طلب خاص

[غازي الضبع]

الهيء الميء


http://www.sama3y.net/forum/showpost...68&postcount=6

[غازي الضبع]

دي مش هاتاكل معاك قوي ،، ولو إنها تستحق أوسكار
ومن زمان نِفسي الدنيا كلها تسمعها عشان تشوف عبقرية الجناس التام والتورية في الكلمات


يا جرجــــــــــــــــاوي يا جرجاوي يا متولي يا جرجــــــــاوي
زي التايه ادوّر على متوى لي .. و شعوري للعين متولّي .. و اديني هتكلم على متولّي
كلام يشبه سلاح ماضي م المؤلف عالورق ماضي و دي حادثة في العهد الماضي
متولي يقول مابيديش و الواحدة عليا متعديش جاه الطلب و خدوه الجيش
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
متولي عجب عسكري و آخر النهار خدوه عالبلوك .. و ياما عالبلوك قبله اتوا عالم شوف الفرجي لما يآتي ع اللم و خد 6 اشهر يتعلم
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
يابو زين عندك فيه ضرب نار و شبابيكك في الدار بالنار اخد شريطة ضرب النار
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
الناس على رجوليته شارطين و كان في بلده شاري طين و اترقى و أخد شارتين
أصل الراجل الخالي مبيتشويش و في طوارق بتشوِش غايته بلغ بات شاويش
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
متولي بلغ بات شاويش وجاته أورطة -فرقة- من منقباد ..تبع اسيوط
و في الأورطة عسكري ماشي بكيفُه و بالمال أهله بيكفوه و متولي ضربه بكفُه
قال له ازاي بتضربني يا جبان روح ادفن نفسك جوة جبانة آدي صورة اختك جوة جيبي انا
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
متولي لما شاف الصورة بقا ذليل و نفسه مكسورة و قام سريع راح للقومندان
يقول انا مش باخد العشر و الجازة انا ان عملت غلط اتجازى امانة يا بيه اديني اجازة
الدنيا دي غرورة لما توّلي لو كان على قطب و 100 ولي قال له مالك بيا يا متولّي
قال له يا بيه ابويا في خطر
متولي كان وجيه و الصورة حلوة اللي على به و استراح له باسبوع مضى له و صرح له
طلع تايه يقول جرحي يساع ايدي و مليان افكار الساعة دي ركب في القطر الصعيدي متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
ركب في القطر الصعيدي و الساعة 4 وصل بلده
له عائلة كريمة يقدموا عيل بيتهم مرابطين لهم علّ بيتهم روح و خبط على بيتهم
و يقول انا جسمي استوى و اتبرى كمان تهموني و غيري اتبرى ابوه قال عالباب مين أتى برة
قال له افتح يابا دانا متولّي
فتح له الباب يقول له سلامات عضامي على بعض سلمت ليه سايبني و تنسى اللمات
يا متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
قال له يابا مش عاوز سلامات عايز اعرف فين اختي شفيقة
قال له بعدك من تاني ليلة يابني اختك صبحت عليلة و ماتت و الدوام لله
يا متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
قال له شفيقة اختك ماتت
قال يابا بنتك لو انت ربيتها ماتطرفتش و تاخد الطور بيتها طيب قوم وريني تربتها
قال يابني اختك من يومك مشت و سابتني ولا اختشت و ابوك عجّز و عقله شت
يا متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
طلع متولي من البيت زعلان
طلع تايه من المنزل و يقول العقل مني زل قطع ورقة لاسيوط و نزل
متولي
يا جرجــــــــــــــــاوي يا جرجاوي يا متولي ياجرجــــــــاوي
================================================
في اسيوط قابلوه 3 اصحابه قالو له رايح فين يا متولي
قال اسئلوا لما يروق بالي افديكم هاسيبكوا و الدمع يبل اديكم و ازور سيدي جلال في بلاديكم
زوروه سيدي جلال و نزل عالحتة بيهم يقول ده عم و ده خال
يقول ده عمي و ده خال يقول ده عم و ده خال ده جاني الأُنَاسى و اتدخل على قهوة العطيني و دخل
متولّي
يا جرجــــــــــــــــاوي يا جرجاوي يا متولي يا جرجــــــــاوي
================================================
و قال يا معلم هات كراسي
و طلب طلبات لاصحابه و هو مرضاش يشرب
جاه الجرسون يقول له وحش في جبلك وياك الكلام يجيب اللك انت تشرب ايه اجيب لك
قال له هات لي شاي الغلب مر سمعه المعلم و راح له
المعلم راح لمتولي
قال له يا اخينا داير بكا مالك ما كنت قاعد بكمالك اياك خدوا من البك مالك
قال له يا ريت راح مالي قال له يا ريت راح مالي انا الموت بقا ستر و رحمة لي و جمّال عكسني ورا احمالي.. عشان واحدة اسمها شفيقة
قال له انت مؤمن تقي رب ليك لو في الجواب ده تقرا قبليك
اهو ده كلام صاحب المطرح
قال له مؤمن تقي رب لك لو في الجواب ده تقرا قبلك انت زبونها ولا تقرب لك
قال له انا راجل ريس كلّي متين و الحب بهدل كل متين عايز اقابلها في كلمتين
و في العذاب قلبي باربيه
و في العذاب قلبي باربيه علشان يآمن بربي خده من ايده و طلع برة بيه قال له شفيقة عالبلكونة دي
شاف اخته و العقل منه زل شاف اخته و العقل منه زل حياه طال عليه و العلم انزل و بعت صحابه طلعوا المنزل
متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
بعت صحابه طلعوا المنزل شفيقة تفتكرهم زباين تجعل اصحاب اخوها زباين
و قابلتهم على السلمات و قالت يا زباين سلامات عايزة تعمل للمسا لمّات
و احد من صحاب اخوها سأله و قال لها
قال انت جميل و شغلت البال لدّي لو تطلب ورا جبال اديك بس قولي لنا منين بلدك
قالت انا مسكينة و دمعي يبل ايدي و سنتين و ساكنة الفيللا دي و في الاصل جرجا
بلدي صاحب اخوها عرفها و طار بقا يبكي و يقول يا ستار و جاب على الوسكي قوطار
البت كان غايب وليفها
البت كان غايب وليفها دي ناس دايرة الدنيا ولفاها شربوها الكاس و لافاها
شربت و طلبت مزّة جابولها مزّة
كان في الشارع بياع تين و يدور و يمشي و يلف تاني يدور صبوا لها و قال هات تاني دور
و الكاس التالت صب لها مارضيتش تشرب سبّ لها ترفع العيون و تسبّلها
صحابه سكروها و نزلوله
قالوا له قوم اقف على قَدَمَك الحظ اتعدل جِدْ دَمَك و السكة فضيت قدامك
يا متولي
ياجرجــــــــــــــــاوي يا جرجاوي يا متولي يا جرجــــــــاوي
================================================
بسرعة متولي طلع فوق و يقول ولا حد معايا اما تفوق و شوفوا السكرانة لما تفوق
و شافته وفاقت من الخمرة
قالت له خدني و اتوب على ايدك
قال لها يا شفيقة بعد ايه تتوبي و تتمحكي و تقولي مكتوبي دي رقعة ماتطلعش من توبي
متولي ده راجل تقيل و ساكن متولي ده راجل تقيل و ساكن وراه بيبان البيت ساكّين - يعني قافلين عليه الباب - أتى بيه الغضب و في ايده السكين
و قال دي لو كان عليلة مين يزورها قال دي لو كان عليلة مين يزورها و جا سريع تالف منظرها و عزل الجتة من زورها
ياخي متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
و طلع البلكونة بسكينته يقول جرحي في قلبي و سكنته يا ناس وسعولي سكة انتوا
لاقى الحكومة تحت البيت يقولوا له انزل و تعالى
قال انتوا حكومة البر طاب ليكم و انا منصد و ما اطب ليكم الله الا جاني طبليكم
على ما بلغنا في الحادث
هاودوه و جابوا له الطبل و نزل بعد ما تلف المنزل و شال العار و كلام و العزال
متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
بسرعة حددوا له جلسته نده له القاضي وقف قدامه قال له بتموت شفيقة ليه يا متولي
قال له يا بيه انا دمي فار زي العَمَّال و مع الأسود عمل الفار عمل
قال له يا بيه انا دمي فار زي العمَّال و مع الاسود عمل الفار عمل و حدانا شجرة و فيها فرع مال
مفيش غيري لا عم ولا خال ليه اشرب المرار ده و الخل ليه اقطعه يا بيه ولا اخليه؟
كان القاضي اسمه حسن راجل عنده فضل و احسان قال له صراحة قطعه احسن
يا متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
قال له صراحة قطعه أحسن
أصل انت شريف و عملك شي يعليك أبدا مفيش شيّ عليك غير ست أشهر اشاعة ليك
يا متولي
يا جرجــــــــــــــــاوي يا جرجاوي يا متولي يا جرجــــــــاوي
================================================
و خدهم سجن و رد للجيش بعد ماكان دمعه يبل ايده قالوا ده اللي شاغل البال ادوه صراحة شرف بلده
متولي
يا جرجــــــــــــــــاوي يا جرجاوي يا متولي يا جرجــــــــاوي




‫ظ…ظˆط§ظ„ ط´ظپظٹظ‚ط© ظˆظ…طھظˆظ„ظٹ ظ„ظ„ط±ظٹط³ ط*ظپظ†ظٹ ط*ط³ظ† | ظƒط§ظ…ظ„ط©‬‎ - YouTube

[guest]

المشاركة الأصلية كتبت بواسطة الألآتى

إيهاب

ماشى .. كله كويس

لكن بلاش حكاية الدبانة دى

وأعتقد أيضاً العتبة جزاز .. دى أغنية فولكلور مش غريبة الكلمات

أوكيه

ليه لأ الدبانة ؟! دي حتي ملعونة

ماشي يا باشا
اللي ما يعجبكش نرميه و نجيب غيره ..

كدة انا فهمت غرضك .. اغاني ب كلمات غريبة , مش فولكلور , و مش اغاني سفيهة .. مونولوجات ؟

دي مثلا ؟

‫ط§ط³ظ…ط§ط¹ظٹظ„ ظٹط³ - ط¹ط´ط±ظٹظ† ظ…ظ„ظٹظˆظ† ظˆط²ظٹط§ط¯ط©‬‎ - YouTube

سؤال بعد اذنك .. حضرتك عاوز بس الاغاني لينك من اليوتيوب ؟ و لا حد يرفعها ام بي 3 هنا ؟

تحياتي

[الألآتى]

غازى .. أبو فارس .. أيوه كده الهمة .. فين شغل زمان .. لما نجرى ونلحق بعضينا بالنجدة والغوث

كله كويس .. طبعاً ماعدا شغل الجرجاوى .. لأن ده مش مكانه .. برغم جماله

[الألآتى]

المشاركة الأصلية كتبت بواسطة ehabalaaeldin

ماشي يا باشا
اللي ما يعجبكش نرميه و نجيب غيره ..

لأ .. مش مسألة مايعجبنيش .. الشغل ده مش ليا .. ده لإبن أخويا .. وهو بيقبل إللى عارف إنه ينفع

المشاركة الأصلية كتبت بواسطة ehabalaaeldin

كدة انا فهمت غرضك .. اغاني ب كلمات غريبة , مش فولكلور , و مش اغاني سفيهة .. مونولوجات ؟

دي مثلا ؟

دى أغنية وطنية ياإيهاب .. صباح الفل ..

المشاركة الأصلية كتبت بواسطة ehabalaaeldin

سؤال بعد اذنك .. حضرتك عاوز بس الاغاني لينك من اليوتيوب ؟ و لا حد يرفعها ام بي 3 هنا ؟

تحياتي

ممكن أسامى الأغانى بس .. وإحنا نجيبها بمعرفتنا ..

لو فيه روابط أو يوتيوب .. مافيش مانع .. لكن إحنا مش عايزين نتعبكم

[Hisham Khala]

ها ابعتك لك أغنية أوريجينال
اسمها "شرق شرق" بس لازم اعمل لها فيديو كليب
و كلمة "شرق" جايه من "الشرقة" و هي انحشار الماء او الاكل في الزور.

[الألآتى]

المشاركة الأصلية كتبت بواسطة Hisham Khala

ها ابعتك لك أغنية أوريجينال
اسمها "شرق شرق" بس لازم اعمل لها فيديو كليب
و كلمة "شرق" جايه من "الشرقة" و هي انحشار الماء او الاكل في الزور.

وأنا فى الإنتظار يادكتور

والله ورجعنا لزمان يارجالة

[guest]

ماشي

انا كان قصدي ندور و انتم تختاروا اللي يناسب موضوعكم او الفكرة اللي عاوزين تعملوها و اللي مش مناسب .. سك عليه

و لكن اقدر اقولك .. اغرب من اغنية نجاح الموجي مش هتلاقي و عن ثقة .. اي حاجة بعدها هاتكون اقل مش اكتر
بالتوفيق في اللي عاوزين تعلموه , و لو افتكرت حاجة هاسيب لينك من اليوتيوب

صباح الياسمين

[الألآتى]

المشاركة الأصلية كتبت بواسطة ehabalaaeldin

ماشي

انا كان قصدي ندور و انتم تختاروا اللي يناسب موضوعكم او الفكرة اللي عاوزين تعملوها و اللي مش مناسب .. سك عليه

و لكن اقدر اقولك .. اغرب من اغنية نجاح الموجي مش هتلاقي و عن ثقة .. اي حاجة بعدها هاتكون اقل مش اكتر
بالتوفيق في اللي عاوزين تعلموه , و لو افتكرت حاجة هاسيب لينك من اليوتيوب

صباح الياسمين

صباح الفل .. مرسيه فى الأول وفى الأخر .. وربنا يديم المعروف

[guest]

المشاركة الأصلية كتبت بواسطة الألآتى

صباح الفل .. مرسيه فى الأول وفى الأخر .. وربنا يديم المعروف

دو ريان
( De Rien )
او
( Du Rien ) حسب اراء بعض اللغويين .. الاتنين شغال