طلبات نوتة أ / عادل صموئيل الجزء الثانى - الصفحة 584

**أحمد البستاوي** · #**5831** 06/12/2017, 15h31

مساء الخير أستاذنا الكبير : عادل صموئيل . .
بعد التحية و السؤال عن الصحة و الأحوال . . نفيد سيادتكم علما بأن أغنية الأطفال : أبريق الشاي , لم تدوّن بعد . .

أبريق الشاي
كلمات : صلاح جاهين
ألحان : إبراهيم رجب
غناء : سيد الملاح
رابط الأغنية : أبريق الشاي

جدير بالذكر أن صلاح جاهين قد تأثر في كتابة هذه الأغنية بأغنية أنجليزية قديمة هي I'm A Little Teapot , في افتتاحية الأغنية , لكن ابداعه و إبداع الملحن إبراهيم رجب , و طبعا إبداع المؤدي الممتاز سيد الملاح , جعل من أغنية أبريق الشاي شيء أكثر بكثير من مجرد نسخة عربية للأغنية الإنجليزية . .
رابط أغنية I'm A Little Teapot , على اليوتيوب
و كما عوّدتنا دائما بكرمك الذي لا حدود له مع الأطفال , أرجو أن يكون لهذه التحفة الصغيرة نصيب من التدوين مع حضرتك . .
و أخيرا و ليس آخرا , لك منا , سيدي الفاضل , أطيب الأمنيات بدوام السعادة و الصحة و راحة البال

**عاشقة العود** · #**5832** 08/12/2017, 15h14

اقتباس:

المشاركة الأصلية كتبت بواسطة سليم العباس

بعد التحية
الأستاذ عادل قد دون بالفعل أغنية وحياتك يا حبيبي ( ما تفوتنيش أنا وحدي)

وااااااو ميرسي كثير خيي الغالي 😊😊

الاخت العزيزة

فيه اغانى كتير بيبقى لها ف السوق اسمين مختلفين لنفس الاغنية
مع اطيب تحياتى عادل صموئيل

**عادل صموئيل** · #**5833** 08/12/2017, 21h29

احبائى

مع اغنية لسيد مكاوى

بقا هى دى المحبة

مع اطيب تحياتى

**عادل صموئيل** · #**5834** 08/12/2017, 21h31

احبائى
مع اغنية من اغانى فريد الاطرش الخفيفة

انا وانت والحب كفاية علينا

لاحظوا ان ل فريد الاطرش كذا اغنية تبدا بكلمة انا وانت

مع اطيب تحياتى

**علي ثلاثة** · #**5835** 08/12/2017, 22h21

أستاذ عادل
الشكر على أغنية أنا وأنت والحب كفاية علينا
ولقد كنت بصدد اقتراح تدوينها
فجاء كرمك الفياض في إبانه
خصوصا وأنها في متناولنا وفي إتقان عال
فشكرا مجددا وألف شكر

**عادل صموئيل** · #**5836** 10/12/2017, 18h21

احبائى
اقدم للاخ البستاوى اغنية الاطفال

ابريق الشاى

هو حضرتك قلت لم تدون بعد .. احنا مش المفروض ندون كل الاغانى ولكن بندون الاغانى اللى ممكن يستفيد بيها اكبر عدد ممكن من الناس ... انا دونتها بناء على طلبك بس هى من الصعب ان حد يعملها لعدة اسباب .. يعنى اولا لازم يكون فيه صولو او مطرب زى سيد الملاح شوف الاداء واصل لنغمة فا فوق المدرج .. كمان مطلوب اطفال محترفين .. يعن صعب جدا جدا تنفيذها فى مدرسة وانا كنت 30 سنة تربية وتعليم ... لان الاغنية عيبها انها مش كوبليهات او كوبليه بيتكرر او لها معالم مميزة ولكنها طويلة اوى وممكن الواحد يتوه فيها
عموما انا عملت اللى عليا
مع اطيب تحياتى

**أحمد البستاوي** · #**5837** 10/12/2017, 21h46

اقتباس:

المشاركة الأصلية كتبت بواسطة عادل صموئيل

احبائى
اقدم للاخ البستاوى اغنية الاطفال

ابريق الشاى

هو حضرتك قلت لم تدون بعد .. احنا مش المفروض ندون كل الاغانى ولكن بندون الاغانى اللى ممكن يستفيد بيها اكبر عدد ممكن من الناس ... انا دونتها بناء على طلبك بس هى من الصعب ان حد يعملها لعدة اسباب .. يعنى اولا لازم يكون فيه صولو او مطرب زى سيد الملاح شوف الاداء واصل لنغمة فا فوق المدرج .. كمان مطلوب اطفال محترفين .. يعن صعب جدا جدا تنفيذها فى مدرسة وانا كنت 30 سنة تربية وتعليم ... لان الاغنية عيبها انها مش كوبليهات او كوبليه بيتكرر او لها معالم مميزة ولكنها طويلة اوى وممكن الواحد يتوه فيها
عموما انا عملت اللى عليا
مع اطيب تحياتى

و الله أخجلتني بذوقك قبل كرمك يا أستاذنا الكبير . .
و الواحد بجد مش عارف يشكرك على إيه و لا إيه . . يعني أولا أنا متشكر جدا لحضرتك على اهتمام حضرتك , و على التدوين المتقن كالعادة . . و كالعادة لا مزيد على حضرتك . . و مهما كانت الأغنية مالهاش معالم مش ح تكبر على الأستاذ عادل صموئيل

و ثانيا أنا متشكر جدا على توضيح الفكرة بتاعت جدوى التدوين . . شوف مثلا هي ممكن تكون كلمة صغيرة حضرتك بتقولها لكن بتفتّح قدامنا أبواب للتفكير . . الأغاني اللي كوبليهاتها بتتكرر أسهل على العازف , و خصوصا المبتديء أنه يؤديها . . دي نقطة مهمة جدا . .
و أنا مع حضرتك طبعا أن مش كل الأغاني لازم تتدوّن , و طبعا أغنية (أبريق الشاي) ممكن تكون صعبة ان طفل يحفظها و يؤديها بالكامل , لكن حضرتك عارف طبعا قد إيه أغاني الأطفال الجيدة قليلة جدا و المتدون منها أقل و أقل . . لو تفتكر حضرتك من كام شهر كنت طلبت أغنية (الشاطر عمرو للفنان الراحل عبد المنعم مدبولي) و حضرتك مشكورا قمت بتدوينها بطريقتك اللي بتخلي العزف ساهل . . و بناتي - 6 و 7 سنوات كانوا فرحانين بيها جدا . . و من ضمن الحاجات اللي عزفوها أغنية الأبجدية أ ب ت , و وحوي يا وحوي , و ذهب الليل , و ماما زمانها جاية من تدوين حضرتك . . و حضرتك طبعا عارف السن ده , هم عاوزين الحاجة بتاعت سنّهم . . اللي عاوز أقوله إن اللي حضرتك بتعمله باقي , و ناس كتير فعلا بتستفيد منه . . و في النهاية إحنا بس بنقدّم مجرد "اقتراحات" لكن الرأي في الأول و الأخير عن إيه اللي يستاهل يتدوّن هو رأي حضرتك طبعا . .
بأكرر شكري العميق لحضرتك يا أستاذ عادل , و دعواتي بدوام الصحة , و السعادة , و راحة البال , و ربنا يخليك لينا و ما يحرمناش منك أبدا . .

**منذر44** · #**5838** 11/12/2017, 04h43

الاستاذ العزيز عادل صموئيل كنت قد تقدمت منذ عامين لحضرتك بطلب تدوين
اغنية اسمهان رجعتلك وها انا اعيد الطلب متمنيا تدوينها

**إبن كار** · #**5839** 11/12/2017, 13h12

الاستاذ صموئيل الحبيب:
الف شكر لجهودكم العظيمة في تدوين هذا اللحن الجميل و هوا الليالي الحلوه و اتمنى لكم التوفيق الدائم و بمناسبة حلول العام الجديد اتمنى لكم كل عام وانتم بالف خير مع كافة العائله الكريمه.
أخيكم المخلض لكم
دانيال إبن كار

**سليم العباس** · #**5840** 11/12/2017, 20h52

أستاذ عادل بعد التحية استفسار : لماذا لم تدون أي من أغاني الفنان هاني شاكر ؟