الاغنية دى هروها فى الكباريهات والنوادى الليلية .. يعنى كان كل فترة يطلع مطربيقدم اغنية وفجأة تلاقى كل اللى بيغنوا وكل الرقاصات يعملوها .. يعنى انت لو زبون سهران ف المكان تلاقى يطلع مطرب يغنيها ووراه رقاصة ترقص عليها ووراه مطرب يعنيها بعدين رقاصة ترقص عليها وهكذا تسمعها 15 مرة فى الليلة وانا ماكنتش اعرف مين صاحبها الاصلى مع اطيب تحياتى
احبائى ح يعرف الموسيقى دى اسمها ايه وبتاعة مين دى كانت ف فيلم ام العروسة اصل كلنا بنعزفها وحافظينها لكن مش عارفين بتاعة مين بالتحديد ارفقت ملف صوتى اذا كان الرابط لايعمل
شكرا جزيلا لجهودك الجبارة أستاذ عادل
أعود واسمح لي أن أذكرك بلحن يا عاشقين لهاني شاكر (إن أعجبك) من تلحين الموسيقار بليغ حمدي وهذا رابط الأغنية: https://www.youtube.com/watch?v=PY4YP1_yIO8
ويكفيني أني فقط لفتت انتباه الأعضاء لهذا اللحن الجميل
تحياتي لك وجميع المشاركين
عشان نعرف قيمة وقامة الاستاذ عادل صمويل..وإن احنا معانا كنز والله...وقد إيه ربنا بيحبنا ان فى وسطنا ومعانا أستاذنا الكريم المعطاء عادل بك..
امبارح جه على بالي...ولقيت نفسي بدندن صولو الكمنحة اللى فى قصيدة"حديث الروح"اللى غنتها ام كلثوم وتلحين السنباطى.....وقولت اجيبها كده عالعود.. وفتحت ألبوم عندى فيه النوتة..صورة رقم واحد...وصعقت ياسيدى ..ايه ياعم الكلاكيع دى...فيه حاجة اسمها سيكا الدوكاه ب ٤ ربع دييز...يانهار مش فايت...اللى هو ازاى يعنى..؟؟..مش كده وبس...لأ وراح عامل تحويل وخللى السي ربع بيمول....ليه كده...
وفوجئت ان الجميل استاذنا عادل صمويل صورة رقم اتنين... سبق ودونها قائلا انها أصعب لحن دونه...ولقيته مبسطها خالص بخبرته ومعرفته بالسنباطي ..وهي دى مدرسة عادل صمويل....
انما الكلاكيع والعقد بتاعة النوتة التانية ..تصيب المبتدئين بالفعل بالاحباط..مش كفاية لحن السنباطى اصلا فى منتهي الصعوبة...
السؤال لاستاذنا..هل فعلا الفرقة عزفت كده... اربعة ربع دييز
..؟؟؟ ودى تتعزف ازاي دى...احط صوابعي فين واعفق ازاي...؟؟؟
وليه السنباطى بيعمل كده.؟؟..لإن الالحان الصعبة دى ظهرت بعد دخول بليغ وعبد الوهاب فى مشوار ام كلثوم...طب ماده بيرهق العازفين....بعكس الحان بليغ وعبد الوهاب السلسة..
المهم....
قارن ياصديقي بين النوتتين...وانت تعرف قيمة استاذنا..
...