مقلوبة ، قصيدة لسيد أبو زهده

**abuzahda** · #1 04/01/2009, 01h10

أحوال الأمّة

تعدلها ... ، مقلوبة
تعوجها ...، مقلوبة
تعملها "برياني"
تلاقيها " مقلوبة"

الهمَّة ... معطوبة
بسياسة معيوبة
تصرخ: يا أوطاني
تلقاها منهوبة

العامة ... مغلوبة
و النخبة منكوبة
أولها و التاني ...
عايشين في غيبوبة

المكنة ... معطوبة
و الزرعة مجدوبة
إنتاجنا بـ " أغاني "
و بـ " خطبة مكتوبة "

حـُكام ، لهم طوبى
وشعوب لهم " طوبة "
من حـُكم عدواني
عاصي على التوبة

**abuzahda** · #2 04/01/2009, 01h18

* البرياني : أكلة موطنها شبه جزيرة الهند ، لكنها استقرت في الخليج العربي

* المقلوبة : أكلة أردنية ، إستقرت في جميع بلاد الشام

و تتشابه الأكلتان من حيث أنهما "عزفان على وتر الأرز" لكن بنغمات متفاوتة (إقتصادياً)

و ليس "الخوف من الحذف" الذي منعني من شرح طريقة العمل بالمقادير ، وإنما "أصول الكار" . عيب خالص أفتح مطبخ هنا و احنا شامين "ريحة شياط".

يعني اللي ناوي على "ردود" من "صنف" :

(( الله قصيدة لذيذة ))
(( قصيدة تاكل صوابع وراها ))
(( يالها من قصيدة ، ولكن ، أين السلطات؟ ))

يسبقني عالمطبخ

سامع ياعم (أيوة انت) ؟ ، شكراً ... مش عايزين "توابل" !

**سامي عبد العزيز** · #3 04/01/2009, 04h15

ياعم سيد لخصّتَ واصبت
يا عمدة المتفائلين
يعطيك الصحة وطولة العمر
ويجي اليوم وبنفس مفتوحة
تاكل برياني ومقلوبة
لما تكون الارادة مش مسلوبة
وتكون السيادة مش مثقوبة
وتكون حكوماتنا كلها حبّوبة

**Islam Eidrisha** · #4 04/01/2009, 06h13

حـُكام ، لهم طوبى
وشعوب لهم " طوبة "

والله إنه لكلام يخرج من عين الحقيقة
يا شاعر الواقع والحق والفضيلة
وليعلم الجميع
أنه سيأتي يوم لا تنفع فيه التوبة
يوم تنقلب المقلوبة
وستكون لنا طوبى
وسيكون لهم ألف طوبة وطوبة
على رؤسهم المنكوبة

**سيادة الرئيس** · #5 04/01/2009, 09h13

اقتباس:

المشاركة الأصلية كتبت بواسطة abuzahda

تعملها "برياني"
تلاقيها " مقلوبة"

ماهي دي حلاوة الإطلاع على ( بطون ) العالم

يسلم لي ( ألذ ) ( مطبخ ) شعر ( كلت ) منه في حياتي

**ايهاب عامر** · #6 04/01/2009, 10h39

السلام عليكم ورحمه الله وبركاته
عم سيد الغالى
والله يا عمنا فعلا هيه مطبخ
الدنيا عندنا ماشيه كده
ناس بتطبخ ولاتاكلش
وناس بتتعب ولا تاخدش
مقسومين الى حاكم ومحكوم
متفرقين بين ظالم ومظلوم
بس هيه مطبخ
ناس بتستحمى بالعسل
وناس مش لاقيه البصل
بس عارف يا غالى
همه فاهمين غلط
الدنيا شقه وفيها منافعها
استخدموا منافعها غلط
سابو المطبخ لناسه
وحكموا همه من (اعاذكم الله )
علشان كده ريحتهم فاحت اوى
ربنا يكرمك يا عم سيد
وربنا يعدلها من عنده وقادر يعدلها ويقلبلهم حالهم زى ما قلبوا حالنا
تقبل خالص تحياتى

**momodarwish** · #7 04/01/2009, 15h37

مقلوبة !!! فعلا ده هو أحسن تعبير ممكن يوصف حجم المشكلة...والله حضرتك يتجيب التايهه يا أستاذ سيد يا رائع...أصل لو قلنا معوجة ..مش هتنفع..هى فعلا مقلوبة..والغريبة إن المقلوب واللى مخلى الحال مقلوب معاه فاكر الناس هم اللى مقلوبين..يمكن المقلوبين اللى معاه مفهمينه كده!!.ويمكن علشان هو مبيشوفش غيرهم فاكر إنه مش مقلوب ولا حاجة؟؟؟..إياكم تكونوا فاكرين إنى بتكلم عن حد معين ..هم بس اللى فى الصورة دى...أحسن حد يفتكر كده ولا كده..

...ربنا ينصر غزة و المجاهدين بنصره المبين..آمين

**abuzahda** · #8 04/01/2009, 20h48

اقتباس:

المشاركة الأصلية كتبت بواسطة سامي عبد العزيز;[FONT=Arial

264711][/font]

ياعم سيد لخصّتَ واصبت

يا عمدة المتفائلين
يعطيك الصحة وطولة العمر
ويجي اليوم وبنفس مفتوحة
تاكل برياني ومقلوبة
لما تكون الارادة مش مسلوبة
وتكون السيادة مش مثقوبة

وتكون حكوماتنا كلها حبّوبة

العزيز ، سامي عبد العزيز
إنت نسيت وعدك يا عم ؟
يومها "العزومة" هتكون عندك
يوم مفتوح
"نِترَيَّج" تِكَّة و معلاج ونتغدى قوزي و تاجينه و نتعشى دولمه ومسكوف
و بعدين نطلع على مقهى الشابندر في شارع المتنبي (بيقولوا جدّدُوه)
نضربلنا استكانة شاي مع أرجيلة
(طفاسة بئى ! شاكو تسوي يامعوّد؟)

**abuzahda** · #9 04/01/2009, 20h53

اقتباس:

المشاركة الأصلية كتبت بواسطة إســـلام

حـُكام ، لهم طوبى

وشعوب لهم " طوبة "

والله إنه لكلام يخرج من عين الحقيقة
يا شاعر الواقع والحق والفضيلة
وليعلم الجميع
أنه سيأتي يوم لا تنفع فيه التوبة
يوم تنقلب المقلوبة
وستكون لنا طوبى
وسيكون لهم ألف طوبة وطوبة
على رؤسهم المنكوبة

متهيألي يا إسلام
لو ربنا "عدلها" بإذنه ، شعوبنا العربية الكريمة هتعمل معاهم زي ما أسيادنا الأوائل عملوا يوم فتح مكة
(زي كفار قريش يعني)
شُفت الكرم العربي ممكن "يرفعهم" لدرجة إيه؟

**abuzahda** · #10 04/01/2009, 21h10

اقتباس:

المشاركة الأصلية كتبت بواسطة سيادة الرئيس

ماهي دي حلاوة الإطلاع على ( بطون ) العالم

يسلم لي ( ألذ ) ( مطبخ ) شعر ( كلت ) منه في حياتي

رسالة من اللي "كانت" هتبئى حماة سيدي علي علام

" كده برضو ؟ يا أستاذ صلاح؟ ، هو ( ألذ ) ( مطبخ ) شعر ، بس ؟
حضرتك كده بتفشِّل "الجوازة".
حضرتك نسيت إن سيد قربوا يسموه في الإمارات "طباخ الريس" بسبب الطواجن و الصواني و المحاشي اللي كان بياخدها يفسحها لعند حضرتك .
مش هكلم حضرتك عن البيتزا ، علشان موضوع القصيدة مايسمحش بأطعمة غربية ، لكن ممكن نتكلم عن "عش الغراب" اللي حضرتك بتفضله طازة (مش معلبات) و كان سيد يدوخ دوخة البلجيكي علشان يجيبه "أبيض زي القطن" - برضو زي ما حضرتك بتفضله.
رجاء بسيط من حضرتك ، فهِّمْ علي مين السبب في "الدبلة" اللي اترمت من فوق "السي إن تاور" النهاردة ،
قال ( ألذ ) ( مطبخ ) شعر قال