طلبات نوتة أ / عادل صموئيل الجزء الثانى

[نور الصباح]

الاخ العزيز
البرنامج بسيط جدا يعنى اول حاجة تفك الضغط وتفتحه هو مش محتاج تسطيب
حتلاقى قدامك اصابع زى البيانو ممكن يتعزف عليه اما بالماوس
او على الكى بورد وممكن تسجل عليه اللى عزفته
وممكن تغير آلات موسيقية يعنى تستكشف فيه ممكن يفيدك
مع اطيب تحياتى عادل صموئيل
xxxxxxxxxxxxxxxxxxxxxxxxxxxxxxxxxxxxxxxxxxxxxxxxx
أفـــــــــادكم الله وزادكــــــــــم بســـــــــطة فى العلم
وشكررررررررررررررررررررررا
مع تحيات
أحـــــــــــلى صــــــــــــباح
وأخوكم
نور الصــــــــــــــــــــــباح

[kjaily]

المشاركة الأصلية كتبت بواسطة وائل علوي

الاخوة الكرام تحية طيبة
يوجد سماعي مشهور لممدوح الجبالي اسمه راحة الارواح موجود على اليوتيوب
ارجو ممن لديه النوتة متوفرة يرفعها لنا للضرورة مع خالص تحياتي

السلام عليكم, لدى كتيب يحوى 8 نوت للمدوح الجبالى من ضمنها سماعى راحة الارواح. اتمنى ان تكون هى النوتة المطلوبة

[nenous]

المرجو من الأستاد عادل قطعة بعيد عنك على درجة ري

[ابوكارم]

المشاركة الأصلية كتبت بواسطة ashraf sedky

اكرر شكرى-للأستاذ عادل صمويل--على مجهودة--
واشكر الأخ احمد ارمندو- على كلماتة الطيبة تجاة والدى-
وشكر خاص للمايسترو محمد الألاتى على كلمات الأغنية-
تحياتى اشرف صدقى

الاستاذ اشرف صدقى
هل توجد نوت او الحان او اى شىء خاص بوالدك تتحفنا وتسعدنا بيه
وهل كان احمد صدقى الملحن الكبير شقيق الفنان العظيم الممثل حسين صدقى
لكم منى كل الشكر

[انغام الشرق]

استاذى الفنان الكبير \ استاذ عادل
الحقيقة انى بحث طويلا فى قاموسى اللغوى عن كلمات شكر و عرفان توافيك حقك فلم اجد !!!
جزاك الله كل خير لما تقدمه لنا من ابداعات و مساعداتك المستمرة لمدرسين الموسيقى اللى زى حالاتى شكرا جزيلا يا استاذنا

الاخت العزيزة
اولا اهلا بكى فى صفحتنا
ثانيا انا اصلا مدرس موسيقى بعدين موجه وموجه اول يعنى بالطبع لازم اخد بالى من زملائى اللى عارف مشاكلهم كلها بالتحديد
ثانيا ممكن تدخلى على اى مشاركة للأخ العزيز هيثم الصالحى حتلاقى فهرس لكل النوت اللى انا قدمتها لو راجعتيهم حتلاقى حاجات كتير تنفعك اولا كمدرسة ثانيا كعازفة
وانصحك تستعملى برنامج انكور للتدوين انا مقدمه هنا فى المنتدى ومقدم معاه شرح جميل جدا حاينفعك جدا
وثانيا فيه اغانى كتير حلوة ممكن انتى ماتستعمليهاش كلها لكن ممكن تاخدى منها جمل موسيقية ومعظمها اللى كنت بعمل لكم منها المسابقات
مع اطيب تحياتى عادل صموئيل

[انغام الشرق]

الف شكر يا استاذ عادل لترحيب حضرتك بي و انا فعلا بستفيد كتير كتير لما بعزف نوت حضرتك و اشتغلت حاجات منها فى المدرسة فعلا و نالت اعجاب زملائى لدرجة انى علمتهالهم كمان .. و بالنسبة للمسابقات انا بحتفظ بكل نوت المسابقات القديمة لكل المراحل و بحس ان انا عندى كنز من النوتات لأنى بستفيد منها كتير .. و السنة دى ان شاء الله ح اشتغل أكورديون ثانوى ادعى لى يا أستاذى ان ربنا يوفقنى .
تلميذتك انغام الشرق
الاخت العزيزة
طبعا انا فرحان بيكى انا بحب اوى المدرسين اللى شاطرين او اللى يحبوا يبقوا اشطر واشطر مش اللى بيبلطوا فى الخط
واقول لك على سر خطير حاجة تحطيها حلقة فى ودنك انتى وزملائك
ايه الفرق بينك وبين مدرس اى مادة زى الجغرافيا مثلا ؟
ان فى الكلية مدرس الجغرافيا درس الخمس قارات عمرهم ما حيزيدوا قارة او ينقصوا قارة ولما بيشتغل مدرس من اولى ابتدائى الى ثالثة ثانوى بيقعد يشتغل طول عمره على الخمس قارات دول
لكن مدرس الموسيقى يوم ما بيتخرج من الكلية بيبقى معلوماته عاملة زى
عارفة البطاطس او الملوخية لما تشتريها من السوق طبعا مش بتتاكل كده ولكن لازم تتطبخ وتتطبخ حلو والعمنى ان المدرس بيتخرج من الكلية دارس حاجات نظرية محدودة وعملية محدودة لكن لو هو عايز يبقى شاطر هو بنفسه بيشتغل مع نفسو يحسن مستواه يعنى انتى كمية النوت اللى ممكن تشتغلى منها مش محدودة وبتتجدد كل يوم وكل شهر واللى بيحاول يرفع مستواه بيتقدم واللى بيفضل زى ماهو بيتخلف
ودلوقتى الشىء المهم فى مادة الموسيقى لو انتى بتشتغلى فى الحكومة
ان الموجهين والموجهين الاوائل خلصوا يعنى طلعوا معاش ومفيش ناس سنهم متقارب
بمعنى اللى بيطلع سنه 60 سنة مش بنلاقى ناس سنهم 58 و59 او اللى رتبتهم تسمح يبقى موجه اول .. بنلاقى المدرسين سنهم بعيد اوى يعنى 35 وانتى نازلة بنضطر ناخد منهم الموجهين بس طبعا بناخد الاشطر مش العاهات
يعنى ممكن ناخد واحد سنه 24 سنة وفيه ناس سنهم اكبر وده مش كوسة ولكن كفاءة وربنا معاكم كلكم
مع اطيب تحياتى عادل صموئيل

[وائل علوي]

المشاركة الأصلية كتبت بواسطة kjaily

السلام عليكم, لدى كتيب يحوى 8 نوت للمدوح الجبالى من ضمنها سماعى راحة الارواح. اتمنى ان تكون هى النوتة المطلوبة

الاخ العزيز kjaily الف شكر على هذه الهدية الجميلة وبالفعل اعمال الاستاذ الجبالي تستحق المتابعة
مع خالص تحياتي

[درأرسلان]

أهلاً أستاذي الفاضل عادل صمويل،
تحياتي الخالصة و تشكراتي الصادقة من بلدكم الثاني المغرب لحضرتك ولكل الأساتذة المدونين، لما تقدمونه لنا من أعمال جليلة ذات مستوى رفيع تخلذ لزمن الفن الجميل؛
إيه رأي أستاذي في تدوين الروائع القديمة لكوكب الشرق أم كلثوم : ليه تلاوعيني، الأولة في الغرام، وحقك أنت المنى، أفديه إن حفظ الهوى،٠٠٠

وتقبلوا مني فائق التقدير و الإحترام

د المصطفى أرسلان
الاخ العزيز
انتم عارفين انى مش بتأخر عن طلباتكم
لكن ال 3 اغانى دول بالذات عاملين زى الادليب او بين الاديب وبين اللى على ايقاع يعنى المفضل اللى يعزفهم يكون بيعزف سماعى اكتر من النوتة لأن النوتة هنا حاتحدد الاداء وتقلل منه
مع اطيب تحياتى عادل صموئيل

[ashraf sedky]

المشاركة الأصلية كتبت بواسطة ابوكارم

الاستاذ اشرف صدقى
هل توجد نوت او الحان او اى شىء خاص بوالدك تتحفنا وتسعدنا بيه
وهل كان احمد صدقى الملحن الكبير شقيق الفنان العظيم الممثل حسين صدقى
لكم منى كل الشكر

الأخ ابو كارم-
مرحبا بك--النوت الموسيقية التى لدى هى نوت الأوبريتات--
مثل الف ليلة وليلة-والبيرق النبوى--
والفنان حسين صدقى--لم يكن اخ للموسيقار احمد صدقى
هو تشابة فى الأسماء
تحياتى

[salhi_haithem]

السلام عليكم ورحمة الله و بركاته
اخي العزيز اشرف مرحبا بك في منتدنا و في هذه الصفحة التي تجمعنا تحت جناح الاستاذ عادل ...
اخي العزيز شكرا على اختيارك لباقة جميلة من الاغاني المتنوعة وحقيقة انا اعتبر من اجمل ما لحن الموسيقار احمد صدقي اغنية " من غير حب الدنيا دي ايه " للفنانة سعاد محمد و هي من اجمل اغاني فترة الستينات.. رحم الله الجميع
اخوك هيثم