الاغاني الهابطه ...هل هى فعلا هابطه ...حوار هادئ وموضوعى

[حسن كشك]

معلش اخى الفنان
محمود سعد
ماحدش رد على صرختك ... لكن انا ها ارد
تصديقا لكلمات حضرتك
كنت حالا اشاهد قناة فضائية تذيع برنامج ( قول يامصرى ) الذى يقدمه الشاعر ( احمد فؤاد نجم )
وكان البرنامج فى تلك الفقرة يستضيف احد الكتاب فى جريدة الوفد ... وسائق ميكروباس .. وبعرور مغنى العنب
كان عنوان الفقرة ... هل امبراطورية الميكروباس تفرض نفسها على واقعنا المصرى ....
طبعا وكالمتوقع ... لم تناقش القضية اطلاقا ... وانما كلام تافه ... لايتسم بالجدية ولا بعمق الموضوع .. فسائق الميكروباس ... انكر كل ماقيل عن سائقى الميكروباسات وتصرفاتهم ... وظهر لنا بصوره الملاك الملتزم المؤدب .. والقى على سوء تصرفات بعض سائقى الميكروباسات اللى هو مايعرفهمش ولاشافهمش خالص - على رجال الشرطة المرتشين .... والسيد بعرور ... قال بالحرف .... يعنى احنا لما نغنى ... مش احسن من الناس الغرب اللى برضوا هييجوا ويقولوا كلام هايف ... ويسيطروا على السوق ويلموا الغله .... اما السيد الصحفى فقال ... انا بحب اللون ده من الغناء ... اما السيد احمد فؤاد نجم .... الثائر ... المصرى المعترض على كل شئ دخيل على المصرية الاصيلة ... فلم يحرك لا لسان ... ولا يد ... وكل اللى قاله ... يالا غنى يابعرور ... وطرى القعدة ....
وقام السيد بعرور ... ففتح فمه ... واصدر اصوات اقرب ماتكون كالفحيح او التزييق ... واقسم بالله لا افترى عليه فقد كان الغناء لايف بلا مؤثرات وظهر صوته الحقيقى ... المجرح المشرخ المشرخ ...وعزفت معه فرقة ... اقسم بالله العظيم ماسمعت منها موسيقى اطلاقا .... وقام اربعة شبان ... ليقدموا شو استعراضى مصاحب للغناء وكان كل واحد منهم يرتدى بذله وكرافته متفقه فى الوان باقى الاربعة ( لو شفتهم وهما جالسين بدون رقص لتصورت انهم اساتذة جامعة )....واخذوا يتقافزون بعبط وهبل .. واشبه بالقردة العبيطة وهم مبتسمون ابتسامات بلهاء ...
ارأيتم ماوصلت اليه الحاله .... افساد للفن ... وافساد للغناء ... وافساد للموسيقى ... وافساد للفن الاستعراضى ... فى حضور الصحافه وعبر الفضائيات ..... ومن تصورنا انه ... رافض لكل مايشوه مصر ... لم يرفض بل استمتع ... واعطى تصريحا لهذه الاغانى الهابطة .... بالاستمرار ...
ولا يمكن هى مش هابطة واحنا اللى مابنعرفش نسمع
وعجبى!!!!!!

[الألآتى]

المشاركة الأصلية كتبت بواسطة حسن كشك

ولا يمكن هى مش هابطة واحنا اللى مابنعرفش نسمع
وعجبى!!!!!!

إحنا إللى مابنعرفش نسمع ياحسن .. الواحد بدأ يشك فى نفسه وودنه ..

يمكن هما الصح .. وإحنا الغلط ..

الظاهر أهلنا ماعرفوش يربونا ..كان المفروض نتربى فى خرابة .

[karawan19]

فى الحقيقة , أن هذا الموضوع يعتبر من أجمل وأقوى الموضوعات التى طرحت للمناقشة فى المنتدى والغالى الأستاذ حسن كشك كان سباقا - بثاقب نظره - فى طرح هذا الموضوع الذى أعتبره حقيقة موضوع الجيل وموضوع الساعة أو الموضوع المهم -اليتيم الذى لا أب له فليس هناك من يستطيع ايقاف هذه الموجات المتلاحقة والطوفان الذى ليس له مصد من الأعمال الهابطة التى بدأت تؤثر حقيقة فى الذوق الفنى العربى وهى كارثة بكل المقاييس - فلا الصحافة ولا الأعلام ولا الأذاعة بالخصوص ولا المعاهد والكليات الموسيقية ولا غيرهم بقادرين على عمل اى شئ أو تقديم حلول لهذه المعضلة وقليل منا هو الذى يستشعر خطورتها - وأعتقد أن لدى ردود على الأختلاف فى تذوق الأعمال المختلفة وهى سوف تفسر الكثير من الأختلاف فى وجهات النظر فى تقييم الأعمال الفنية والتى تبدو متراوحة 180 درجة ولكن الوقت "زانق معايا شوية بل شويتين" ونجوم هذه المداخلة بلا منازع هما النجمان الكبيران "الأستاذ حسن كشك والأستاذ محمد اللآلاتى" وهذا لايفلل من أهمية باقى المناقشات الثرية سواء من الأستاذ غازى أو الكثير من الأخوة حتى لا أنسى اسمائهم الكريمة وقد تعلمنا الكثير من هذه المداخلات الرائعة فشكرا للأحبة والأخوة الكرام
مع تحياتى

[محمودسعد]

العزيز حسن كشك
العزيز محمد الالاتي
طبعا الحكايه اللتي سردها العزيز حسن كشك تستحق المتابعه وخصوصا كلام النجم احمدفؤاد نجم اللي كان بيحب مصر ودلوقتي بعرور بيطري علي قلبه بالغناء
بالذمه ده كلام ؟
ده كلام بياكد ان السفه بدا من ناس كبيره وهو اللي فتحوا الباب لهذا السفه وهذا القبح اللذي نعيش فيه والا ازاي يكون بعرور بيطري علي قلب نجم او النجم الكبير احمد فؤاد نجم ومعاهم سائق الميكروب او الميكروباس
والان وقبل الان بشويه انا متاكد انه لامكان للمحترمين في الفن والا ماكانتش فقره او نمره بعرور باتناشر الف جنيه وعلي الحجار قاعد في البيت والحلو معاه معتزل
علي راي اخي الالاتي
هو احنا اهلنا ربونا ولااحنا مش متربيين ؟
الناس اللي مش ناس دي عاوزه تودينا لحاد فين؟؟؟؟

[غازي الضبع]

المشاركة الأصلية كتبت بواسطة karawan19

ونجوم هذه المداخلة بلا منازع هما النجمان الكبيران "الأستاذ حسن كشك والأستاذ محمد اللآلاتى" وهذا لايفلل من أهمية باقى المناقشات الثرية سواء من الأستاذ غازى أو الكثير من الأخوة حتى لا أنسى اسمائهم الكريمة وقد تعلمنا الكثير من هذه المداخلات الرائعة فشكرا للأحبة والأخوة الكرام
مع تحياتى

والله يا دكتور نحن محظوظون بوجود حضرتك معنا ، وبإثراء حضرتك لهذه المناقشات بآراء وفكر راقي ومثقف مبني على أسس علمية ومنطقية .
دمت لنا يا أستاذنا