طلبات نوتة أ / عادل صموئيل الجزء الثانى

[عزت شحاته]

معلهشى الترنيمة اسمها
( جيتلك وانا مديون )

[عزت شحاته]

الترنيمة ( لما الحمل بيتقل )
دى عايزاها طالبة نفسها تعزفها صولوا
قلت هارفعها وحضرتك وظروفك

[mahmoud feteih]

مساء الجمال يااستاذنا تسلم ايديك وطالما المزاج رايح ناحية ورده فى اغيه من ايام الكاسيت باحاول افتكرها ولسه فاكرها الوقتى من الحان الموجى اسمها لازم نفترق اغنيه غريبه وعجيبه بس حلوه اوى لو عجبتك حطها اللسته وانا لمنتظرون واكيد حاتعجب الاساتذه اللى معانا وشكرا جزيلا

[وائل علوي]

اخي واستاذي الجميل عادل
اشكرك من اعماق قلبي على تكملة اكدب عليك
وعلى الروائع الوردية التي تتحفنا بها هذه الايام
مع خالص وارق تحياتي

[عادل صموئيل]

اخى العزيز عزت شحاتة
اقدم لك

جيت لك ونا مديون

انا معرفتش اكتب المقدمة كتبت الغنا فقط .. عازف العود بيرغى كتير يعنى بيلعب كتير اوى فى الجملة خلانى مش فاهم نصها مع ان الجملة اصلا شكلها حلو وه وكده اتلفها اومنع ان حد يعرف يعزفها بعده .. كمان فيه عيب مش وحدجى يعنى طول مابيعزف عمال يسرع .. الحاجة التناية البنت طوتها يجنن بس كانت بتغنى فى القرار وهو بيعزف معاها فى الجواب وبيلعب ف الجملة يعنى بيتفزلك عشان يلخبطها
المهم انك تستفيد منها
مع اطيب تحياتى

[عادل صموئيل]

اخى العزيز عزت شحاتة
اقدم لك

لما الحمل بيتقل

نفس المشكلة المقدمة اللى بيعملوها الموزعين دول عشان بيشتغلوا ويسجلوا سماعى المقدمة ماعرفتش اكتبها بعد ما سمعتها عشرين مرة .. هى ميزان 4/4 بس فيها كروش دخيل كده بيخليها 4 ونص / 4 بدين صوت زى صوت اريح وشوية فاضيين مالهمش زمن محدد .. الحاجة اللى بتلخبط او بتنقص من قيمة اللى بدونه اللزمات السريعة مش اللى بتد ع الغنا ولكن اللى بتبقى تحت الغنا ودى لاز اتجاهلها تماما واكتب الغنا فقط .. وصولو الكمنجة اضطريت اخترع حاجة فى القفلة بتاعت عشان اعمل حاجة مقننه عن اللخبطة والفزلكة اللى هو عملها
الترنيمة لحنها حلو مش بطال بس لوكانت اتنفذت بشكل ابسط كانت تبقى احلى من كده 100 مرة .. يعنى احتيار الحاجة اللى انت عايز تنفذها .. انا مثلا مش ممكن اعزف ترنيمة زى دى زى ما مش ممكن اعزف اغنية من بتوع دولقتى واللى هى شبههم تماما ليه ؟ انا سماع عشر الصوات ومفيش لحن اساسى وانا بعزف صوت واحد يعنى اى صوت واحد حاعزفه حايبقى فاضى لأن العشر اصوات التانيين مش موجودين .. للعلم زمان ايام عبد الوهاب كان اللحن خمس صفحاتبيوزع جملة واحدة فقط بس فيه شرطين انو بيعمل جملة نغماتها طويلة عشان يبان التوزيع تحتها ولكن بشرط مافيهوش فصال ان اللحن الاساسى يكون اعلى من التوزيع بحيث انى لو عزفت الاغنية كلها وآجى عند الجملة الموزعة اعزفها بدون ماتحس اللحن ناقصو حاجة .. الجادة الاهم والاخطر ( طبعا انا بتكلم من منطلق الخبرة ) انت لما تنفذ عمل ما .. اعمل حساب الجمهور او اى حد حايسمع .. لما تقدم لهم جملة اهم شىء فيها لحن اساسى واضح الجمهور بيسمع حلو وتبقى قدمت حاجة .. لكن الاغانى الحديثة اللى كلها دربكة الجمهور مش بيسمع اما بيصقف او بيرقص لكن سمع مفيش .. وبعد ماتخلص الاغنية يبقى كأنه ماسمعش حاجة .. غير لما يسمع حاجة تقعد فى ذهنه شوية
خلى بالك ف لاختيار وربنا يوفقك
مع اطيب تحياتى

[منذر44]

طلب عاجل
الاستاذ العزيز عادل صموئيل
انا بحاجة ماسة الى نوتة اغنية فيروز
بالغار كللت يا شام

[عادل صموئيل]

لكل احبائى السوريين اقدم اغنية فروز

بالغار كللت يا شام

القصيدة دى انا شفت الطلب امبارح والاخ منذرطالبها طلب عاجل وبالطبع ما اقدرش اتأخر
بس هى صعبة شوية .. .. وتصادف انى ماكنتش سمعتها من قبل
مع اطيب تحياتى

[منذر44]

استاذ عادل
كللت بالمجد والغار والورد الدمشقي
لك اجمل تحية من سورية الجميلة و الجريحة الى مصر العروبة
مصر النيل والاهرام مصر الكرم والعطاء
لك كل الشكر والتحية والمحبة والتقدير

[منذر44]

بالفعل لحن رائع وصعب جدا ولكن ليس على الاستاذ عادل
شعرت وانا اعزف النوتة انني امام عمل متقن ومتكامل
ترجمة حرفية واحترافية تجعلك تدخل عالم الرحابنة من اوسع ابوابه
ورغم صعوبة اللحن فقد جعل الاستاذ عادل النوتة اقرب ما يمكن للسهولة
رغم ان علامة الصول نصف ديييز دائما ما يكون عزفها مربكا للكثيرين
وخصوصا المبتداين
استاذ عادل كل ما تدونه جميل ولكن اغاني فيروز بالذات هي اجمل واجمل
واتمنى ان تتحفنا دائما بنوت فيروز
وبالمناسبة هناك اغنية اخرى لفيروز عن دمشق لا تقل صعوبة وروعة
لا اعلم ان كنت سمعتها من قبل احلم ويحلم مع كل عازفي سوريا بتدوينها
وهي اغنية شام يا ذا السيف ورغم صعوبة الاغنية فأنت فارسها الاوحد
مع تحية شامية معطرة بالياسمين والورد الجوري