إعلانات زمان - الصفحة 3

**محمد فهمي** · #21 02/06/2009, 19h06

والله اعلانات هايلة فكرتونا بالذي مضي
اشكركم من كل قلبي

وبالفعل اعلان ريري من تاليف صلاح جاهين والحان سيد مكاوي وتوزيع شعبان ابو السعد
وعلي ما اظن عام 1979 او ما شبه ذلك

**samehbad** · #22 13/08/2009, 08h20

السلام عليكم
موضوع رائع رائع رائع
ياترى فى حد يفتكر إعلان سيجال عن بطلة الإعلان اللى كانت اسمها (نرجس) وكان كل حاجة فى بيتها من سيجال
وشكرًا على الدرر والنوادر القديمة الأكثر من رائعة

**mahmoudbek80** · #23 07/09/2009, 15h19

انا ابن عبد الرحمن المصرى الى عمل اعلان المحظوظ
بس كمان هو عمل اجرى بسرعة ياواد ياحسين
و عبد الهادى الحلوانى و سيجال و سوزوكى و شهادات الاستثمار و البنك الاهلى
و عمل فيلم اسمو جرب حظك

ارجوكم الى عندو حاجة من الحاجات دى يرفعها على النت لان الراجل دة توفى الى رحمة اللة
و مش باقى من ذكراة الا الجاجات دى
ولكم الشكر
محمود عبد الرحمن المصرى

**رائد عبد السلام** · #24 07/09/2009, 17h15

اقتباس:

المشاركة الأصلية كتبت بواسطة mahmoudbek80

انا ابن عبد الرحمن المصرى الى عمل اعلان المحظوظ
بس كمان هو عمل اجرى بسرعة ياواد ياحسين
و عبد الهادى الحلوانى و سيجال و سوزوكى و شهادات الاستثمار و البنك الاهلى
و عمل فيلم اسمو جرب حظك

ارجوكم الى عندو حاجة من الحاجات دى يرفعها على النت لان الراجل دة توفى الى رحمة اللة
و مش باقى من ذكراة الا الجاجات دى
ولكم الشكر
محمود عبد الرحمن المصرى

بقي كده ينفع
يامحمود بك ؟

ده إحنا كنا متعشمين
تجيب لنا تراث الوالد
الله يرحمه

**mahmoudbek80** · #25 09/09/2009, 02h17

طبعا ليكو حق تستغربوا انى معنديش حاجة لعبد الرحمن المصرى رغم انى ابنو0000 انا بعتزر

لكن انا عندى فيلم اسمو جرب حظك بس استاذنكو تقولولى على الطريقة الى ارفعو بيها على النت
و ملحوظة تانية 000 اعلان ريرى تلحين واعداد عبد الرحمن المصرى و كلمات مصطفى الطاثر و ليس صلاح جاهين
و الاعلان دة اتسجل فى التليفزيون فى استوديو 46 و ارجوكم توخى الحزر والامانة قبل ما نحط معلومة للناس عشان ما نضيعش مجهود الناس الى رحلوا و سابونا

محمود عبد الرحمن المصرى

**mahmoudbek80** · #26 09/09/2009, 16h10

الى لحن ونفذ اعلان ريرى عبد الرحمن المصرى وليس سيد مكاوى و هو الى لحن اعلان المحظوظ
وبالمناسبة انا ابن عبد الرحمن المصرى و حضرت تسجيل اعلان ريرى فى استوديو 46 بالتليفزيون
و ارجو من الاخوة القاثمين على الموقع اضافة هذا الرد عشان مجهود الناس الى رحلوا و سابونا مايرحش هدر
يا جماعة عبد الرحمن المصرى اول من فكر فى عمل اعلان غناءى فى الشرق الاوسط و كان اسمو رابسو و بيقول
هدومى وسخة من يومين اودى وشى مالناس فين 000 كان نفسى يكون عندى الحاجات دى عشان ارفعها عالنت انا اسف ومن اعمالة محمد سعد شعار معروف- يابهية قولى لبوكى- شهادات الاستثمار(3بطات)-خمس حروف يتاقلو بمال(سيجال) عبد الهادى الحلوانى- صيدناوى شملا الطرابيشى-الليمنتا - كيلوباترا وغيرهم كتير
محمود عبد الرحمن المصرى

**رائد عبد السلام** · #27 27/09/2009, 13h56

اللى لحن ونفذ إعلان ريرى عبد الرحمن المصرى وليس سيد مكاوى و هو اللى لحن إعلان المحظوظ
وبالمناسبة انا ابن عبد الرحمن المصرى و حضرت تسجيل اعلان ريرى فى استوديو 46 بالتليفزيون
و ارجو من الاخوة القاثمين على الموقع اضافة هذا الرد عشان مجهود الناس الى رحلوا و سابونا مايرحش هدر
يا جماعة عبد الرحمن المصرى اول من فكر فى عمل اعلان غناءى فى الشرق الاوسط و كان اسمو رابسو و بيقول
هدومى وسخة من يومين اودى وشى م الناس فين
كان نفسى يكون عندى الحاجات دى عشان ارفعها عالنت انا اسف ومن اعمالة محمد سعد شعار معروف- يابهية قولى لبوكى- شهادات الاستثمار(3بطات)-خمس حروف يتاقلو بمال(سيجال) عبد الهادى الحلوانى- صيدناوى شملا الطرابيشى-الليمنتا - كيلوباترا وغيرهم كتير

محمود عبد الرحمن المصرى

شكراً علي التوضيح
أستاذ محمود

**كريم الدين احمد** · #28 25/10/2009, 06h18

اسمحو لى بهذه المشاركة البسيطة فى هذا الموضوع الرائع
اعلان سجائر اسمها نفريتتى انتاج شركة النصر للدخان و السجائر
تاريخ الاعلان : 1970

**كريم الدين احمد** · #29 25/10/2009, 06h22

و ده اعلان تانى البلهارسيا طبعا كلكو فاكرينه لمحمد رضا بتاع عبد السلام
وهى كلمة طول ما ندى ظهرنا للترعه .

**د.حسن** · #30 21/06/2010, 02h57

فاكرين إعلان حسنين ومحمدين ؟
تؤديه الفنانة فاطمة عيد
فى حفل عام
مع تحياتى