رد: نعيمه عاكف- 7 أكتوبر 1929- 23 إبريل 1966
مونولوج على بشكل او بـ قالب الموشحات
من فيلم مليون جنيه - غناء نعيمه عاكف و محمود شكوكو
انتاج 1953
الاغنيه / المونولوج مرفوع قبل كده على صفحه نعيمه عاكف لكن هنا جوده الصوت اعلى
القالب ده بيفكرنى بـ أمرك يا سيدى لعبد الحليم حافظ و اللى غيرها فتحى قورة بحرفنه الى مونولوج
انا القالب ده بيفكرنى بنفس طريقة الموشحات و انا فاكر انى سمعتها قبل كده بس مش متذكر اصلها ايه
كتابة الاغانى او الاغانى من نظم صالح جودت و عبد الفتاح مصطفى و عبد العزيز سلام
و الالحان احمد صبره و عزت الجاهلى و احمد صدقى و فلمون وهبه
من موقع السينما عرفت ان فلمون وهبه هو ملحن الاغنيه الشامى
لكن الاغنيه/المونولوج ده ما اعرفش اى حاجه عنه
اعتقادى الشخصى كتابة المونولوج من تأليف ابو السعود الابيارى دا الاستايل بتاعه
و برضه لأن ا. صالح جودت كان بيكتب اغانى لعبد الوهاب و عبد الفتاح مصطفى لمحمد فوزى ام كلثوم و عبد العزيز سلام لفريد الاطرش و على حد علمى ما اعتقدش حد فيهم ليه سابقه فى كتابه المونولوجات اللى بالطريقه دى
و اعنقد ان التلحين ل .احمد صبره اكتر منه ل عزت الجاهلى
ياريت لو حد عنده معلومه ممكن يساعدنى و يقولى القالب ده متاخد من ايه
او يعرف الملحن و المؤلف
[/SIZE][/SIZE][/SIZE][/SIZE]
|
رد: نعيمه عاكف
العرض العادي
