رد: طلبات نوتة أ / عادل صموئيل الجزء الثانى
شكراً لتدوين هذه الأغنية الجميلة للرائعة نجاة الصغيرة ، و بمناسبة تحليلك أستاذ عادل أود أن أبدي رأيي فيما يخص المقارنة بين أغنية نجاة و أغنية راغب علامة ، أعتقد أن أغنية راغب هي الأجمل من حيث اللحن و التوزيع الموسيقي .
للأسف غالباً ما يكون هناك تعصب فني و خاصة للمطربين القدماء باعتبار أن الفن القديم هو الأصيل و هذا صحيح إلى حد كبير لكن ليست جميع أغاني العمالقة هي خارج المقارنة مع أغاني الزمن الحالي أو الذي سبقه ، فمثلاً أغنية سميرة سعيد ( قال جاني بعد يومين ) تتفوق على عدد كبير من أغاني فنانين ينتمون للجيل الذهبي الذي سبقها من حيث الكلمات واللحن و الأداء والتوزيع .
أرجو أن تبدي رأيك فيما يخص هذا و أتمنى أن تعطينا بعض الأمثلة لأغاني حديثة نسبيا أعجبتك بحيث يمكن مقارنتها مع بعض من أغاني العمالقة .
و شكراَ
اخى العزيز
كلامك ممكن يكون صح انا طبعا مش متعصب لكلامى ... وهو المفروض واللى كان صح ان الزمن الجميل يتبعه زمن جميل .. زى ما كان اغانى الخمسينات الى السبعينات امتداد وتطور للأغانى ماقبلها ولكن مع الاسف حصل العكس .. هو المشكلة انك تلاقى ملحن بيلحن بطريقة الزمن الجميل يعنى لحن فيه فكرة وجمل جميلة ... لو فيه توزيع يبقى خفيف .. لن دلوقتى كل الغانى موزعة بشراسة والتوزيع ده دمر الجمل الجميلة .. لأن التوزيع بيدارى على الجملة الاصلية اذا كانت حلوة ولا مالهاش قيمة .. يعنى انت لو جبت 1000 اغنية من اغانى الزمن الجميل حتلاقى كل اغنية لها شخصية مختلفة وماتقدرش تقول اغنية احلى من اغنية لأن كل اغنية فيها حاجة حلوة .. كان زمان كمان فيه حاجة خطيرة .. يعنى كان فيه تنافس بين الملحنين يعنى انا لو عملت لحن عارف ان عبد الوهاب وفريد والسنباطى وبليغ حايسمعوه فبالطبع لازم اقدم احسن حاجة عندى عشان املا عينهم .. حاجة كمان اخطر .. الملحن كان المرآة اللى بيجرب فيها قيمة وحلاوة لحنة الجديد كانت الفرقة نفسها .. يعنى تخيل ملحن ما جايب لحن جديد على الفرقة الماسية .. العازفين اللى قاعدين دول مين ... يعنى كانوا امبارح مع ام كلثوم واول امبارح مع عبد الحليم او فريد وقبله مع فايزة وهكذا اقصد يعنى شاربين خلاصة حلاوة الفن فمش معقول اعل حاجة دون المستوى تخليهم يشتغلوا وهم مش مقتنعين باللى انا عامله بالطبع فيه واحد % من الانتاج الجديد حلو يعنى انا بحب ريهام فى اغنية فيها حاجة حلوة وبعض اعمل امال ماهر وبعض اعمال عمر خيرت ... لكن اللى بيقرفنى ويخلينى اخد موقف اول مشكلة مشكلة النجوم الكبار دلوقتى اللى مساحتهم الصوتية قليلة يعنى تلاقى وسط الاغنية الواحدة يسقط منه كام حرف ودى عمرها ماحصلت ولا كانت تحصل زمان .. زائد الاصوات الرديئة الفجة اللى تصلح للمناداة على الخضار فى السوق وليس للغناء .. زائد اقول لك حاجة انا بقعد على قهوة صباحا بشرب شيشة وفنجان قهوة .. بقعد 40 دقيقة تقريبا انا مش بحب القعاد ع القهوة لتضييع الوقت زى مانس بتعمل لكن بقعد وقت محدد هو ان حجرين الشيشة يخلصوا .. القهوة دى بتشغل الصبح محطة اسمها المولد .. انا طبعا مش بشوف التليفزيون يعنى مديه ظهرى وبتقفرح ع الناس اللى ماشيين ف الشارع .. خلا ال 40 دقيقة المحطة اذاعت ييجى تسع اغانى .. انا ماحسيت ان اغنية خلصت وغيرها ابتدى لأن كل الالحان شبه بعض ولا حسيت ان 9 بيغنوا اتغيروا لأن كل الاصوات الفجة شبه بعض ماتعرفش تميزهم من بعض .. اما عن راغب علامة هو حلو بس لأنه جه فى اواخر الزمن الجميل يعنى كان لسه الجمهور بيختار ويسمع
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 15/08/2014 الساعة 08h31
|
رد: طلبات نوتة أ / عادل صموئيل الجزء الثانى
رد: طلبات نوتة أ / عادل صموئيل الجزء الثانى
العرض العادي
