طلبات نوتة أ / عادل صموئيل الجزء الثانى

[علي ثلاثة]

أستاذ عادل
شكرا على مدونة صباح
الحلوليه تقلان أوي

اختيار موفق وتدوين ممتاز

هذه الأغنية أسمعها منذ زمن بعيد
وإلى اليوم أجدها رائعة وتطرب سامعها
وتلذ في الأذن

فشكرا لك جزيلا
ومزيدا من هذا العيار

[عادل صموئيل]

احبائى
اقدم لكم اغنية فيروز

اقول لطفلتى

انا بصراحة اول مرة اسمعها واكتشفت انها وطنية
اتمنى ان تسعدوا بها
مع اطيب تحياتى

[MELEK MOUADDEB]

أستاذي الكريم عادل صموئيل لو ممكن تقوم بتدوين النوتة الموسيقية لأغنية صوفيا صادق و يهبل Sofia Sadek . Yhabel . طµظˆظپظٹط§ طµط§ط¯ظ‚ . ظٹظ‡ط¨ظ‘ظ„ - YouTube

[سليم العباس]

هي كذلك أغنية وطنية إنسانية ...
شكراً لك أستاذ عادل على التدوين الرائع و المتقن و الذي اعتنى بالتفاصيل الدقيقة التي تميز بين الكوبليهات المتشابهة .

أتمنى أن يعود السلام إلى ربوع مصر الغالية و أن تستمر في طريق الإصلاح و التنوير الذي سينعكس بالضرورة على بقية البلدان العربية و بالأخص الأنظمة الظلامية المتخلفة .

اخى العزيز اشكرك على ذوقك
وانا بحب الناس اللى بتاخد بالها من التفاصيل الدقيقة .. يعنى انا اهم شىء اتعلمته من العمل وقت طويل مع العمالقة التفاصيل الدقيقة والدقيقة اوى اوى اوى .. يعنى ايه الفرق بين شغل ام كلثوم وشغل الفرقة الماسية وبين شغل الفرق الاخرى مشكلة التفاصيل الدقيقة يعنى اى لازمة بتطكون مهما كنات صعبة او سريعة جدا لازم التفاصيل الدقيقة تبان عشان ماتتسمعش بطريقة خاطئة ودى اهم حاجة بتتعبنى لما بدون شغل لمطربين آخرين على فرق تانية
كمان فيه درس للمدونين لما يكون اغنية فيها الكوبليهات نفس اللحن مش تكتب كوبليه وتخلص .. لما يكون مطرب قدير انا لازم بسمع الكوبليهات التانية بمنتهى الدقة لن تقطيع الكلام بيختلف ومن هنا لازم تلاقى اختلااف احيانا بيكون جوهرى فى مازورة او اتنين وده بيظهر فى اللحن ده بالذات
مع اطيب تحياتى عادل صموئيل

[saloom daoud]

أقدم لكم أغنية من الأغاني القديمة الجميلة والحماسية
يا سيف ع الأعدا طايل
مروان محفوظ

أتمنى أن تستمتعوا بها

سلامة داود

http://m.youtube.com/watch?v=Vwoq0eJHKG8

[حسن العوض]

شكرا لك أستاد عادل صموئيل على التدوين الجميل لأغنية أقول لطفلتي
تحياتي

[درأرسلان]

استاذي الغالي عادل صموئيل،

أشكر حضرتك على ما تقدموه لتï»»مذتك اï»·وفياء من أعمال قيمة ذات مستوى عالي، والتي تفيد كل المهتمين في جميع أنحاء العالم. جازاكم الله عنا كل خير، وامدكم بالصحة والعافية والسعادة لكم ولكل أعضاء هذا المنتدى الرائع؛

لو سمحتم يا أستاذي الفاضل، اثار انتباهي نقص بعض الجمل في نوتة ألف ليلة وليلة، و هي في الكوبليه 1 صفحة 6 : "كنت وï»» مبارح فاكراه، وï»» عندي بكرة استناه، وï»» حتى يومي عايشاه يا حبيبي..

ولكم تحياتي الخالصة من بلدكم الثاني المغرب

أخوكم د. المصطفى أرسï»»ن

اخى العزيز
هو احد الاحباء نوه عن الموضوع وانا فاكر انى صلحتها
مع اطيب تحياتى

[muhamadibra]

ميشيل المصري - موسيقي عبقري - اكثر اعماله تتميز بالرقة والعذوبة - وتتر مسلسل من الذي لا يحب فاطمة واحد من هذه الاعمال - ومثال علي مزج الاحساس والاصالة - ياريت يامايسترو يسمح وقتك لتدوينها وتعليقك عليها - مع جزيل الشكر
د محمد ابراهيم

[عادل صموئيل]

احبائى
احد الاخوة الاعزاء سألأنى عن الحلية والعُربة واسمحوا لى اقدم لكم شرح بسيط جدا عملته على عجل ان شاء الله يكفى ومرفق امثلة بسيطة
اولا الحلية هى عبارة عن حرف زمنه صغير جدا بيلصق فى احد النغمات فى الموسيقى الغربية بيبقى محدد لكن فى الموسيقى الشرقية بيترك لذوق العازف او المطرب وانا بخبرتى لما بتكون اساسية فى الجملة الموسيقسية لازم اكتبها ولما تكون مش اساسية مش بكتبها وشرط الحلية ان يكون العازف او المطرب متمكن لأنها بتسرق من الزمن ... بمعنى ان مثلا زى ما انا عامل مازورة فيها 4 نوارات لو عملنا حلية على اى حرف الميزان ماشى ومحسوب طبعا لكن زمن الحلية الصغير جدا واللى بتتخطف دى بيتسرق من زمن النغمة لو العازف او المطرب مش قدير ممكن تطول منه شعرة وهنا الزمن بيتكسر .. وانا لو كتبت اى جملة وعزفها كذا عازف خطير حتلاقى كل واحد منهم بيحط فيها حليات حسب ذوقه بس المهم ان الافراط فيها زى الافراط فى عدد ملاعق السكر فى كوب الشاى

اما العربة دى بيعملها المطرب او العازف المتمكن وانا عامل ابسط مثال لها واهميتها انها بتظهر براعة العازف او المطرب لكنها سلاح ذو حدين يعنى هنا فى المثال اللى انا عامله النغمة فا العُربة ثلاث حروف صغيرين ونغمة الفا اتسمت حرفين يعنى صار كام نغمة من نغمة واحدة وكلهم فى زمن النوار وهنا لو العازف او املطرب مش قدير ممكن يقع فى الواحدة ...او حتى لو طالت منه ممكن يسرق من زمن النغمة اللى بعدها بس الشرط ان على اول المازورة الللى تليها ينزل على الدوم بسلاسة خطورة العرب انها سلاح ذو حدين يعنى ام كلثوم مثلا كانت تعمل عُربة فى الكوبليه لكن اصالة مثلا تعمل عشرين عُربة فى الجملة وده عيب خطير جدا او بتبقى زى ماتضع خمسين ملعقة سكر فى الشاى وثانيا بتخليها تقع فى الوحدة .. وكتر العُرب انا بعتبرة استعراض شطارة غبى ... يعنى مثلا لو كان اللحن بتاع عبد الوهاب اصلا ممكن يتعمل فى الجملة عشر عُرب كان عبد الوهاب عملهم لكن طالما ماعملهمش يبقى اللحن حلو وآخر انضباط كده لأن بالطبع لا اصالة ولا غيرها اشطر من عبد الوهاب ... والملحوظ الخطير ان كل من بيغنى دلوقتى وفاهم نفسه شاطر فاهم ان عبقرية الغناء كتر العُرب مع انها العكس .. يعنى كان زمان مطربة اسمها منيرة المهدية كانت سلطانة الطرب لكن كانت بتعمل ف الجملة الواحدة عشر عُرب .. كان انت ممكن تسمعها لكن ماتعرفش تقلدها .. لما جت ام كلثوم وابتدت تغنى الغناء السلس مسحت منيرة المهدية
مع اطيب تحياتى

[سليم العباس]

شرح مفيد و مختصر و مثال كاف فيما يتعلق بالعرب الموسيقية .
و أهم ما ذكرته حضرتك أن الإكثار من العرب لا يعني أن الفنان متمكن بل أنه قد يسيء إلى اللحن الأساسي و بالذات ألحان العباقرة ...
و تأكيداً لكلامك أستاذ عادل هذان مرفقان صوتيان للفنانة أصالة نصري الأول مليء بالعرب و هو من أغنية يا صابرة يانا و المرفق الثاني من أغنية يا خالي و التي لا تحوي إلا عرب قليلة جدا .

سؤال :
هل صحيح أن بعض الأصوات تمتلك عرب طبيعية ؟ أما أن العرب هي دائما مقصودة ؟

و شكراً لك
اخى العزيز
مفيش حاجة اسمها عرب طبيعية فى الصوت .. العرب عبارة عن تجويد بيخلقه العازف او المطرب بس كل ما يكون كلامهما متمكن بتطلع احلى واهم شىء تبقى فى مكانها وماتكسرش الزمن عندك ام كلثوم مثلا لو قفلت كوبليه بعربة الناس تقول الله لن العربة فى مكانها ومش مبالغ فى استعمالها وحاجة مهمة ان اللحن زمان كان كافى جدا مش محتاج العرب لتجويده إلا فى درجات قليلة يعنى ممكن عرربة واحدة او تنين فى لحن لأم كلثوم ..
مع اطيب تحياتى عادل صموئيل