ياريت سابـِك - إنحناءة شِعر لأمي - الصفحة 3

**رائد عبد السلام** · #21 12/03/2009, 03h03

اقتباس:

المشاركة الأصلية كتبت بواسطة abuzahda

أنا فاكر لما قلتلي : اليُتم ليل طويل

العجيب ان احنا ما كناش مصدقين اننا نشعر به في "السن" دي !
كـُنت بشوفِكْ شَجره تـْنـَمّي
وَرد و خـُضره ، زي شبابـِك
و بنفتكر الشجرة هتفضل خضرا على طول ، زي مايكون "الرفض" مُعَلَّب لفكرة غيابها

أتاري الجدار لما بيقع ، بيلهينا الدّوِيْ و الغـُبار ، و بعدها "كله" يروح لحاله
و نفضل احنا من غير جدار نتكي عليه

هو احنا شبه بعض كده ليه ، يا عم كمال ؟
أمي حكتلي إنها اتطوعت في الهلال الأحمر أثناء العدوان الثلاثي في مستشفى دمنهور . أخي الأكبر فاكر أيام دمنهور
أنا نفسي أزور دمنهور يا عمي كمال ، علشان اقولك اللي ما يتحملهوش سلك التليفون

الله يرحمهم
علشان عرفوا يربونا

أنا بحبك بجد يا عمي كمال

و رحمة أمي

أنا طول عمري أسمع عن اليتم ومسكنة اليتيم
بس ما حسيتش بده غير لمّا لقيت رجالة
كبار وليهم سطوة ....وملو هدومهم زيك كده وزي عمي كمال
بيتكلموا عن الأم بالانكسار ده ....الله يكون في عون
كل من فقد أمه ....وانتوا بقي الله يسامحكم
..علي خيط الدموع
اللي خليتوه ينزل علي غيار ريق ده

**abuzahda** · #22 12/03/2009, 03h17

اقتباس:

المشاركة الأصلية كتبت بواسطة رائد عبد السلام

أنا طول عمري أسمع عن اليتم ومسكنة اليتيم

بس ما حسيتش بده غير لمّا لقيت رجالة
كبار وليهم سطوة ....وملو هدومهم زيك كده وزي عمي كمال
بيتكلموا عن الأم بالانكسار ده ....الله يكون في عون
كل من فقد أمه ....وانتوا بقي الله يسامحكم
..علي خيط الدموع

اللي خليتوه ينزل علي غيار ريق ده

يا عمنا صباح الفل ، على غيار الريق
(يمكن فرق التوقيت هوَّ السبب ؟، أنا لسَّة متعشي من شويّة)
معلش يا أستاذ رائد
ربنا يفرح قلبك بحبايبك يا عم
خلاص مارس بيلم العدة اهو ، و القناطر هتملاهالك ورد بيحاول يشْبِهَك
كل سنة و انت طيب باسم ، رغم أنف الشِعر

**رائد عبد السلام** · #23 12/03/2009, 03h28

اقتباس:

المشاركة الأصلية كتبت بواسطة abuzahda

يا عمنا صباح الفل ، على غيار الريق

(يمكن فرق التوقيت هوَّ السبب ؟، أنا لسَّة متعشي من شويّة)
معلش يا أستاذ رائد
ربنا يفرح قلبك بحبايبك يا عم
خلاص مارس بيلم العدة اهو ، و القناطر هتملاهالك ورد بيحاول يشْبِهَك

كل سنة و انت طيب باسم ، رغم أنف الشِعر

ألف هنا وعافية ياحبيب قلبنا
طيب ما دام القناطر عاجباك أوي كده ياخويا
إوعدني بقي بزيارة إنت والحبايب
لما تيجي بالسلامة ...إن شاء الله

**abuzahda** · #24 12/03/2009, 03h30

اقتباس:

المشاركة الأصلية كتبت بواسطة رائد عبد السلام

ألف هنا وعافية ياحبيب قلبنا

طيب ما دام القناطر عاجباك أوي كده ياخويا
إوعدني بقي بزيارة إنت والحبايب

لما تيجي بالسلامة ...إن شاء الله

يكون بمشيئة الله
جمعنا الله على خير

**momodarwish** · #25 13/03/2009, 08h22

اقتباس:

المشاركة الأصلية كتبت بواسطة abuzahda

كل كلام الصدق يا أمّي

لو ينحني و يبوس أعتابِك

إزاي يقدر يا مّا يْسَمِّي

لحظِة دفا من جّنب جنابـِكْ

جاني خريف ، مِستأصد غمّي

خطفِك مِنّي ، و ياريت سابـِك

ليس هناك أصدق من الأمومة ومشاعرها..فالصدق والحنان مُركّب فيها ككيان لها قبل أن تكون صفة..لحظات فى حضن أمى أهم من الدنيا..رحم الله أمهات المسلمين..تحياتى يا باشمهندس سيد على القصيدة التى تغزو الفؤاد بجميل قرب معانيها من الهدف..

**abuzahda** · #26 13/03/2009, 12h53

اقتباس:

المشاركة الأصلية كتبت بواسطة momodarwish

ليس هناك أصدق من الأمومة ومشاعرها..فالصدق والحنان مُركّب فيها ككيان لها قبل أن تكون صفة..لحظات فى حضن أمى أهم من الدنيا..رحم الله أمهات المسلمين..تحياتى يا باشمهندس سيد على القصيدة التى تغزو الفؤاد بجميل قرب معانيها من الهدف..

الشاعر الأديب الفنان
الدكتور محمد درويش
يا ريت تخلـّي زياراتك "كل يومين" ....
بلاش حكاية "كل أسبوع" دي ....
* * *
لما الامتياز هيخدك مننا كده ؟!
أمال "الدراسات" و "الزمالة" هيعملوا فينا إيه ؟!
***
ما توحشناش يا عم انت

**فؤاد** · #27 13/03/2009, 14h49

والله
وبدون حلفان
انا كل مادخل هنا موش قادر أكتب أجي طالع جري
مش قادر ياحبيبي ياسيد أعذرني
وانت عارف ليه ؟!!!1
وأظن المشاهدين عارفين ليه برضك

تسلم علي المشاعر الرقيقه الحنونه
ياحنون

مش عارف كمية الحنيه دي بتجبوها منين

**يحيى زكي** · #28 13/03/2009, 16h16

الأول ، بس ، يا عمي يحيى ....
إشمعنى الجزء ده اللي عجبك من القصيد؟
هو حضرتك كنت شقي زمان ؟ يا عمنا
(تصدق انا سامعك ، بتقول: و دلوقتي كمان )

*
براحتك يا عم ما تجاوبش عالسؤال "المحرج" ده ...
* * *
هُمَّ كانوا بيحبوا كل حاجة فينا حتى الشقاوة
*
و احنا كمان ، ممكن "النسيان" يلتهم كل اللي اتـَكوا على سنيننا و عدًّوا .... ،
إلاَّ "أمنا" ، ما لناش في نسيانها

سبحان الله على الفطرة
---------------------------------------------------------------------------

ياعم سيد يازعيم

ربنا امر بالستر.......ده انت طلعت طبيب ومحلل نفسي كمان......نفسي اشوفك

لك حبي واعزازي

**abuzahda** · #29 13/03/2009, 21h36

اقتباس:

المشاركة الأصلية كتبت بواسطة فؤاد عبد الحميد

والله

وبدون حلفان
انا كل مادخل هنا موش قادر أكتب أجي طالع جري
مش قادر ياحبيبي ياسيد أعذرني
وانت عارف ليه ؟!!!1
وأظن المشاهدين عارفين ليه برضك

تسلم علي المشاعر الرقيقه الحنونه

ياحنون مش عارف كمية الحنيه دي بتجبوها منين

تصدق يا فؤاد ، إنت جاي النهاردة (لأول مرة) من غير فايزة احمد
براحتك ، إختار الصورة اللي تعجبك
بس اشمعنى النهاردة حاطط صورة سامية جمال ؟
مصادفة عجيبة
***
سامية جمال كانت ترقد في الغرفة المجاورة لوالدتي بمستشفى المعادي بجنوب القاهرة
و توفت قبلها ببعض يوم (نفس الأسبوع)
هما لا يتشابهان إلا في هذه المفارقة
****
لكن انت ما قلتليش ، بتطلع تجري ليه ؟
ربنا يبرد قلبك يا عم فؤاد
خلينا نترحم عليهم ، بس
ما اتحرمش من حنيّة قلبك و ظرف أخلاقك

**abuzahda** · #30 13/03/2009, 21h39

اقتباس:

المشاركة الأصلية كتبت بواسطة يحيى زكي

ياعم سيد يازعيم

ربنا امر بالستر.......ده انت طلعت طبيب ومحلل نفسي كمان......نفسي اشوفك

لك حبي واعزازي

الصبُّ تفضحه عيونه ، يا عمو
الحكاية مش عايزة فكاكة
و بعدين - يعني- هو انا اللي ما نفسيش اشوفك ؟
عجايب !!!