شئ من الحب

[عفاف سليمان]

المشاركة الأصلية كتبت بواسطة Tarek Elemary

مانكرشى

صحيح باهواكى مانكرشى

و أبيع العمر علشانك

لكن نفسى مابتهونشى

و أعيش أستنى إحسانك

أسامحك آه

لكن قلبى ما يقدرشى

يكون مش مَلْوْ أحضانك

و مهما هواكى كان برضه

ما باقبلشى ....

.... يكون حبى

خبر فى طى كتمانك

***

أنا قلبى يعيش مكسور

يعيش مجروح لكن فى النور

و لا يقبل يكون فى نعيم

لكن مسجون و حواليه سور

دا قوت الحب حرية و عفوية

و لا ينفع يكون فى الحب عبودية

و حتى الطير ما يبقاش طير

و لو بيته قفص بنور

بيهرب منه مهما يكون

و يبنى من الحطب عشه

فى حضن النور

***

و لو مرة الفؤاد ميل

و ليل شعرك عليه ليل

ما عمره يوم هايتخيل

يكون حبك و حبى زور

و أنا الترياق لحرمانك

شاعرنا الثائر العاطفى الوطنى
صاحب الاحساس المتدفق الرائع
كعادتى معك لا اعرف اى الابيات اختار
كل قصيده او خاطره كل بيت لك
من اجمل الى اجمل
احساس جميل وعواطف رائعه
سلمت يداك واحساسك المرهف
بجمال الكلمات
ويارب دائما نرى مزيدا من الابداعات
العاطفيه والوطنيه والثائره
وجميع ما تكتب
لك اجمل تحيه واسعد الاوقات لك وللجميع
تحياتى
اختكم عفاف

[/QUOTE]

[Tarek Elemary]

المشاركة الأصلية كتبت بواسطة مصطفى زقزوق

ياأستاذ طارق

وحلق بنا على كل مدائن الجمال كعادتك

وما أحلى لغتك الشاعرة وبوحك الرقيق

سوف نتغنى بشعرك ليؤانسنا في كل الدروب

وفقك الله دائما وحفظك بعين عنايته ورعايته

سيدى الكريم الرائع ((الإنسان))
أخشى أن تكون من فرط كرمك تغدق علىَّ ما لست له أهلا
و أدعو الله أن أكون دوماً عند حسن ظنك سيدى
بكم نستظل و نسترشد و نهتدى فلا حرمنا الله منكم

[Tarek Elemary]

المشاركة الأصلية كتبت بواسطة عفاف سليمان

شاعرنا الثائر العاطفى الوطنى
صاحب الاحساس المتدفق الرائع
كعادتى معك لا اعرف اى الابيات اختار
كل قصيده او خاطره كل بيت لك
من اجمل الى اجمل
احساس جميل وعواطف رائعه
سلمت يداك واحساسك المرهف
بجمال الكلمات
ويارب دائما نرى مزيدا من الابداعات
العاطفيه والوطنيه والثائره
وجميع ما تكتب
لك اجمل تحيه واسعد الاوقات لك وللجميع
تحياتى
اختكم عفاف

العزيزة الأخت عفاف
أشكر لك مرورك البهى المعطر
كلامك الرقيق الجميل ليس له رد عندى سوى أن أحنى رأسى
خجلا و عرفانا لرقته و ضآلة أى رد أحاول تقدير مرورك
تقبلى تحيتى و عرفانى

[سعدالشرقاوى]

استاذى/طارق بك العمرى
قبلك حروفى كات حروف
من غير حياة ملغومة خوف
على ضفتين حبك بكيت
على عمر فات من غير ما أشوف
تايه حزين ... من غيرحنين
بين الدروب عمال أطوف
و معاكى إنتى و فقط
قلبى عرف معنى النقط
فوق الحروف

والله ماقدر اقول اى حاجه
بعد الكلام اللى مافيش منه فى الدنيا ده
غير انك مانتا جايبها البر

[Tarek Elemary]

المشاركة الأصلية كتبت بواسطة سعدالشرقاوى

استاذى/طارق بك العمرى

قبلك حروفى كات حروف
من غير حياة ملغومة خوف
على ضفتين حبك بكيت
على عمر فات من غير ما أشوف
تايه حزين ... من غيرحنين
بين الدروب عمال أطوف
و معاكى إنتى و فقط
قلبى عرف معنى النقط
فوق الحروف

والله ماقدر اقول اى حاجه
بعد الكلام اللى مافيش منه فى الدنيا ده

غير انك مانتا جايبها البر

الله يكرم أصلك يا راجل يا طيب
أحبك الذى أحببتنى فيه
لأننى أحبك فى الله
و لخلقك الرفيع
و كمك الوسيع
تحياتى

[Tarek Elemary]

بحبك ...

و الهوى مش كلمة مسموعة

و لا آهة لوع بالفرقة موجوعة

و لا أوهام بتتراقص على الأنغام

و أنا عينى بتتغزل تقول يا سلام

أنا حبى لقلبك إحتياج دايم

و مش هايم لكن بالعقل

فى بحرك أنا عايم

و مركب صبر بشراع نور

بيحضن ريح بتتهادى كما نسايم

و لو زاد الضباب و الجو

أصبح فى العيون غايم

فإنت بداية المشوار و أنا صاحى

و إنت الحلم و أنا نايم

[Tarek Elemary]

بعد ما قلبى نسى دقاته

و مع الذكرى عايش أوقاته

جاى من تانى تصحى جروحه

جاى من تانى تصحى آهاته

كات أيام من عمرنا عدت

و الدقات فاتت ما اتعدت

داب القلب و رضى بنصيبه

أرجوك سيبنى ف حالى و سيبه

أيه هاينوبك من دقاته

أيه هاينوبك من تعذيبه

أحلى سنين من عمرنا عدوا

أحلى دقايق عمرنا فاتوا

و إنت بسحرك صوتك عطفك

ولا بلحن حزين و ناياته

جاى تصحى القلب النايم

بعد ما قضَّى سنين فى سُباته

أنا ولا يوم هاتحمل تانى

نار الشوق و سهر و أمانى

ولا مواعيد بتقيد بشموعها

تحرق قلبى لو تنسانى

[Tarek Elemary]

أيه الحكاية بقى ولا الحكاية أيه
فى ودانى صوت شقشقة
ناعم يا عينى عليه
كروان ده غَنَّى و شَدَى
و كمان غَمَز بعنيه
ولا الخيال فى الحال
خدنى لبحر التيه
أيه الحكاية بقى
ولا الحكاية أيه
***
و أنا من شوقى باستنى
حلاوة صوتك المسحور
كلام فى الودن له رنة
بيتغنى وطاقة نور
عيون بتبص ببشاشة
على الشاشة تدارى السر و المستور
و فيها غموض و فيها دلال
و مهما الأسئلة إتجاوبت
بيبقى سؤال
يشَوَّقْنا لبكره الجاى من تانى
بوصلة جديدة فى الموال
كأنها شهرزاد تانية
ما بتسيبنيش و لا ثانية
و ليلى طال
بتحكى حكاية أسطورة
و باصة فى شاشة مسحورة
و لياليها علاده الحال
ساعات تبقى الحياة حلوة
و ساعات بتحس بالقسوة
و رغم البعد فيها وصال
و مش عارف حكايتك إيه
و هى حكاية ولا وهم
و لا ده قلب صابه السهم
صورتك ساكنة جوه عنيه

[حمدى شبانة]

شوف ياعم طارق :
سيدنا على ابن أبى طالب له جملة هى أروع مايعبر عن رأيى فيقول :
( الكلمة اذا خرجت من القلب نزلت على القلب )

ياعلتى وانت الدوا
يابحر عطشان ماارتوى
****************
انها كلمات خرجت من قلبك فنزلت على قلبى 000
ولك منى التحية

[Tarek Elemary]

إحفظ لسانك يصونك

ياما الغرور بيضِّلْ

و لا يوم هاتحميك حصونك

حتى الحديد بيفِّل

===

و الدنيا على ده وِدا

يا تعِزْ يوم يا تزِّلْ

وإصحى لِكَيْد العِدا

حاسِب لا قَدَمَك تِزِّل