الشيخ أمين شعبان - الصفحة 2

**3n&s** · #11 07/07/2010, 14h09

كلمات الشكر والثناء تعجز عن مااحسه تجاه هذا المنتدى من روعه مااسمع وارى به والشيخ امين كان يرافقه فى حفلات الاسكندريه رجل سكندرى كان يرتدى الزى السكندرى الخاص بالصيادين فى ذلك الوقت وهو المرحوم السيد حلال عليه وكان يرقص الرقص السكندرى الخاص باولاد البلد وفى احدى الحفلات بالمعموره بالاسكندريه قدما هو والشيخ امين فقره
امام الرئيس الراحل السادات وكان فى ضيافته الرئيس السودانى الراحل جعفر النميرى واشتهرا هذا الثنائى شهره واسعه
رحمهم الله وشكرا لكم

#12 26/07/2010, 22h23

بجد والله جهد مشكور وياريت ياجماعه مجموعه تانيه من اغانى الشيخ امين زى مثلا فين الحبايب فين و زينه المداين كلها والحلزونه وايام صحيح ايام وياحمام روح وبلغ الحبايب وكمان المواويل الرائعه ياعبد اذكر الاهك ووحد الرحمن والبين عملنى جمل والبنت قالت لامها طلبونى تلاته وغيرها من المواويل الجميله اللى بتفكرنا بزمن اسكندريه الجميل ايام الشيخ امين وبدارة وحسان شرارة واحمد الحبروت ورمضان عيد وابراهيم الارجوز وعزت عوض الله واكرام وحميده موسى و اولاد دياب وكوكا وافى وابراهيم عبد الشفيع وعبد الوهاب سيف وسماح وغيرهم من عظماء الفن السكندرى كل شكرى واحترامى وتقديرى لحضرتكم جميعا

#13 27/07/2010, 17h15

كان احد الاخوة الافاضل يريد معلومات عن الشيخ امين

هو الشيخ امين عبد القادر وليس امين شعبان ولد فى بحرى بالاسكندريه فى مطلع العشرينات واشتهر بين اقرانه بحبه للفن وكان الاسكندرانيه قديما يطلقون كلمه شيخ على المطرب او السييط مثل الشيخ سلامه حجازى والشيخ سيد درويش وغيرهم فاطلقواعليه لقب الشيخ امين وذاع صيته واشتهر منذ بدايه الاربعينات وكان متاثر جدا بمواويل الشيخ سيد السده والشيخ حسن البطش ثم قام بعد ذلك بعمل مواويل واغانى خاصه به ونجح فى اضافه اللون السكندرى المتميز للموال وتعامل مع كبار المؤلفين والملحنين على سبيل المثال وليس الحصر محمد الحماقى ومحمد مرسى وخميس عبد الرازق والتركى محمد واحمد ملوخيه كما كان يلحن ويالف هو ايضا لنفسه ومن اهم اعماله :
1-زينه المداين
2-حجبو الجميل عنى
3-صبرك زين
4-مع السلامه يا لى انتو رايحين للنبى
5-الحلزونه
6-فين الحبايب فين
7-الكوتشينه
8-علشان مانا طيب
9-ياحمام روح وبلغ الحبايب
10- ياحلاوة القصه على الاورة
وغيرها من الاغانى السكندريه الرائعه الى جانب المواويل نذكر منها
1- دخلت كرم العنب
2ياعبد يالى الزمان غرك
3- يابو العيون سود وخدود حمر لامونى
3-البنت قالت لامها طالبونى تلاته
4- ياعبد اذكر الهك ووحد الرحمن
5- يارب انا ايه
6- انا معايا قلم
7- امسيكو بالخير
8- الابيض والاسمر جابونى لجل افرق الواجب
9-الغزاله
10-ياشارب الكاس
وغيرها العديد والعديد من المواويل وكان كثيرا ما يرافقه زميل صباه ورفيق دربه عم السيد حلال عليه الذى كان يجيد الرقص السكندرى فكان يرقص على اغانيه واختارهم المخرج حسن رضا والاستاذ فريد شوقى ليشاركو بالغناء والرقص فى فيلم ابو احمد وفى السبيعينات قدمهم الفنان سمير صبرى فى برنامجه النادى الدولى وكان هذا البرنامج يحظى باهتمام جماهيرى كبير وبعدها بايام اقيمت حفل بمسرح السلام بمصطفى كامل وحضر الحفل الرئيس الراحل محمد انور السادات الذى طلب من القائمين على الحفل ان يغنى امامه الشيخ امين ويرافقه السيد حلال عليه وبالفعل غنى الشيخ امين ورقص عم السيد وانا شفت الحفله دى بنفسى والله لقد استمتعت الجماهير كلها بهذا الدويتو الرائع كما اثنى عليهما السيد الرئيس وصافحهم امام الجميع ورغم شهرته ونجاحه لم يترك بحرى مسقط راسه بل ظل وسط احبائه وجيرانه الى ان وافته المنيه فى اواخر التمانينات وله نجل واحد فقط هو زغلول امين عبد القادر وليس له ميول فنيه وكان الفنان الراحل الشيخ امين طيب القلب جدا ومحب لكل الناس ورجل بسيط وقمه فى الالتزام بالمواعيد رحمه الله رحمه واسعه قدر ما امتعنا

**رجب إبراهيم** · #14 13/12/2010, 15h40

الشكر الجزيل للدكتو أنس على هذا الموضوع النادر الجميل
الحقيقة الشيخ أمين حضرت له حفلات كثيرة وأفراح بالإسكندرية وفترة السبيعنيات كانت مجده رغم قدم ظهوره الفنى
وله الكثير من الأغانى لم أراها هنا وإن شاء الله ستكتمل مكتبة الشيخ أمين قريبا وعد منى
تحياتى لكم جميعاً

**أحمد أبو الجود** · #15 27/12/2010, 15h11

قد يعجز لسانى عن افضل معانى الشكر للتواصل مع المورث الشعبى الغنى بالمعرفة والحكم ومشكور على كل من ساهم فى جمع هذة المجموعة النادرة للشيخ امين شعبان
---------------
مشكور
اسكندرانى طول عمرى

**الحجور** · #16 30/12/2010, 01h23

السلام عليكم ورحمة الله
انا من محبى سماع الشيخ امين ومشاهدة عم السيد حلال عليه الله يرحمهما
ولى ذكريات وانا صغير مع عم السيد حيث كان صديق لوالدى وكان كلما رجع والدى من الكويت فى اجازة نذهب الى بحرى مسقط راسه ونزور صديقه عم السيد حلال فى بقالته وكان يعد لى سندوتشات البسطرمة بيده الكريمة ولذلك فانا احتفظ بفيلم ابو احمد على الكمبيوتر خصصيا لمشاهدة عم السيد حلال عليه الله يرحمه فانا احب الرجل ده كثيرا واتمنى ان اى احد يحتفظ بتسجيلات لرقصات عم السيد ان ينزلها الى الموقع عم السيد اصبح جزء من تاريخ الاسكندرية

**mouhaab** · #17 31/12/2010, 05h43

ابكيتونى الله يسامح الجميع
كنت صغير في عمر ال 12 سنه كان اخي الكبير يحب يسمع الشيخ امين
اليوم افتكرت وقلت معقول الاقيها في المنتدي ؟
المفاجأه اني لاقيتها
لكن رجعتني لايام جميله وذكريات دافئه جدا جدا
فوجدتنى ابكي بشده
مش عارف ببكي على نفسي والعمر اللي فات
ولا على مصر الرائعه زماااااااااااااااان وحاله مصر الان
المهم انا من قرفي من كم الفساد والتخبط والعشوائيه اللي في بلدنا
كانت كل مابسمعه غربي
لغايه ماوقعت على كنز اسمه ( منتدى سماعي )
رجعتوني لنفسي وذاتي اتحرك وجداني من تاني
جزاكم الله جميعا كل الخير على مجهودكم الرائع
الكلام جواي كتير لكن اكتفي بهذا القدر الان
جزيل شكري وتحياتي للجميع

**ahmed260** · #18 07/01/2011, 21h48

مية مسا على الناس الكويسة رجعت تانى لشبابى ربا
يخليكم ومجهود فائق وجميل لا لا لا لا رائع

**احمد عبدالهادى** · #19 10/11/2011, 14h10

الشيخ أمين شعبان
انا معايا ألم

**احمد عبدالهادى** · #20 10/11/2011, 14h13

الشيخ أمين شعبان
انا بمدح