محمود بيرم التونسي

[a_essam]

الواسطـه لسـه شغالـه يـا رجـاُُُُلُُُـه

والحاله هياها الحالـه فـي كـل مكـان

لفندي قـال والاسطـي هيـه الواسطـه
في كل مركـز ومحطـه خاتـم سليمـان

تشغلك وانـت فـراش كاتـب بمعـاش
وتدخلك السيما ببـلاش ويـا الاخـوان

ايه اللي خلـي الملعونـه تصبـح فينـا
شريعه فوق شرع نبينـا شـرع القـرآن

طماع و عايز فوق حقه واسطـه تزقـه
لرئيس عمـل فاتـح بقـه زى التعبـان

والحق بين الاتنين ضايع وهو داالشايـع
مدير بيبلطج علي صايع عاطـل كسـلان

ومدير شريف حيرته حيره وحوسته كبيره
في مطلب الست منيره وخليـل شعبـان

يعفي ابنهـم مـن الجهاديـه والبلديـه
يجيب مخالفتها عليـه وعلـي الجيـران

داء فـي الكنانـه متمكـن او متوطـن
وجرح ضـارب ومعفـن زى السرطـان


من عهد ما كتفوك في القبر يا فرعون
داست بلادك مِلل من كل شكل ولون
وخلصوا منا تار موسى وتار هارون
وبعد جور الزمن واللي جرى فينا
ظهرت لما بقى لك في المنامة قرون
.
مش عيب عليك تستخبى نص مليون حول
وكل من جاك بلادك يسأل أبو الهول
لا يبوح بسرك لا بمشاورة ولا بالقول
وجا الزمان اللي بيلاقوا المناجم فيه
عتر عليك لورد بيفتش على بترول
.
في مصر كنت الملك لك جيش ولك حاميه
في دولة غير دولتك ما تتعمل موميا
وأمة غير أمتك ما تزرع الباميا
ولما خشوا عليك المقبرة يلاقوك
نايم مفتح ولكن.. في بلد عامية!

[hamadahamed]

خدوا الحته الحلوه دى لبيرم التونسى
اقطعوا ايد الحرامى .. بس نوبه .. واحبسونى
ون سرق واحد طماطه .. ولاطوبه .. اشنقونى
الحرامى لما يسمع .. بالساطور ..يفزع ويرجع
يشتغل و يكون عصامى
اقطعوا ايد الحرامى
الحرامى تتركوه ..يسرق و يهرب ..فى الحوارى
أو بصدفه تحبسوه ..ياكل ويشرب ..سم هارى
من جيوبنا او دمانا اللى فايضه من الخزانه
و يحامى اللة المحامى .. اقطعو
ا ايد الحرامى
عندكم يا مسلمين .. احسن شريعه ..طبقوها
حا تقول الافرنج دى احكام فظيعه ..ما يقولوها
اللى يسكن فى وادينا ..يرضى بالجارى علينا
انجليزى او سيامى
اقطعوا ايد الحرامى

[عماد جمعة]

قصيده بعد الفطار
من صلاح جاهين الى بيرم التونسى

بعد الفطار
عينى غفلـت حبتيـن ، بعـد الفطــار

كل عام وانتـم بخيـر رمضـان كـريم

عينـى غفلت ، م التعب طـول النهـار ،

والمجـاهده ، والمناهده ، وسين وجيـم ،

لحظــه والتانيــه ، وبعد اللحظتيـن ،

جـانى احسـاس إن حـد دخـل قعـد ،

وابتـدا يسبـح ، وابص بنـص عيـن ،

نص قلبـى انسـر ، والنص ارتعــد .

شفت بيـرم .. أيوه بيـرم .. أيوه هوه ..

لبـده مصـــرى ، جلابيـه مغربـى ،

شمله شامى ، سبحـه من أرض النبـوه .

حـد مايعـرفش بيــرم والنبـــى ؟..

شفت بيـرم ، بالصديـرى اسكندرانـى ،

شفته ، متلفـع بشـال من العـــراق ،

والحزام يمنى ، وعطر الايد سـودانى ..

حـد ما يعـرفش بيــرم يا رفـاق؟ ..

- ضحـكته المـره اللى بتنقط عســل .

قلت : خيـر إنشـالله . قال : فين الديوان.

فين " ديوان بيرم " . مابطلتوش كسل ؟ ..

قلت لـه : معلهش . قـال معلهش إيـه !

وناتـايـه عن بلــدنا يـا ولــد ؟ ..

البعيد عن عينهـا ، يا حسـرة عليـه ..

يا بلـدنا ، يا حلـوه ، آه منـك بلــد !

قلت له: راح نحتفـل بــك. قاللى : لا ،

احتفـالكــوا وفــروه علـى نفسكـو .

قلـت له: ح نشيـد بفضـلك. قاللى هـا ،

فضـلى فين ، إذا كنتو ناسيين درسكـو ؟

قلت له: علمنـا: بيـرم قاللى : شـوف ،

الميـاتـــم فى الأزقـــه ملطعـه ،

أنا مش عايز كراسى صفـوف صفـوف

أنـا .. صفُّـوفى حـروف المطبعـة

[montyana]

انا اللي عرفني علي المنتدي الرائع ده و انا بعمل بحث علي قصيده لعمنا بيرم

و دي من اجمل الحاجات اللي كتبها

باريس

يامدمزيل ياللي ف قصرك يازينه عصرك

المبسط يحبك على خصرك يتهز قوام

في الحرب بتواسي المجاريح فوق الطراريح

وتـقـلبي الغـم بـتـفـريح والنار بغرام

ومشيتـك في السكه غزال وقيافتـك عال

كدا سلت ملت مفيش خلخال وسخام لطام

ولا الايدين فيها غوايش ولا شيء حايش

كدا لهط مهط فطير بايش اشمط وانام

اللحم ابيض ومزقـلط وبيـتـزفلط

والوش ده مش متخطط زي ام لتام

دول في المدارس ودوكي بيربوكي

الله يخليكي لابوكي وامك ياتـمام

طلعتي حافضه جغرافيا وصحه وعافيه

حتى اللي هوه بلا قافيه حافضاه ياسلام

البنت عضو في اكاديميا وتعرف كيميا

خلينا احنا في الباميا والفقر التام

تمسك ياعم ايد التلفون مش ايد الهون

اللي تسمّع في الكركون والناس ح تـنام

فين اللي تعـتر في الحلّه وتكسر قـلّه

من اللي تـنقـش دانتيلّه من البفته الخام

مفروده دايما لاتبوز ولا تـتأوز

عازبه ولما بتجّوز تعمل له مقام

يبوسها قدام جمعيه وتبوس هيه

لا كسكسه في الحريه مسيو ومدام

مادام يحبها وتحبه وداخله ف عبه

مايسبهاشي ولا بتسبه من عنده كلام

اما الا نيته ام جلاجل تاخد الراجل

تركبه الفقر العاجل وتجيب له لجام

متجوزاه وعاملاه سلم لويتـكلم

الضرب على صدغه يعلم اكفف واقلام

تدخل وتخرج ماتشاور عايزه اساور

ماتخلي شرطي ولامجاور ولا واد خدام

عليها حته دين عرقوب ولسان مسحوب

وصدغ اطول م المركوب وتياب قُدام

وجوزها يشرب بنوره وهيه طاطوره

تحبل وتولد بالطوره زي الأغنام

يـيجوا العيال اللي يهرهر واللي يـبربر

ودا اللي اقرع واللي اعور واللي له خزام

اطفال اوربا ف عربيات ومربيات

وبزازات وتبات ونبات ولهم حمام

لا ده ابوه مليارد كبير ولا دا ابن فقير

مادام دا يبقى طفل صغير تعذيبه حرام

قال الكرم خد اموالنا امال مالنا

يارب سايـبيـن اطفالنا زي الايتام

مكومين كدا في الشارع روس وكوارع

والسلسله وعضم الذارع والباقي عضام

تدوسهم الساده الشماليل يعني المساطيل

المجعوصين جوا الطومبيل زي الاصنام

آه لما اشوف رزق الجاهل كدا بالساهل

صاحب وجاهه دا بيستاهل حكم الاعدام

[د أنس البن]

الشاعر الكبير محمود بيرم التونسى له جوانب كثيره فى أعماله ربما لم تسلط عليها الأضواء بدرجة كافيه , وهى جوانب تكشف لنا عبقريته الفريده وتوهج ملكاته الفنيه بصورة تجعل المرء لا يتصور مثلا له او ندا على مر الزمان إلا إن كان ولم يصل إلينا نبأ عنه .

ومن هذه الجوانب التى سنورد ألوانا منها أبدأ بنموذج واحد من مداعباته مع شعراء عصره يستوى فى ذلك من كتب منهم بالعاميه أو بالفصحى , ويستوى كذلك من كتب بالفصحى السلسه مثل شوقى ورامى أو من كان يستخدم غريب الألفاظ أو المهجور من اللغه مثل شاعر إسمه عبد المطلب وكان يلقب بالبدوى لغرابة ألفاظه . وعارفا بطريقة كل منهم حتى فى بحور الشعر التى تغلب على أعمالهم ....
وحتى يبين بيرم التونسى لكل شعراء زمانه أنه ليس أقل منهم فى قدرته على نظم الشعر , وفى محاولة شديدة الذكاء منه تشبه محاولات بعض نجومنا من أهل المغنى فى تقليد زملائهم فى براعة وإتقان مثل المرحوم سيد الملاح , قدم بيرم نماذج يحاكى فيها شعراء زمانه وقبل أن أقدم تلك النماذج أترك الراحل الكبير يقدم الى حضراتكم لهذه النماذج بطريقته المازحه , ولا يخفى ما فى باطن كلامه من سخرية مضمرة منهم :

... أما الأمر الصعب فهو مجاراة حضرات الشعراء
واستخراج أرواحهم من شعرهم
لسمو صناعتهم ووعرة مسالكها ونواحيها
ولقلة ما يتكرمون به على الناس من نفاثاتهم
إلا فى الحادث العظيم والخطر الجليل
ونظن أن فاجعة اليابان الكبرى قد أثارت من
أمخاخهم ( المراكز ) التى ينبع منها الشعر
فإذا قالوا شيئا فى هذه الزلزله
فهاك أقوالهم ترى فى كل منها
صورة فريدة من الحسن والجمال ...








يتبع ........

[د أنس البن]

البقيه .......

والى موضوع آخر أعرض فيه جانبا مختلفا من مداعبات هذا العملاق الكبير

[د أنس البن]

جانب آخر من جوانب عبقرية الشاعر الكبير محمود بيرم التونسى لم تسلط عليه الأضواء أيضا , وأعتقد أنه لم يجمع بعد حيث أنه مبعثر فى مجلات وصحف العقود الأولى من القرن الماضى مثل مجلة فنون وغيرها , وأعنى به أدب المقامه والذى جرى به بيرم على نسق مقامات الحريرى وبديع الزمان الهمذانى , قيل أن له عشرات بل المئات من هذه المقامات مبعثرة فى أوراق المجلات والصحف وهى تعد بحق ثروة هائله جمع فيها بيرم بين النكته اللاذعه والفكاهه الراقيه الى جانب الهدف النقدى البناء , فلم تكن كلاما الغرض منه مجرد التسلية والإنبساط بل كانت كل مقامة تحمل من الأفكار الكثير حتى أنه قيل أن هذه المقامات وحدها مدرسه خاصه تحتاج الى دراسات متعمقه , من هذه المقامات أهدى سماعى نماذج من بعض منها , وأبدأ بجزء من المقامه المسماه بـــ ......

المقامه الطابعيه
وهى مقامه يتهكم فيها على بعض الأزهريين
الذين يجتمعون لا للدراسة والعلم
لكن بغرض الدس والوقيعه
وأن يطعن بعضهم فى بعض
ثم انفراط عقدهم من اجل خمسة مليمات





يتبع بقية المقامه ........

[د أنس البن]

بقية هذا الجزء من المقامه الطابعيه .......

يتبع جانب من مقامه أخرى ...

[د أنس البن]

ومن مقامات الشاعر الكبير محمود بيرم التونسى

المقامه الصندوتشيه






يتبع بقية المقامه ........

[د أنس البن]

بقية هذا الجزء من المقامه الصندوتشيه .......

يتبع جانب من مقامه أخرى ...