طلبات نوتة أ / عادل صموئيل الجزء الثانى

[عزت شحاته]

استاذى الجميل / عادل صموئيل
انا بعتبر شهادتى مجروحة فى حقك
اللى بتدونه من نوت اصبح ومن مدة كبيرة

هو الوحيد المرجع لمعظم الموسيقين

- مدارس كل المراحل

- جامعات متخصصة وغير متخصصة

- شباب ورياضه طلائع (مسابقة الموسيقى السنة دى فيها من نوت حضرتك (حلاوة شمسنا - الضوء الشارد)

ومطلوب لمسابقة الكورال اغنية ام كلثوم
( اجل ان ذا يوم لمن يفتدى مصرا )

https://www.youtube.com/watch?v=MfoD28wlbQw

لو تتكرم وتدونها
=========================================
الصديق العزيز / عمرو الهنداوى
واحشنى جدا

شكرا ليك على محبتك وعلى احساسك
فعلا انا محتاس مش عارف اعمل ايه
موسيقى ( دموع فى عيون وقحة ) فعلا صعبة جدااااااااا

[عادل صموئيل]

احبائى

اقدم لكم

دموع فى عيون وقحة

طبعا اللحن الاساسى بدون التوزيع وطلعت عينى يعنى عشان استخرجه من وسط الزحمة دى بس برضه مش سهل وماحدش يقول لى بس المازورة كام مش عارف فيها ايه ما يتعملش احسن من كده وانا عملته على فكرة اصل اخى لعزيز عمرو الهنادوى استفزنى لما قال وانت برضه عادل صموئيل ... واتمنى تستفيدوا منه
مع اطيب تحياتى

[عمرو الهنداوي]

شكراً أستاذنا الكبير "عادل صموئيل" في الحقيقة أنا كنت عارف أنه حضرتك برضو حتكتبها رغم كثرة التوزيع حتى وبعد الاعتذار عن تدوينها ومش علشان أنت عادل صموئيل وبس لا كمان علشان حضرتك مش حتسيب صديقنا العزيز عزت شحاتة في موقف زي ده وفي راجل بيننا أسمه عادل صموئيل فكل الشكر لحضرتك..

اشكركم ... انا كان نفسى الاستاذ عزت يشوفها ويقول رأيه وعايز حد يجربها يشوف تمشى ولا صعبة
مع اطيب تحياتى عادل صموئيل

[منذر44]

رائع رائع رائع
استاذ عادل تعجز الكلمات عن شكرك
منتهى الابداع
نوتة اصعب من الصعوبة روضها الاستاذ عادل
وحول الدموع الوقحة لدموع من الفرح

ان اللحن صعب جدا وقد حاولت عزفه سماعي
ووجدت صعوبة بالغة واصابني الاحباط
ولكن عندما رايت نوتة الاستاذ عادل عزفتها فورا
ولم اجد صعوبة بسبب دقة النوتة وحرفنة المدون البارع
وقد استمتعت جدا بهذا اللحن الرائع الذي لم اكن احلم
بعزفه لولا نوتة المايسترو المبسطة والخالية من التعقيد
فالف تحية لمن سهر وتعب ليسعد عشاق الفن الجميل
مع تحيات منذرالعلي

[منذر44]

استاذ عادل ومن بعد اذنك هل يمكن تحويل نوتة دموع في عيون وقحة
الى درجة صول حتى يصبح مقطع الناي بيات ري لانه في العزف اسهل


اى خدمة

[salhi_haithem]

السلام عليكم ورحمة الله

الأخوة الأفاضل و الأخ العزيز و الصديق و الأستاذ الكبير أستاذ عادل تحياتي من أعماق قلبي, حقيقة منذ يومين و أنا أريد أن أكتب لك كلمة شكر على أغنية دونتها و سبق أن شكرتك على هذه التحفة لكن أحسست أن شكري غير كافي بالمرة و لم أفك حقك و لم أشكرك بما فيه الكفاية و هذه الأغنية من ملحن كارثة ملحن من الوزن الثقيل جدا ملحن إن أنتج فالكل ينصت , ملحن لا يقارن بالملحنين, إن لحن فهو يؤدي أو يخلق معنى ما بالموسيقى, فهو كبيرهم و أعظمهم هو رياض السنباطي و الأغنية المقصودة من تأليف فارس الشعر الغنائي حسين السيد و الأغنية أداء نجاح سلام ذات الصوت الدافئ و الإحساس العالي إنها رائعة عايز جوابتك. فكل الشكر و الإمتنان على تدوين هذه القنبلة. فأما الأغنية فتبدأ بمقدمة قصيرة جدا جملة واحدة كافية للتعبير على مشهد درامي, نعم موسيقى درامية قصيرة لكن تضعك في قالب درامي تمهد للدخول في قصة مؤثرة جدا.
رابط الأغنية لمن يريد التمتع
https://www.youtube.com/watch?v=2SlT6rIAsQw

هيثم

[عادل صموئيل]

احبائى

اقدم لأخى العزيز عزت شحاتة نشيد ام كلثوم والسنباطى

اجل ان ذا يوم لمن يفتدى مصر

بس فيه حاجة مهمة عايز اقولها ... الجهات اللى بتطلب الاغانى او الموسيقى واضح ان معندهمش فكرة عن الموسيقى او مش بتوع موسيقى اصلا ... يعنى ايه التميز اللى عندى انا ومش موجود عند اساتذتى الكبار ... انهم كانوا بيشتغلوا مع العمالقة فقط يعنى اى نوعية من الموسيقى مهما كانت صعوبتها حاتتقال وبأعلى جودة .. التميز اللى عندى انا انى كنت بشتغل بالليل مع العمالقة والصبح فى وزارة التربية والتعليم من مدرس لحد موجه اول 30 سنة ... عارف كويس النوعيات الموجودة وقدراتهم ولازم الموسيقى او الاغانى اللى المفروض تتقدم لهم تكون على اد امكانياتهم .. وانت لازم تفهمهم كده يعنى لما يطلبوا منك حاجة لازم يقولوا كذا حاجة وانت تختار اللى ممكن تنفيذه ... يعنى انت بتعمل مسابقات والمسابقات عليها درجات واكيد لازم تكون المقطوعة سهلة او فى متناول اللى حايعملوها سواء مدربين او تلامبذ وطلبة عشان تطلع حلوة وتاخد مركز حلو او درجة كويسة ... مش حاجة صعبة فوق المستوى وتطلع مش كويسة
مع اطيب تحياتى

[عادل صموئيل]

الاخت العزيزة
انا نقلت لك النوتة وكتبتها على برنامج انكور ممكن تنزليها وتطبعيها
مع اطيب تحياتى

[qusay.qq]

المشاركة الأصلية كتبت بواسطة يوسف خورى 20

مساء الخير
لو سمحتم الموقع دة http://belalmusica.blogspot.com.eg/2...itanicwmv.html
فية فيديو لنوتة معزوفة اغنية تيتانك وانا محتاجة النوتة دى ضرورى علشان انزلها على ورق فممكن تساعدونى ضرورى لو فى شرح لبرنامج اقدر اكتبها علية او حد يساعدنى يكتبها وينزلهالى اكون متشكرة جدا جدا

نقلت نوتة تيتنك وعملتها عل برنامج سمه ..كريشندوو

[عادل صموئيل]

احبائى

اقدم لكم اغنية رولا سعد

يامعلمتى

بس عايز اقول حاجة للمدرسين .. المفروض انك تجيب ورقة وتكتب فيها الاعياد المدرسية والناسبات اللى بيتعمل فيها حفلات .. وتحفظها عندك وتبقى عارف ان يوم كذا عبد كذا وتجهز الشغل ده قبلها بفترة يعنى لازم يكون عندك كذا حاجة للمناسبة دى وكمان عشان ماتقدمهمش هم هم السنة اللى بعدها

مع اطيب تحياتى