موسيقى برامج التليفزيون العربى المصرى

[نادر خواجة]

أنا دورت لك عليها كثير يااستاذ سيد لكن للأسف مش لاقيها
وانا بافضل أدور ومابزهقش لان المقطوعات دى نادرة وكنوز
وانشاء الله فى أقرب وقت هلاقيها بس ادعى معايا انت بالنجاح لثورتنا اللى اتسرقت

[إسلام عثمان]

المشاركة الأصلية كتبت بواسطة gharamoh

لو تكرمتوا

انا في اغنيه في بالي من مسلسل مصري قديم ونفسي الاقيها او اعرف اسمها

المسلسل كان في التسعينات وباين كان بيتكلم عن الارهاب

والاغنيه دي كانت في وسط المسلسل

انا حافظ شبه مقطع منها بيقول

الله اكبر م اللي شايل سيف --- ومن قلوبنا لو تدور بينا
لو حتى نصله فوق رقابينا

الأغنية اللى حضرتك ذكرتها
دى أغنية تتر البداية لمسلسل الوهم والسلاح
المسلسل أذكر ان كان بطولته ليوسف شعبان وجيهان نصر وروجينا
والكوميديان الراحل نجاح الموجى - وكان دوره بالتحديد الأمير أبو طلال أمير الجماعة
والأغنية كانت من تأليف سيد حجاب
وألحان الموسيقار الرائع ياسر عبد الرحمن
وغناء المطرب الراحل إبراهيم الحجار
ومطلعها كان بيقول
الله أكبر من دعاة الزيف .. ومن عقولنا لو تدور بينا
الله أكبر م اللى ماسك سيف .. لو حتى نصره فوق رقابينا

[gharamoh]

مشكور جدا لمجهودك ولذوقك انك اهتميت ورديت
لاني بحثت عن اسم المسلسل كثير جدااااا

شاكر جدا لمجهودك
ياريت لو حد يقدر يجيب التتر نفسه

[sayedwahab777]

المشاركة الأصلية كتبت بواسطة نادر خواجة

أنا دورت لك عليها كثير يااستاذ سيد لكن للأسف مش لاقيها
وانا بافضل أدور ومابزهقش لان المقطوعات دى نادرة وكنوز
وانشاء الله فى أقرب وقت هلاقيها بس ادعى معايا انت بالنجاح لثورتنا اللى اتسرقت

الف تحية وتقدير منى لحضرتك على روعة ذوقك معنا فى سرعة الرد وأظن ان حضرتك ان الرائعة دى طبعا فى ذاكرة حضرتك فأكيد حضرتك سمعتها وعارف روعتها وان شاء الله يا فندم هتلاقيها
ويارب يا استاذ نادر هتعود ضحكة مصر من تانى باذن الله تعالى
كل الاحترام والتقدير لحضرتك من صديق اذاعة الاغانى سيدمحمدعبدالوهاب

[نادر خواجة]

المشاركة الأصلية كتبت بواسطة limo81

السلام عليكم يا جماعة , كان في مسلسل اتذاع في سنة 1993 اسمه دموع صاحبة الجلالة , كان بطولة فاروق الفيشاوي و ميرفت أمين , قلبت الدنيا علي موسيقي المقدمة و النهاية بتاعته و مش لاقيها و للأسف الشديد كل اللي حملوا موسيقي المسلسل علي النت متلخبطين و محملين موسيقي مسلسل لا علي إنه دموع صاحبة الجلالة . أتمني من الرجالة اللي في المنتدي الهايل دة انهم يلاقولي المقدمة و النهاية لدموع صاحبة الجلالة . شكرا مقدما

أتفضل
ده تتر النهاية للمسلسل . وبصراحة هو اللى لاقيته ويمكن يكون ذى انت مابتقول مش هو لانى مش فاكره

على العموم اتفضل اسمعه

[hamdy gad]

السلام عليكم ورحمة الله وبركاته ،،،،،
بصراحه لازم أبدي إعجابي وتقديري واحترامي وشكري الجزيل لكم علي هذا المجهود المحترم الراقي الذي يذكرنا بالأعمال الجميلة التي نفتفد إليها حاليا لكم كل الشكر والتقدير وإلى مزيد من البداع ،،،،،

[mohamed esmaeil]

موسيقى برنامج نشرة اخبار الاطفال اللى كان بيتذاع كل يوم جمعة على القناة الاولى
وانا مش عارف المرادى اصل الموسيقى اية يا ريت حد من على الصفحة يساعدنا ويجبلنا الموسيقى كاملة

[mohamed esmaeil]

موسيقى تم استخدمها كشعار للقناة الاولى فى فترة التسعنيات على التلفزيون المصرى
وهى جزء من موسيقى النهاية للفيلم الامريكى الشهير يوم الاستقلال للموسيقى البريطانى
David Arnold

[mandow]

المشاركة الأصلية كتبت بواسطة mohamed esmaeil

موسيقى برنامج نشرة اخبار الاطفال اللى كان بيتذاع كل يوم جمعة على القناة الاولى
وانا مش عارف المرادى اصل الموسيقى اية يا ريت حد من على الصفحة يساعدنا ويجبلنا الموسيقى كاملة

المقطوعة دى للموسيقار محمد نوح

[إسلام عثمان]

المشاركة الأصلية كتبت بواسطة limo81

كان في نشرة أخبار أو بمعني أدق برنامج إخباري كان بيجيب كل أحداث الأسبوع , كان بييجي علي القناة الثانية كل يوم جمعة الساعة 2 الظهر , اسمه " أنباء و أراء " . أتمني لو حد عنده موسيقي هذا البرنامج انه يرفعها .

الموسيقى المطلوبة موجودة فى صفحة 6
من رفع العضو Mandow