متمكن .... لا أحب الإستماع إليه

[mokhtar haider]

في الجزائر.... فيه ألوان كانت تسيطر و لا تزال أذيالها في الساحة... و هي ألوان من غناء الرجولة التي أخترعها فنانون من أهل الخمر و المخدرات... و من هذا اللون أنا لا أتقبل صوت دحمان الحراشي و كلمات أغانيه المليئة بحكم شعبية بسيطة إلا أنه عمل ألحان جميلة جدا

كذلك أرفض المبالغة في لون معين و الادعاء معها بعمق الثقافة الشعبية و أصالة الفولكلور و أشياء من هذا القبيل... و لهذا قلما أحببت ألحان سيد مكاوي و طالما رفضت أسلوبه الغنائي... بينما أحببت جدا و أعجبت بألحانه العصرية أو الشبه غربية
أما عن فريد الأطرش... لم أحس باي شيء في أغانيه التي أنتجها في لبنان ما عدا علي بالي على بالي و يا شمس قلبي و ظله و لا و عينيك

فيروز.... أنا رافض أغانيها الرحبانية جملة و تفصيلا... لون موسيقي و لحني أنا لا أفهمه لأني أحب طرب
اللي أرفضهم أيضا
ماجة الرومي
و أنغام لكن لله الحق تعجبني في غناء التراث
و غادا رجب

[الألآتى]

إممممممممممممم ..

كل ده كويس ..

فكرة عبقرية ياأستاذ صلاح .. لأن السائد أن نقول مايعجبنا من مطربين .. لكن العكس .. جديدة .. وجريئة ..

وكل واحد وذوقه .. ولا حجر على أذواق المستمعين ..

أنا بقى غيركم كلكم .. بدون أى مبالغة .. مش علشان جاى من كوكب أخر .. لأ

لكن علشان مابسمعش أصوات المطربين أو المطربات .. كل إهتمام أذنى .. يكون للموسيقى .. والجملة اللحنية .. حتى ولو كان إللى بيغنى .. لامؤاخذه .. حمار ..

أنا ماليش دعوة باللى بيغنى .. أذنى عامله زى الفلتر .. تمرر الموسيقى ولا تمرر صوت المطرب ..

لقد تعودت على ذلك منذ الصغر .. لدرجة أننى بعد الإستماع للأغنية .. لا أتذكر كلماتها .. إلا إذا تعمدت الإنتباه للكلمات لدواعى الحفظ ..

صحيح أن هناك بعض المطربين يشدون الإنتباه لأذنى .. سواء بأصواتهم الجميلة .. أو العكس .. ولكنى لا أعير إنتباهاً للصوت غالباً ..

والدليل على كلامى ..

أننى أحب عبد الوهاب فى أعماله الوسطى .. ليييه ؟

لأن أعماله الأولى .. ليس بها ألآت موسيقية كفاية .. وأعماله الأخيرة أعطاها لموزعين كلشنكان ..

أما أعماله الوسطى مثل ( لأ مش أنا إللى أبكى , جبل التوباد ، أنا والعذاب وهواك , بعض الأعمال الوطنية .. ألخ ) ففيها موسيقى وتوزيع وأوركسترا كافى ليملأ أذنى بالموسيقى ..

وهانى شاكر مثلاً .. أحب أعماله الأولى .. ولا أحب الأخيرة .. ليييه برضه ؟

لأن أعماله الأولى قام بها ملحنين حقيقيين .. مثل الموجى وبليغ ومنير مراد .. أما أعماله الأخيرة .. فحدث ولا حرج ..

وأخيراً أقول .. أن المسألة أذواق ..

[M O H A M E D]

إيه الموضوع الجامد ده

بالنسبة لي و اللي خاطر على بالي دلوقتي

فايزة أحمد
خصوصاً في بداياتها

فريد الأطرش
و بالذات لما يتسلطن !!

محمد رشدي
بدأت استسيغ صوته في بعض اغانيه

عبد الحليم حافظ
من صغري و صوته مش بيملى وداني

فيروز
رغم جمال صوتها لكن مقدرش اسمعها اكتر من نص ساعة ،
يمكن لإني مش بحب اكتر من السكريات

أصالة
بتزعق و تصرخ مش بتغني

محمد منير
في حاجة غلط مش بستسيغها في صوته

محمد فؤاد
بتخنق لما بسمعه

إيهاب توفيق
أخنف

لطيفة
يا لطيف ! لازم اطفي الراديو لو جت لها اغنية
و بسبب الحكاية دي فاتتني اغنية لقنديل ما سجلتش منها الا 19 ثانية بس !

أي مطرب تسول له نفسه و يغني لقنديل

كفاية كده أحسن

[ريما]

الفكره جميله فعلا نفضفض باه

عن نفسى برغم عشقى لورده قديم الا انها

بتثير غضبى فى اى اغنيه جديده ليها من اول بتونس بيك

وانا كمان بمبحبش اشوفها وهى بتغنى زى استاذ بشير

فريد الاطرش الا بعض قليل من اغانيه

عبد الوهاب بردو الا بعض قليل من اغانيه

اى مطرب من جيل قبل عبد الوهاب وام كلثوم

بعض اغانى كتير من عبد الحليم

ايهاب توفيق باه كفيل بانه ينرفزنى اول ما يبدا يغنى واكون لمحته بس صدفه

محمد ثروت واصاله وبعض اغانى انغام

اى مغنى باه او مغنيه جت بعد جيل انغام ومحمد منير بمعنى جيل الكليبات كله

من الاخر باه يا جماعه اعترف انى اساسا مش غاويه اسمع اغانى

ودى السر اللى كنت مخبياه ممكن اعقد شهور من غير ما افكر

اسمع اى اغنيه وان طالبت وسمعت بفتح منير او ورده قديم او فيروز او نجاه وبس

دا ان سمعت اصلا

[غازي الضبع]

أما أنا لو قلت مين اللي مابحبش أسمعه رغم إنه متمكن جدا
فيه ناس كتير هايزعلوا مني ..
أولهم المهندس محمد علي ، ومحمد السلاموني

[Islam Eidrisha]

أستاذي الغالي غازي الضبع
لقد كنا سويا نكتب في نفس الوقت وربما كان هناك همزة وصل روحانية بيننا
فكتبت ما كنت أخشاه فأنا ثالثهم.
رأيك يا غازي باشا ع العين والراس
تحياتي لك ولكل الأساتذة في منتدانا الغالي

[NAHID 76]

بسم الله
سيادة الريئس
اولا شكرا على موضوع حضرتك ذو الفكرة الجديدة والجميلة لاننا تكلمنا على كل ما نحب
وان شاء الله لن تكون وحدك وربنا ما يجعلك وحدك ابدا
ثانيا حضرتك شفت اد اية البعبعة
اما ما ابعبع بة فهى

الست اصالة
وانغام
على الحجار
لطيفة
وطعا اى جيل اخر لا استمع الية
اما رائ الاديب بشير عياد فاعجبنى جدا تعليقا وموضوعا
اصالة لما تغنى اخرج من البيت
والعجيب كل العجب الى اندهشت لة هو رائ الاخ الفاضل اسلاممم
اندهشت بجد
وعلى رائ السيد غازى لولا اختلاف الاذواق لبارت الكاستات والمغنيات

موضوع شيق وجديد
تحياتى

[جابر الحسيني]

هناك شيء آخر نسيت أن أذكره في تدخلي الأول، و هو ظاهرة التقليد اللتي بدأها عادل مأمون من زمان في رأيي هذا المغني لا يعدو أن يكون سوى مقلد بارع لعبد الوهاب الذي وجد فيه من يؤدي بدلا عنه أغاني فيلم ألمظ و الحامولي، هذه الظاهرة اللتي عادت لتطفو على السطح مرة أخرى في السنوات الأخيرة مع عبده الشريف متقمصا ببراعة دور عبد الحليم حافظ و فؤاد الزبادي في دور عبد المطلب (رغم أن لو طلب سمعو كان طخ نفسه بطبنجه) و أخونا صفوان بهلوان في دور عبد الوهاب مش عارف إسم بهلوان عائلي أو لقب عشان التقليد الماهر.

هؤلاء "المطربون" لم يأتوا بإضافة جديدة يعني بيعيدوا الأغاني زي ما هي نفس التوزيع الموسيقي و نفس الأداء حتى الصوت مشابه لأصوات أصحاب الأغاني الأصليين ففي الأغنية الغربية هناك ما يسمى reprise أو cover يعني إعادة إنتاج الأغنية لكن بتوزيع جديد و بأداء متميز و مختلف و بلمسة شخصية تكون واضحة تجعلك تحس و كأنك بصدد الإستماع لعمل جديد لا علاقة له بالعمل الأصلي و قد تجد لنفس الأغنية 20covers كل واحد يختلف عن الآخر، أعتقد بأن هؤلاء المقلدين بعيدون كل البعد عن هذا ، و سبب نجاحهم و انتشارهم أعتقد إنه بيرجع لذكاء منظمي حفلاتهم الذين استغلوا حنين الجمهور لزمن الطرب الجميل يعني بيقولك كده : إنت فاتك زمن كان بيغني فيه حليم و كان نفسك تحضر سهرة من سهراته إتفضل آدي عبده الشريف نسخة طبق الأصل و اعتبر كإن حليم هو اللي بيغني قدامك و صفق و اعمل هيصة و قول الله يا عبد ... نفس الشيء بالنسبة لعبد المطلب قصدي فؤاد الزبادي و الأخ بلياتشو .. بهلوان أقصد.

[صوت الموسيقى]

ام كلثوم- نجاة - عبد الحليم-عبد المطلب

من الجديد: اليسا - محمد ثروت- محمد الحلو

لسه عندى كتير لو افتكرت حد منهم هرجع تانى

[جرامافون]

أستاذي العزيز عمرو بك

طيب أنا من امبارح مستنيك عشان أعرف هتفاجئنا بإيه

تقوم تكسفني كده وماتقولش

طيب لو خايف بجد على قميصك قوللي على الخاص

وسرك في بير مسعود .. مش هقول لحد

أخي العزيز الفاضل والنشيط ا.اسلام
بصراحة ما لا يعجني في اي مطرب متمكن
هوه المغالاة التي يحدثها محبيه حوله لدرجة

ممكن تكرهك فيه بدون ذنب للمطرب المسكين

ومطربين زمان احب اغانيهم وليس شخصياتهم
ما عدا محمد عبد الوهاب الذي احبه لشخصه
وده ميمنعش ان له بعض الاغاني اللي المفروض
تترمي من الشباك .. لانه مستحيل طبعا يقعد
نصف قرن يعطي عسلا مصفي بلا أخطاء لكنه
في مجمله شخصية متفردة تستحق الدراسة علي
المستوي الشخصي بجانب الموسيقي
واي مطرب تحبه او تكره
فيعود الفضل الاول والاخير
لثلاثة
محمد عثمان - سيد درويش - عبد الوهاب
لانهم همه اللي صاغوا وبلوروا وعرفونا
ببساطة بالظبط يعني ايه اغنية
واضحك كثيرا عندما اسمع صديقا لي يقول
انا بحب عبد الوهاب ومبحبش سيد درويش
او بحب زكريا ومبحبش عبد الوهاب
باعتبرها نوع من الكوميديا
واخيرا وبصراحة
كل المطربين لهم اغاني معينة
رائعة وليس كل اعمالهم طبعا
واخيرا
يبقي مطربا متمكنا شامخا متفردا مغردا مدندنا ومن كتر حبي فيه
مش طايق احبه وهو النابغه صاحب معلقة
(أنا بكره اسرائيل)
ومؤلفها طبعا أمير شعراء

مدرسة التوكتوك

(عاجبك كده .. اهو القميص اتقطع )