رد: طلبات نوتة أ / عادل صموئيل الجزء الثانى
السلام عليكم ورحمه الله وبركاته
شكرا استاذ عادل علي نوته يوم الفداء
كنت عايزه اسأل حضرتك عن استخدام ايد الشمال ليه بتكون صعبه او مش عارفه استخدمها وغير كده كل النوت صوت واحد بس كنت عايزه نصيحه حضرتك ازاي اعزف باليد الشمال
انا بعزف باليد اليمين كويس
الاخت العزيزة
الايد الشمال مشكلتها انها بتحتاج خبرة فى البيانو وبالذات لو حاتعزفى على بيانو تقليدى اما الاورج كل العازفين بيستعملوا المصاحبة الاليكترونية بتاعة لاورج يعنى لوتشوفى ف التليفزيون انو بيلمس صباح واحد يده التآلف يعنى انتى لما تشوفى مازورة ايه اكتر نغمة بترن فيها وممكن تعملى اوكتلاف قلب يعنى مثلا لو نغمة اللى بتزن دو يبقى نعمل فى الشمال دو مع دو ثم دو مع صول ... بس هو برضو الموضوع خبرة فى البيانو يعنى انتى لو تسمعى صولوهات البيانو اراك عصى الدمع مثلا او اغانى فريد الاطرش ماتحرمش العمر منك بيبقى اليد الشمال شطارة من العازف .. بس حاولى اللى قلته يعنى الاكور بتاع الاورج وتغيريه حسب ظروف اللحن يعنى مثلا فى 4 موازير الدو بتزن نعمل دو بعدهم الرى وهكذا او اقول لك ممكن اول حرف فى المازورة يعنى لها عشرات الطرق ... هى ممكن تشتغل على الاورج لكن البيانو الخشب التقليدى مشكلة لأنو اذا مكانتش اليد الشمال علميا مضبوطة بيبقى فضيحة .. واقول لك عى سر 90% من عازفى الاورج مالهمش علاقة باليد الشمال خالص وتلاقى مطلع 500 صوت بس عن طريق المصاحبات الاليكترونية والناس شايفاه بتاع يعنى , اما ده لو قعد على بيانو شوفى بقا الفضايح
مع اطيب تحياتى وبتيجى بالمحاولات عادل صموئيل
التعديل الأخير تم بواسطة : عادل صموئيل بتاريخ 22/02/2015 الساعة 00h02
|
العرض العادي
