رد: طلبات نوتة أ / عادل صموئيل الجزء الثانى
اعتقد ان مايسعد الاستاذ عادل ان النوتات التى يدونها تلاقى استحسانا ويستفيد منها معظم الاعضاء المحترمين او نصفهم على الاقل وطلبات النوتات تنهال على الرجل زى المطر وهو بالطبع لانه زوق وخجول ومؤدب رغم انى لم التقيه لايريد ان يرد طلبا ولكن اعتقد ان عنده اعتبارات يضعها قبل التدوين وكقير من الاغنيات لاينطبق عليها تلك الاعتبارات وربما هذه الاغنيات كانت منسيه فى حياة صانعيها من الملحنين والمطربين فما بالكم اليوم بعد رحيلهم بعقود وانا الان اقول لنفسى اولا والاخوه الاعضاء الكرام رفقا بالرجل ولانثقل عليه ونتركه يدون مايراه ويحس بيه من الحان واللى انا متأكد منه ان كل مايدونه سيعجبنا جميعا
اخى العزيز اشكرك الف شكر وان شاء الله نتقابل فى لقاء قادم مع الاحباء
هى المشكلة ان بعض الطلبات بتبقى مثلا مش ليها شعبية اوى يعنى ماحدش سمعها خالص ودى انا لما بكتبها مش يسشوفها غير اللى طالها مع ان نفس الوقت ممكن اكتب اغنية مشهورة حتلاقى مليون شخص يسعدبها فى مصر والخارج وخلى بالك ان اغانينا بتاعة الزمن الجميل كلها لها شعبية خارج مصر وبتتعدى كده مع المهتجرين الى جميع دول العالم
تانى حاجة فيه نوعية اغانى زى معظم اغانى فريد الطرش .. ان فريد كان معظم اغانيه فيها اما ادليب واما موال .. لأن فريد كان ملك الادليب والموال .. يعنى ممكن تصحية من ز النوم وتحط امامه كلام يقول لك فيه اديب او موال ويجنن مش اى حاجة وخلاص .. واكيد بالطبع ( من وجهة نظرى وخبرتى مع النجوم ) ان كل فنان لازم يستغل الموهبة المتفردة اللى عنده يعنى فريد كان لما بيلحن فى فيلم 6 اغانى مثلا ( واغاغنى الافلام بيبقى المنتج مستعجل عليها غير الاغانى اللى للحفلات بيبقى بيلحن براحته ... هنا فريد ممكن فى اسبوعين بيلحن نص الاغانى وبيعمل الباقى موال او ادليب .. والموال ما ينفعش يتكتب اصلا او التقاسيم .. والادليب احيانا بيبقى سهل يتكتب زى اشهر اغنية مثلا اغنية الربيع تلاقى الادليب طوله قليل وهو هو اللى بيقوله فى كل مرة وده بيبقى من السهل يتحفظ
وفيه ميزة خطيرة للأدليب والموال ان اى مطرب نص نص ممكن يغنى اغنية مافيهاش ادليب زى اتقل اتقل مثلا او تقول لأ لأنها حلوة وسهلة .. لكن مش لى مطرب يقدر يغنى ادليب لفريد لنه حايتكشف ويظهر انو طوبة جنب هرم ... وللعلم لاسر ده كان معظم الفانين الكبار بيعملوا الحان سهلة عشان الانتشار الجماهيرى يعنى ممكن اى حد يغنى الاغنية حتى لو فى الحمام , لكن معاها الحان صعبة ما يقدرش اى حد يغنيها
يعنى مثلا ادليب مش ممكن يغنيه غير صباح فخرى مثلا او نصرى شمس الدين
لن خبرتهم بتخليهم يفهموا الاسرار الدفينة اللى فى الادليب ده
ولما نيجى للأدليبات اللى بتكلم عليها دى دى عشان تعزفها لازم تكون متمكن اوى من السماعى يعنى تحفظها كويس وتقول ... والنوتة مهما كانت مش بيتوصل فى الداليب ل 100% ... وللعلم ايامماكنت انا بعزف عمرنا ماكنا بنشتغل من الادليب يعنى كان المطرب حافظ بيقول ايه واحنا ماشيينمعاه بنسدنه.. ووظيفتنا الاساسية اللزمات الصغيرة اللى بنرد بيها عليه ... ده فى الغنا اما الادليب اللى موسيقى بتكون النوتة قدامنا والملحن بيمسك العود ويعزفها كذا مرة لحد مانحفظها ونقول اللى بيقوله النوتة فقط بتفكرنا ... والادليب والتقاسيم مشكلتهم الخطيرة ان فيهم مزة مش موجودة فى الموسيقى الغربية ... يعنى هناك اى علامة ايقاعية قدامك بتبقى هى كده يعنى النوار نوار والروند روند حسابيا .. لكن فى الادليب الشرقى بتبقى النوار اطول شعرة او اقصر شعرة .. السكتة بتبقى سكتة وحتة وهكذا لو قراها اى عازف حتى لو كان مين لو مش حافظ اللحن انت لما تسمعه مش حاتفهم هوبيقول اى اغنية
اعتذر عن الاطالة .. لأن البرد الشديد عامل معايا وعكة صحية وعيان وبشرب شوربة
وده باين من تأثير الشوربة
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 12/01/2013 الساعة 15h33
|
رد: طلبات نوتة أ / عادل صموئيل الجزء الثانى
العرض العادي
