طلبات نوتة أ / عادل صموئيل الجزء الثانى

[ahmad_alahlawy]

بالضبط هى كما تفضل الأستاذ فؤاد و عزفها...والتقسيمة التى تفضل مشكورا بارفاقها لتوضيه أبعد و تأثير المقام
كما أتفق معه تماما فى نقطة أن الأستاذ عادل بكل تأكيد قام بعزفها هكذا لكن ربما يكون الأمر قد التبس عليه
كان أستاذى فى العود رحمه الله عالما قديرا بالموسيقى ولا أبالغ اذا قلت أنه لم تكون هناك موسيقى معروفة تستعصى عليه....وكان اذا ما أمسك بعوده و قام بعزف الكرنك فانه أصابعه لا يمكن لها أن تخطىء موضعها أبدا....ولكن عندما كان يشرح جملة أين يا أطلال و موسيقى الكوبليه السابقة لها كان أحيانا ما يلتبس عليه الأمر...فتارة هى سيكاه على النواة وتارة حجاز على النواة و لكن المؤكد انه كان يعزفها كما هى بالنص

[سليم العباس]

يا ريت تكون كل النقاشات في الحياة كالنقاشات الفنية تتمحور حول الجمال..

الأخ وائل علوي : شكرا جزيلاً لك على رفع عزفك لأغنية أهواك.. لكن بصراحة شعرت بالمقطع الثاني أن الصبا لم يكن في مكانه و بعيد عن جو الأغنية.. يبقى الشعور والتذوق الموسيقي مسألة شخصية ، تقبل تحياتي و مودتي و إعجابي بريشتك الجميلة.

أما فيما يتعلق بالنوتة المذكورة فعزف الأستاذ فؤاد العلمي هو الأقرب إلى اللحن و ملاحظاته كانت في مكانها تماماً..
شكراً للأستاذ فؤاد و أطيب الأمنيات بالتوفيق .

الشكر الأكبر هو بالطبع لعرَاب التدوين الراقي الأستاذ عادل .

[سليم العباس]

يا رب تكون أغنية في يوم من الأيام للعندليب الأسمر مدرجة ضمن النوتات القادمة للأستاذ عادل .

هذه الأغنية بالذات تستحضر في قلبي أجمل الأحاسيس و الذكريات .

المرفق الصوتي هو من إحدى حفلات عبد الحليم والتي لم يؤدها بصوته فقط... بل بروحه و مشاعره التي غمرت قلوبنا بفيض من الجمال و الحب و الحزن و الحنان.

أدّاها بجمال يفوق أضعاف تسجيلها في الاستديو...

نقطة جوهرية تبين الفرق الشاسع بين الفن القديم و الحالي.

في يوم من الأيام كان هنالك عندليب ملأ الدنيا غناء و محبة ، وما زال...

[عادل صموئيل]

اخوتى الاحباء
بالرغم من انى النهاردة فى الصمت اللى قبل الاتخابات يعنى كلنا متوترين ومش قادرين حتى نشرب يعنى مصر فى لحظة فارقة بين اما تعود مصر ::: مصر بلا تعليق او تضيع مصر وبلا تعليق
بس الجدل اللى اتكلمتوه على اغنية اهواك خلانى ارد
انا على فكرة كنت متردد ادونها من اكتر من سنة عشان التشابك الحوارى
انا عزفتها مع عبد الحليم شخصيا وسماعى كانت زى ماقلت بدون نوتة وعزفتها وسط الفرقة الماسية ,,, وعزفتها وكان عبد الوهاب موجود ... يعنى لو اخطأ عبد الحليم مش حايخطىء عبد الوهاب ومش حاتخطىء الفرقة الماسية
بس كان المحك الاول صوت عبد الحليم .. ان قلت ان اى فرقة حتحاول تعزفها حايطلع نشاز وحصلت فعلا اول ما عزفناها طلع ( مصايب ) عبد الحليم وقف الفرقة وعبد الوهاب كان موجود بعدين غناها اكتر من عشرين مرة متتالية
وخلال العشرين مرة دول كنا اكيد ماسكين الكمنجات واصابعنا بتحسس على النغمات ... وابتدينا نعزف معاه بعد المرة العشرين والرقيب المفزع والصعب جدا جدا عبد الوهاب بيسمع بمنتهى الصرامة الأول كان قاعد مش مستريح بعدين اعتدل فى جلسته بعدين اخيرا ابتسم ..... وللعلم وللذكرى والتاريخ خلال النصف ساعة العصيبة دى ما اتكلمناش فى المقامات ولا كل اللكام اللى انتم قلتوه ... ( طبعا مش جهلا لا من عبد الحليم ولا عبد الوهاب ولا من الفرقة الماسية ولا منى هنا ) ولكن الكوبليه ده بيحتاج احساس ... يعنى انت لوعايز تعزفه انا كتبت شىء وغيرى قال كلام آخر ..
انت بإحساسك حاول تعزفها اختار السكة اللى تعجبك وتعجب الناس اللى تسمع
واكرر الكلمة اللى كررتها مراراً الموسيقى العربية وبالذات مع المعالقة بتخرج عن القوالب او القواعد الاكاديمية
يعنى اقول لكم على كلمة جديدة ... لو ملحن ضعيف او متوسط عمرو ما حايخرج عن القواعد الاكاديمية اولا لن طبعا الفرق بين العادى والعملاق ان العملاق بيبقى خياله واسع لكن العادى بيبقى محدود ... ثانيا اقول لكنم على سر خطير جدا جدا
الملحن العادى او المغمور لو عمل حاجة شاذة او غريبة على الاذن ممكن ماحدش يقبلها , لكن الملحن العملاق لو معلها كنا بنتقبلها ... لذلك لو فيه ملحن عملاق وعايز يعمل عبقريات بينتظر على عبقرياته لحد ما يتشهر
حاجة تانية ... فى مشكلة كوبليه اهواك ده لو اللحن مش تلحين عبد الوهاب وعبد الوهاب سمعه والسنباطى سمعهوحد تانى من الكبار زى عبد الحليم نويرة
ممكن كل واحد من الثلاثة يقول تحليل شكل والثلاثة صح
وفى النهاية اكرر احنا فى الفرقة الماسية عزفناها زى ما انا كاتب وللعلم ان الفرقة الماسية لو حصلت وان عازف عزف مرة واحدة غلط تانى يوم بيبقى مش فى الفرقة ... لأن العازف اللى بيعزف غلط بيفسد على الاقل عزف عازفين اللى على يمينه واللى على يساره ... واخطر شىء فى الموسيقى النغمات الشرقية بمعنى انا لو عزفت المىء نص بيمول مش مضبوطة وجنبى عازف عزفها مضبوطة العازف الردىء بيشد العازف الجديد مش العكس يعنى العازف الحلو مش بيشد العازف الردىء ولكن العازف الردىء هو اللى بيلخبط اذن العازف الجيد
مع اطيب تحياتى

[guest]

[QUOTE=عزت شحاته;593508][QUOTE=ehabalaaeldin;593464]

المشاركة الأصلية كتبت بواسطة عزت شحاته

استاذى العزيز / ايهاب
اشكر اهتمامك وايضا بتأسف على التعب اللى اتسببت فيه لحضرتك
من اجل مجهود كتابة الرساله بالعربى
مرسل لحضرتك عدد من الاغانى اختار حضرتك اللى يناسب امكانات
البرامج والميديولات اللى موجوده طرف حضرتك
وعلى فكره النموزج اللى حضرتك نزلته جميل وشيك
ملحوظه
- اغنية وحوى يا وحوى للثلاثى ( الملف الصوتى لم استطع تنزيله لنزوله مسبقا )

1.اعتذار للأستاذ عادل .. لأن انا عارف ان احنا عاملين دوشة في الركن الخاص بالنوتات بتاعته .. بس معلش هو قلبه كبير و هيستحملنا
2.انا استمعت ل عزف السيد وائل ل ( اهواك ) .. و استمعت بيها جدا .. ريشة انيقة و كلها احساس و هو دة اهم حاجة في المزيكا .. الاحساس .. الاخنلاف حول نص دييز طالع ولا ربع بيمول نازل مش هيكسر الدنيا .. خاصة لو بتلعب منفرد .. فا تحية ليك يا وائل و لعزفك الجميل

3.اخويا الكبير عزت :

قمت بتنفيذ وحوي يا وحوي .. شكرا للاستاذ عادل لأن من غير النوتة ما كانش حاجة اتعملت
عشان محدش يقول ان أنا مش بفهم .. انا عارف ان دليل المقام في النوتة طالبة مني سي ربع تون ..انا معنديش برنامج يتعامل مع الربع تون فانا تعاملت معاها علي اساس ان مفيش ارباع في الدليل و انها سي بيمول و بتصرف بينها و بين السي النتورال حسب الميلودي .. وجب التنويه مش اكتر

مرفق : Midi عشان لو حبيت تغير في الاصوات نفسها علي اي برنامج توزيع
Wave عشان تسمع عادي من غير effects و ناوي تسجل في استوديو .. مهندس الصوت يزيط براحته
MP3 يعني ممكن تسمع علي كدة مش هتقول لأ في الزحمة يعني

( انا اسف .. المنتدي بيقول ملف خطأ لمل برفع ال ميدي و الويف .. مش عارف حلها اية ؟! )

لو عجبتك يا عزت باشا قوللي .. و لو مش حلوة برضه قوللي .. انا مش بزعل .. ولو عاوزة تعديل في حاجة قوللي
اتمني انها تكون قريبة من اللي انت عاوزه
و متتأسفش يا رجل .. العيب فيا أنا في موضوع العربي دة .. انت مية مية

[نور الصباح]

[QUOTE=عادل صموئيل;592771]

احبائى

طبعا اول كل شىء ادعو بالتوفيق لكل من فى امتحان الثانوية العامة وكلنا فى الهوا سوا انا حفيدتى ميرنا فى تالثة ثانوى هى النهاردة بتقول عملت حلو فى اللغة العربية وربنا معاكم كلكم ويحفظكم واهم شىء الامن فى مصر الايام القادمة وربنا ما يجيبش حاجة تكدر الصفو العام والاعصاب
اقدم لكم نوتة طلبتوها كتير وهى فيها خلافات كتير ,, وانتم عارفين طبعا انى بشوف ناس كتير بتغنى على جميع المستويات فى مختلف الاماكن بس الاغنية دى ماحدش يقدر يقرب منها لأن فيها حركة مش اى واحد يقدر يسوعبها واكيد لازم تطلع نشاز ..
طبعا عرفتوها ؟
اهواك
كعادة عبد الوهاب انو لازم يعمل حاجة مختلفة او متميزة او عكس العادى ... يعنى الاغنية دى شكلها العام صغيرة جدا جدا مذهب وكوبليه صغير جدا .. وعشان تطلع شىء لو قيمة عمل فى الكوبليه حركة .. انت لو مافهمتش الحركة حاتطلع نشاز انا هنا حاولت اكتبها ( لأنها بينى وبينكم ماتتكتبش 100% ) الحركة هى ان فيه نغمة مش موجودة فى الموسيقا الشرقية او متحورة بطريقة بحيث ان مش اى حد يفهمها او يفهم النكهة دى جاية منين ... الخلاف فى نغمة المى نص بيمول واللى بتظهر وتتلاشى وبتيجى بعدها المى بيمول خفية .. واللى بيزود الشك انو بيدأ الموسيقى الفا دييز انت بتتسلطن مش ممكن تتخيل انو حايغنى بعدها صبا يعنى الصول بيمول والفا ترجع ناتورال واللعب فى المى نص بيمول ... وبس لو عزفتها على الاورج حاتطلع زفت ... لأن المى نص بيمول هنا زائدة اوى يعنى تحسها حاتلزق فى المى ناتورال (شغل عبد الوهاب بقى ) ... ومن هنا لازم تتحس اوى
بس حاتطلع معاكم اكيد طالما قلنا عن السر
من ذكرياتى عن الاغنية دى ... انا طبعا ايام الفيلم ماكنتش لسه ... لكن بعدها بعشرين سنة عبد الحليم حب انو يعيدها وكنت موجود طبعا .. فى البروفة قال حنقول اهواك واحد من المتحذلقين فى الفرقة قال لو فين النوت ؟
قام عبد الحليم رد عليه بكلمة مش كويسة هى ماتعتبرش شتيمة لكن ممكن تقول عليها علامة تعجب بس فجة حبتين
بعدين قال له بغيظ فيه موسيقى فى مصر مش حافظ اهواك ؟؟؟
اترككم مع الاغنية واتمنى ان تعجبكم
التحفة القادمة : ياما انت واحشنى لفايزة احمد هى خلصت تدوين وفاضل التشطيب يعنى ان شاء الله يوم او يومين
مع اطيب تحياتى
HHHHHHHHHHHHHHHHHHHHHHHHHHHHHHHHHHHHHHH
الأســـــــــتاذ الكبير والموســـــــــيقار العظيم الفنان :
عــــــــــــــــــــــــــــــــــــــــــادل بــــــاشــــــــــا صموئيـــــــــــــــــــــــــــــــــــــل
سلام الله عليكم ورحمته وبركاته
وبعـــــــــــــــــــــــــــــــــــــد :
أين النوتة الموسيقية لرائعة ( فــــــــــــــــــــايزة أحــــــــــــــــــــــــمد )
{ يــــــــــــــــــا ما أنت واحشـــــــــــــــــــــــــــــنى }
كما وعدت فى هـــــذه المشـــاركة وجنابك قولت بأنها خلصت وفى التشطيب يعنى كلها يوم أو يومين ولها الأن عشرة أيــــــــام
وعد الحــــــــــر دين عليه
وشكرررررررررررررررررررررررررا
أخوكم
نور الصباح

[sayed_lv]

[QUOTE=ehabalaaeldin;593629][QUOTE=عزت شحاته;593508]

المشاركة الأصلية كتبت بواسطة ehabalaaeldin

1.اعتذار للأستاذ عادل .. لأن انا عارف ان احنا عاملين دوشة في الركن الخاص بالنوتات بتاعته .. بس معلش هو قلبه كبير و هيستحملنا
2.انا استمعت ل عزف السيد وائل ل ( اهواك ) .. و استمعت بيها جدا .. ريشة انيقة و كلها احساس و هو دة اهم حاجة في المزيكا .. الاحساس .. الاخنلاف حول نص دييز طالع ولا ربع بيمول نازل مش هيكسر الدنيا .. خاصة لو بتلعب منفرد .. فا تحية ليك يا وائل و لعزفك الجميل

3.اخويا الكبير عزت :

قمت بتنفيذ وحوي يا وحوي .. شكرا للاستاذ عادل لأن من غير النوتة ما كانش حاجة اتعملت
عشان محدش يقول ان أنا مش بفهم .. انا عارف ان دليل المقام في النوتة طالبة مني سي ربع تون ..انا معنديش برنامج يتعامل مع الربع تون فانا تعاملت معاها علي اساس ان مفيش ارباع في الدليل و انها سي بيمول و بتصرف بينها و بين السي النتورال حسب الميلودي .. وجب التنويه مش اكتر

مرفق : Midi عشان لو حبيت تغير في الاصوات نفسها علي اي برنامج توزيع
Wave عشان تسمع عادي من غير effects و ناوي تسجل في استوديو .. مهندس الصوت يزيط براحته
MP3 يعني ممكن تسمع علي كدة مش هتقول لأ في الزحمة يعني

( انا اسف .. المنتدي بيقول ملف خطأ لمل برفع ال ميدي و الويف .. مش عارف حلها اية ؟! )

لو عجبتك يا عزت باشا قوللي .. و لو مش حلوة برضه قوللي .. انا مش بزعل .. ولو عاوزة تعديل في حاجة قوللي
اتمني انها تكون قريبة من اللي انت عاوزه
و متتأسفش يا رجل .. العيب فيا أنا في موضوع العربي دة .. انت مية مية

استاذى العزيز / ايهاب
العمل متقن و واضح ان فيه مجهود كبير
ما هو اسم البرنامج الذى تتعامل معه ؟؟
و لماذا لا تستخدم احد البرامج التخصصه فى التوزيع و الهندسه الصوتيه و على فكره لا تحتاج الى امكانيات باهظه و حضرتك واضح انك بتعرف تتعامل كويس مع البرامج دى .. و على فكره معظم البرامج دى تسمح باضافة الالات الشرقسه التى بها امكانية السيكا و احد هذه البرامج و اسهلها فى وجهة نظرى هو الفروتى لووبز Fruity Loops Studio Producer Edition و ده مساحته صغيره و يمكنك اضافة الات من HTT Oriental Scale و دى فيها قانون و عود و ساكس حلوين و فيها اكورديون بس جودته مش حلوه اوى و دى تسمح بوجود السيكا


و ايضا تقدر تستخدم luxonix purity و دى مفيهاش الات شرقيه بس فيها الالات الاساسيه اللى ف اى اورج و ايضا بها امكانية السيكا

و للالات الكلاسيكيه و توزيع الاركسترا يمكنك استخدام Edirol orchestral ودى ايضا تدعم امكانية السيكا

و على فكره كل ده كده مساحته لا تتعدى واحد جيجا و كل ده متوفر على الانترنت مجانا و على سيرفرات التحميل المختلفه
ياللا بقى حمل و ورينا الشغل التقيييييييييل
ارجو ان تتقبل تحياتى و مرورى...

[وائل علوي]

ممكن كل واحد من الثلاثة يقول تحليل شكل والثلاثة صح
وفى النهاية اكرر احنا فى الفرقة الماسية عزفناها زى ما انا كاتب وللعلم ان الفرقة الماسية لو حصلت وان عازف عزف مرة واحدة غلط تانى يوم بيبقى مش فى الفرقة ... لأن العازف اللى بيعزف غلط بيفسد على الاقل عزف عازفين اللى على يمينه واللى على يساره ... واخطر شىء فى الموسيقى النغمات الشرقية بمعنى انا لو عزفت المىء نص بيمول مش مضبوطة وجنبى عازف عزفها مضبوطة العازف الردىء بيشد العازف الجديد مش العكس يعنى العازف الحلو مش بيشد العازف الردىء ولكن العازف الردىء هو اللى بيلخبط اذن العازف الجيد
مع اطيب تحياتى
[/QUOTE]
اخي عادل تحية طيبة
بعد كلامك اللي تحته خط باللون الاسود اعتقد انه من الواضح ان حضرتك عزفتها مع الماسية كما هي في نوتتك وكما عزفتها انا على نفس المقام وعندما قلت لك انني ارتحت لهذه النوتة لانها دخلت اذني اكثر من غيرها وواضح ان هناك خلاف كبير بين الاخوة الاعضاء فهناك من يؤيد ويتفق مع رايي مثل الاخوة 1- عادل وهو طرف مهم جدا لانه كان في مطبخ الالحان والبروفات يعني شاهد على العصر ومضطلع على اسرار الالحان وخفاياها والاخ 2- ارمندو وهناك من هم ضد هذا الراي والاحترام للجميع
واحيي كل من ابدى برايه وشكرا للجميع
وائل علوي

[وائل علوي]

إنه قال أنهم عزفوها دون نوتة، وأنا متأكد وأجزم بأنه عزفها سماعي بطريقة صحيحة، لأنه كفنان كبير وله أذن حساسة لا يمكن أن يعزف شيئا آخر دون السيكا، زيادة أن الكمان يعطي إمكانية عزف المقطع على وتر واحد وبهذا نحس بنكهة المقام أكثر.
مع تحياتي. أخوك فؤاد.[/QUOTE]
اخ فؤاد احترم رايك والاستاذ عادل يؤكد مرة اخرى انه عزفها مع الماسية وامام عبدالوهاب كما كتبها في نوتته
مع خالص تحياتي

[وائل علوي]

1.اعتذار للأستاذ عادل .. لأن انا عارف ان احنا عاملين دوشة في الركن الخاص بالنوتات بتاعته .. بس معلش هو قلبه كبير و هيستحملنا
2.انا استمعت ل عزف السيد وائل ل ( اهواك ) .. و استمعت بيها جدا .. ريشة انيقة و كلها احساس و هو دة اهم حاجة في المزيكا .. الاحساس .. الاخنلاف حول نص دييز طالع ولا ربع بيمول نازل مش هيكسر الدنيا .. خاصة لو بتلعب منفرد .. فا تحية ليك يا وائل و لعزفك الجميل

اخي ايهاب شكرا لك وكلك ذوق
مع اطيب تحياتي
اخى العزيز وائل واخوتى الاحباء
اكرر انا الجزء اللى عليه خلاف ده مش بيعتبر مقام , ولكن بيعتبر لعبة داخل مقام الصبا ولاحظ ان موسيقى الكوبليه مش من مقام الصبا ولكن عبد الوهاب بحب دايما المفاجئات .. يعنى انك تسمع مقدمة المفروض انها بتدخل فى مقام عشان الطبيعى ان المطرب بيغنى منه .. ولكن عبد الوهاب ممكن يوقعك فى الفخ ده يعنى يعمل مقدمة ويفاجىء بغنا فى سكة تانية ..
اما عن اللعبة او الفلزلة الفنية فى هذا الكوبليه عاملة زى حاجة فى الجيش اسمها هدف ثابت وهدف متحرك .. والهدف الثابت لما تطبقه على الموسيقى هو يعنى مقام .. وكلمة مقام او تحويل لمقام يعنى انك تكون فى مقام ما بعدين تعمل علامة تحويل صريحة تنقلك من المقام للمقام التانى ولازم انك تقعد فى المقام الجديد شوية لأنك لو دخلت المقام ودخرجت مباشرة ما تعتبرش تغيير مقام ولكن حلية او ماشابه والهدف المتحرك هو لمس علامات تديك ايحاء كاذب بمقام لكن مش بتثبت
والمشكلة ان الحركة اللى زى فى اللحن ده انها ماتتكتبش ... لأن ايه فائدة الكتابة ؟؟ انك بتكتب حاجة محددة ماحدش يختلف عليها ولكن بتتعزف سماعى وهنا برضو فيه مشكلة ان اللى يعزفها لازم يكون عازف حساس جدا جدا جدا يعنى بيحس بحاجة ويطلعها .. بمعنى ان لو عازف متوسط عزفها حاتطلع وحشة جدا ... وجدير بالذكر ايضا ان لولا عبد الحليم ماكان عبد الوهاب عمل حركة زى دى .. بعنى لو تلاحظ الحان عبد الوهاب لمطربين اقل من عبد الحليم بتلاقى اللحن كلو سالك مفيش الفزلكة دى .. لأنها لو طلعت نشاز او مش مضبوطة ده يب فى وش عبد الوهاب ... واقول برضو حاجة للذكرى والتاريخ ... المطرب المتمكن والعازف المتكمن بيقول الحركة الصعبة فى اى وقت واى مزاج .. لكن الغير متمكن ممكن مرة يقولها حاوة ومرة زى الزفت ... زى تلاميذ المدارس ( والكلام ده بيفهمو المدرسين ) يعنى عندك تلميذ ممكن يعزف مقطوعة مرة صح ومرة يغلط فيها .. انا ماعجبنيش الحوار بتاع انك لو صورتها من درجة كذا تطلع مقام كذا .. لأننا فى الفرقة الماسية عزفناها من مطرح ما انا كاتب ولازم انت تحسبها على هذا الأساس برضوعشان عدم اللخبطة
وللعلم عبد الوهاب والسنباطى بيقول اعزفها سماعى صح 100% بإحساسك ومتدخلنيش فى السفسطة الأكاديمية وقاولها قدامى مليون مرة والله العظيم السباطى قال لى كتير ان النوتة بتفقد الاحساس وكان بيحب يشتغل مع ام كلثوم اكتر واحدة عشان انها مش بتتعامل بالنوتة
مع اطيب تحياتى عادل صموئيل