اقتباس:
المشاركة الأصلية كتبت بواسطة محمد محمدالعقاد
إهداء: الى الأستاذ الشاعر* طارق العمرى*
مع خالص مودتي وحبى وتقديري
أنا راضى
ويغلبني الحنين لعينيك
أفكر فيك
وشوقي إليك
يرجعني لزمن ماضي
وأكون راضي
لو حتى ف منامي ألاقيك
واحن إليك
وأدوب والشوق يلوعنى
تسعني عينيك
براح الدنيا ما يسعني
صحيح عايش ف وجداني
وانا من وقت للتاني
بيغلبني الحنين لعينيك
لكن راضي بحرماني
لاهو بإيدى ولا بإيديك
شعر : محمد العقاد
|
ولا أملك غير إنى أقول ... برافو عليك
يطول بعدك ... يا طول صبرى
و من حبك ... أعِد الثانية من عمرى
و شوقى لما يغلبنى ... عليك أجرى
و ألاقى سلوتى فى قربك ... و سحر عنيك
يا قسوة قلبك الناسى ...
بيسقينى مرار كاسى ...
و لا باخطر على بالك
بكلمة ف لوعتى تواسى
و هُنت عليك
و بعد دا كله مش باملك
غير إنى أ قول ... برافو عليك
يا سيدى الكبير الكريم
أسكرتنى كلماتك و يرج كيانى صدق مشاعرك
أحبك فى الله ... و ربنا يلهمك من عنده الصبر و السكينة و الرضا
ودى و إحترامى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس