ماليت بدموعك مناديلك
و طويت ليام بين نوح و ألام
و الفرح في قربك يناديلك
جرحت عيونك إضحك
دبلت جفونك غني

تلقي الدنيا معاك بتغني

إضحك غني عيش متهني
تلقي الدنيا معاك بتغني

يعني حضرتك تقدر تقول إنه كلام
POP

يقوم مين إللي يخش يلحن الكلام ده

الأستاذ : محمد الموجي

أيوه آه أيون
محمد الموجي

طب يعمل سيدنا الموجي في ده كلام
على طول من غير أدنى تفكير ما ينفعش جنس مقام فيه ( ثلاثة أرباع )

و الكلام مقطع نفسه لوحده على إيقاع ( جيرك )
يبقى مافيش غير مقامين ينفعوا مع الشوية ( الخواجاتي ) دولم

عجم أو نهاوند

فراح رايح للنهاوند ( و ظني أن السبب هو معرفته برقة صوت سيدي إبراهيم )

أغلب سير اللحن النغمي قائم على مقام ( نهاوند كردي ) يعني سلم ( دو الصغير )

جنس الفرع فيه ( كرد ع النوا ) و قام بلمسات لتحويلات نغمية لا تحسب تحويل صريح

لمس ( فا دييز ) هى درجة درجة فا مرفوعة نصف تون
و ( لا بيكار ) رجع لأصلها تبقى إترفعت نصف تون

مع رفع الحساس ( الدرجة السابعة ) أحيانا و في الختام

يعني ما استخدمش مقام ( نهاوند ) صريح و اللي فيه بيكون جنس الفرع ( حجاز ع النوا )

أغلب الآلات المستخدمة غربية ( بيانو و بونجودرام ( بونجز ) و بركشن و آلات نفخ )

فطلع الموضوع في منتهى الرشاقة و الحداثة و زاده صوت أستاذنا إبراهيم حلاوه على حلاوته

طبعا أنا ( أقطع وداني ) إن الكلمات المشار إليها بالأحمر في النص هى وضع الموجي في هذا المكان ( يعني زياده من عنده ) عشان الطبخه تتظبط

الغناء من نفس الدرجة الأساسية لمقام النهاوند الكردي دو ( راست )

أسيبك مع الحته الخواجاتي دي

إضحك غني

كلمات : إبراهيم السيوفي
ألحان : محمد الموجي
غناء : إبراهيم الحجار

الرابط من المنتدى ( مرفوع بتاريخ نفس الموضوع )

إنتو مش حتسيبونا ننام وإلا إيه؟