سماعي ولاّ مش سماعي

**ملحن مصري** · #1 28/08/2009, 17h56

السلام عليكم
من حوالي سنه تقريبا وأنا مشترك في المنتدي الجميل فعلا واللي باحس لما بادخل المنتدي وكأني داخل بيتي بس طبعا علي النت .
نفسي حد يجاوبني ليه كل الأعضاء أو معظمهم بيتجاهلوا الإعتمار علي السمع وكأن الموسيقي حروف بنعزفها مش نغم ويتحس وإيه يمنع أي عضو من إنه يتدرب علي السمع والعزف السماعي وأتمني ألاقي الرد وكمان لو أي عضو محتاج لنصيحه أنا مش متأخر بس ياريت أحس إنه في سعي للعزف السماعي
يعني عمري ماقريت لعضو مثلا بيسأل علي إستفسار عن العزف السماعي
ده حتي إسم المنتدي سماعي ولا مش سماعي
واللي مايعرفش يعرف

**الألآتى** · #2 28/08/2009, 18h29

أخى العزيز ملحن مصرى ..

إسم المنتدى سماعى .. يعنى محاولة نشر الأصيل من الموسيقى والغناء .. وحث الأجيال الجديدة على سماع الجميل والنادر من الأغانى ..

وليس المقصود من الإسم .. العزف سماعى ..

أى أن الأصل من وجود منتدى سماعى .. هو الحفاظ على الأصيل من الغناء ..

أما الدروس والمحاضرات فهى جزء مضاف لأقسام سماعى .. وليست هى الأصل ..

أما عن تساؤلك عن العزف سماعى .. فهذه هى مشكلة الأجيال الجديدة من الدارسين .. فهم يتعلمون النوتة قبل أن يتعلموا السماع .. لدرجة أنهم لا يستطيعون عزف أى عمل .. إلا إذا وضعت أمامهم نوتة ..

ومن رأيى .. أن كلا الضلعان لا يتجزءان .. النوتة والسماعى .. فلابد أن يلم الدارس بالضلعان معاً ..

فالعازف سماعى دون دراية بالنوتة .. ينقصه الكثير .. والعازف عن طريق النوتة دون السماع ينقصه أيضاً الكثير .

**ملحن مصري** · #3 28/08/2009, 22h08

السلام عليكم
علي فكره أنا لم أتعرض بالتحليل والتفسير لكلمة سماعي بالشكل اللي حضرتك شرحته لكن ده كان مجرد ربط بين اللي أقصده وبين إسم المنتدي بعيد كل البعد عن إني أفسر أو أوضح معني أو أساس تسمية المنتدي
وأنا شايف إنه حتي لو كان هدف المنتدي سماع التراث والأعمال التي لها قيمه ونقلها والحفاظ عليها لتنتقل إلي الأجيال التاليه بدون تحريف فأعتقد مفيش مانع لديكم لو تمت إضافة معني أو هدف آخر وهو الإعتماد علي السمع في العزف أيضا وأعتقد مش هايقلل أو يغير من هدف المنتدي بالعكس ده ممكن يبقي المنتدي بيحمل معاني كثيره
بالظبط زي بيت الشعر اللي بيتكتب ممكن يبقي مقصود بيه شئ معين ويبقي له برضه معني تاني وكل واحد بيقراه علي رؤيته وفهمه له
ومدام الهدف واحد أعتقد مفيش مشكله لما نضيف معني آخر لأهداف المنتدي
وكمان عشان للأسف معظم أعضاء المنتدي بيتعاملو علي إن الأساس في الموسيقي وتعلمها النوته وده كان مجرد توجيه الأنظار للإعتماد علي العزف السماعي والتقليل من الإعتماد علي النوته

**الألآتى** · #4 28/08/2009, 23h20

ومن قال لك أنى لا أشجع العزف السماعى ..

الموسيقى سماع أولاً قبل أن يتم كتابتها .. والنوتة وسيلة حفظ للحن ..

كما أنها تفيد فى العزف الجماعى .. وهى وسيلة توصيل اللحن للموسيقيين

الخلاصة .. العزف السماعى والنوتة ضلعان لا ينفصلان ..