طلبات نوتة أ / عادل صموئيل الجزء الثانى

[عادل صموئيل]

احبائى
انا ما اقدرش اتأخر على عمرو هنداوى ده حبيبى ... يعنى لعلمكم معظم البرامج اللى بتسهل لى شغلى ليكم اخدتها من عند عمرو
انا كمان حاجى بالمترو لأن من ساعة الثورة مش بقدر انزل بالعربية وسط البلد والتميز ان فيه محطة للمترو عند الاوبرا
وعشان تبقى الصورة واضحة فيه مترو تحت مترو
يعنى مترو من حلوان للمرج بيمر بمحطة رمسيس وتحته مترو من شبرا للجيزة وده اللى بيروح محطة الاوبرا
يعنى كل اللى مش من سكان القاهرة يركب مترو شبرا الجيزة فى اتجاه الجيزة وينزل فى محطة الاوبرا
الوصفة سهلة اوى ولما تلقى نقلة لفت تعرف على طول انك تهت
مع اطيب تحياتى

[armendo]

المشاركة الأصلية كتبت بواسطة عادل صموئيل

احبائى
انا ما اقدرش اتأخر على عمرو هنداوى ده حبيبى ... يعنى لعلمكم معظم البرامج اللى بتسهل لى شغلى ليكم اخدتها من عند عمرو
انا كمان حاجى بالمترو لأن من ساعة الثورة مش بقدر انزل بالعربية وسط البلد والتميز ان فيه محطة للمترو عند الاوبرا
وعشان تبقى الصورة واضحة فيه مترو تحت مترو
يعنى مترو من حلوان للمرج بيمر بمحطة رمسيس وتحته مترو من شبرا للجيزة وده اللى بيروح محطة الاوبرا
يعنى كل اللى مش من سكان القاهرة يركب مترو شبرا الجيزة فى اتجاه الجيزة وينزل فى محطة الاوبرا
الوصفة سهلة اوى ولما تلقى نقلة لفت تعرف على طول انك تهت
مع اطيب تحياتى

ودى وصفه سهله ودى وصفه هايله
حمدا لله على السلامه يا مولانا وحشتنا
مع ارق تحياتى
ارمندو

[guest]

استاذ عادل /

أنا مش عارف وضع هذه الكلمات في موضوعه المناسب ؟

أنا عاوز اسأل سؤال واحد ..
حضرتك كنت بتفكر في ايه .. أو كنت فين و انت بتلعب أغنية ( تلات سلامات ) .. انا كنت بدور علي الاغنية ... معرفش وصلت ازاي ل تسجيل حضرتك للاغنية دي و حتي معرفش هي فين في المنتدي .. بس حظي الحلو بقي لحقت انزلها

سؤالي هو .. ايه كمية الاحساس المرهف و الفن الخالص دة والعزف من غير فزلكة و القوس مظبوط علي الشعرة و و و..

الله يسامحك يا عادل بيه .. عزفك شديد الحس ابكاني و خلاني انسي كل معاناتي اللي شوفتها في مصر و خلاني اهج منها .. وخلاني افكر جديا في الرجوع ليها من جديد

انت مش بس ملك التدوين

انت ملك الاحساس بدون منازع
اخى العزيز
طبعا اشكرك على كلامك الجميل .. هو الموضوع بيتكون من كذا عنصر .. اول حاجة ان الموسيقى الغربية بيبقى كل الاحساس مكتوب فى النوتة يعنى لو صفحة قراها احسن عشر عازفين فى العالم لو سمعتهم مش حاتفرق ده احساس مين ولا ده صباع مين غير لما يكون مكتوب على غلاف الشريط او الاسطوانة
يعنى اقول لك حاجة تضحك وانا طالب فى الكلية كانت طبعا دراستى موسيقى كلاسيكية كان لما تعجبنى مقطوعة جميلة واحط احساسى فيها كنت بتشتم من الاساتذة لأنى كده بكون خالفت حاجة فى النوتة ... يعنى كان زملائى بالطبع مش قد شطارتى كان فيهم ناس ميح يعنى بس لو التزم بالنوتة وانا ما التزمتش يدوه درجة احسن منى ... للكن فى الموسيقى الشرقية بعد الشطارة اهم شىء الاحساس
يعنى لما تسمع ام كلثوم فى اغنية وتسمع حد تانى بغنيها تحس كانك بتاكل حلة بامية قرديحى مش من غير لحمة ولكن من غير بامية ... لأن الموضوع اللى بيشدك فى ام كلثوم مش بس قدرتها الكبيرة الخارقة ولا اللحن الحلو ولكن احساسها ... وتلاحظ انها لو اعادت الجملة عشرين مرة كل مرة بتقولها بإحساس احلى ... وعندنا فى مصر انت بتعرف العازف لما تسمعه يعنى نقول دع صباع الحفناوى او فلان ... واهم حاجة الإضافة اللى بيضيفها العازف يعنى مثلا فى حملة عازف بيحسها عايزة حلية سحبة صاعدة وعازف تانى بيديها الحلية سحبة هابطة .. وامتى العازف بيعزف سهل وامتى بيقول حاجة او حلية صعبة ... واهم شىء واخطر شىء عشان انا عزفت بمفردى قدام كل العمالقة انا بمعايشتهم عرفت هم بيحبوا الجملة تتقال ازاى .. يعنى دلوقتى كل العازفين الجداد اهم حاجة عندهم الفزلكة واستعراض التكنيك لو عبد الوهاب سمعهم كان ضربهم بالنار ... هو عامل لحن لازم انت تعزفو زى ما هو عامله وزى ماهو عايزه ... بعدين بصمتى انا او احساسى انا بيبقى حاجة زى رشة الملح او كمية السكر فى كوب الشاى .. يعنى تؤدى الغرض لكن لا تتلف اللحن
مع اطيب تحياتى عادل صموئيل

[نور الصباح]

ssssssssssssssssssssssssssssssssssssssss
الأخ العزيزالفنــــــــــــان الكبير أوى الأســــــــــــــتاذ :
عـــــــــــــــــــــــــــــــــــــــــــــادل باشا صموئـــــــــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــــد :
أولا : تســـــــــــــلم إيديك وعنيـــــــــــــــك على هــــــــذا العمل الرائع
ثانيا : يا سلام ( يــــــــا ريسنا ) لو تكمل جميلك وتدون لنــــــــا الأغنية
الوطنية ( قوى قوى ) والرقيقة ( قوى قوى ) للسيدة ( أم كلثوم ) العظيمة ( قوى قوى ) وهى
أغنية
طــــــــــــــــــــــــــــــــــــوف وشــــــــــــــــــــــــــــوف
طوف فى جنة ربنا فى بلادنا واتفرج وشوف
وهوه ده زمانها وأوانها
وإلى جنابكم الملف الصوتى للأغنــــــــــــــية
طوف وشــــــــــــــــــــــــــــــــــــــــــــــــ ـوف
وشكررررررررررررررررررررا
أخوكم
نور الصباح


sssssssssss
sssssssssssssssssssss

اخى العزيز
والله العظيم بكتب فييها
وللعلم هى صعبة جدا جدا فى التدوين عشان تبقى سهلة لكم فى العزف
فاضل فيها ييجى صفحة كده

[نور الصباح]

1 - أقولك حاجة اسمعها وفكر فيها وانساها والملف الصوتى لها
2 - ياعيونى ليه تدارى ليه مادام الحب دارى
ونكرر أولا وأخيرا أن البقاء لله وحده
وسبحان الحى الذىلا يموت
ونسألك اللهم الصبر والسلوان
ولها الرحمة والغفران
وشكرررررررررررررررررررررررررررررررا
أخوكم
نور الصباح

[BasmaSakas]

شُكراً كتيير .

[احمد علي البدري]

شكرا استاذ " Armendo " على نوتة سماح , وشكر خاص لاستاذ عادل على نوتة "ان كان ع القلب ،وامى لشادية" وياريت نوتة أنا من تراب او اي اغنية دينية لحليم ..ولو فى حد من الاعضاء يملك اي واحدة منهم، ياريت يتواضع معانا ويرفعها ..وجزاه الله خيراً مُقدما.

[sayed_lv]

السلام عليكم و رحمة الله و بركاته

توزيع
فيها حاجه حلوه
لـ عمر خيرت

وطبعا شكراا جدا للاستاذ عادل صموئيل على النوتة الموسيقيه لهذا العمل و معلش التوزيع مش قد المقام بس هى اصلا توزيعها صعب و خدت منى حوالى 9 ساعات .. ارجو ان تنال اعجابكم
تحياتى

[عاصم المنشاوى]

الفنان الطبيب الدكتور الجراح /وسام أكرم
انا متأسف ...انه سقط سهوا منّى ان أشكرك على تحيتك الرقيقة ...أنا آسف يادكتور ...دى أعراض الزهايمر ههههه...سؤال بقى مش ناوى تبطل كسل ...وتنزل لنا كام نوتة حلوين كده على ذوقك؟

[وسام اكرم]

الاخ العزيز عاصم المحترم
الاحبة و الاصدقاء في منتدى سماعي
اشكرك جدا على ردك الكريم و السريع. بصراحة حصلت لي مشكلة مع سيرفر المنتدى لم استطيع فهمه حتى الان. منذ بداية هذا العام كلما ادخل الى المنتدى و تظهر الرسالة( اهلا و سهلا بك ياوسام اكرم) يتضح بعدها اني لم ادخل الى المنتدى. و كذالك عندما احاول تحميل اي ملف مثل نوتة ( غريب يازمان) يسجل المنتدى ان لم ادخل الى المنتدى, و بعد 10 محاولات تفشل العمليه كلها. بعد فترة اكتشفت بالصدفة ان هذه الضاهرة تحدث فقط في البيت, و لكن لاتحدث عندما ادخل الى المنتدى من حاسبة الكلية. اي بمعنى اخر سيرفر مكتب ( الطارق) و هوا الذي مشترك فيه لديه مشكلة مع سيرفر المنتدى. المهم ان هذه المشكلة حلت من تلقاء نفسها,, و عسى المانع ان يكون خير انشاء الله. دعائي لك و لكل الاحبة و الاصدقاء و على راسهم استاذي الحبيب عادل صموئيل بكل خير انشاء الله.....
المخلص
وسام
الاخ العزيز د . وسام
حمد لله ع السلامة ووحشتنا جدا
موضوع السيرفرات ده بيبقى ساعات عفريت فى الجهاز طالما بتدخل من جهاز تانى ويشتغل
انا انصحك انو يكون عندك متصفح تانى زى فاير فوكس مثلا
انا عندى دايما الاتنين يعنى انترنت اكسبلورر وفاير فوكس ..يعنى ساعات كتيرالاقى لو عايز انزل نوتة الانتر نت اكسبلورر مش بيبقبل ينزلها اما الفاير فوكس بينزلها ... وفيه حاجة اهم واخطر .. المتصفح انتر نت اكسبلورر احيانا بيلقط فايرس صغير او حاجة فى برنامج او شىء بتكون حملته ولقيته مالوش لازمة وحذفته .. هنا الانتر نت اكسبلورر حساس اوى ممكن ينقص منو ملف ينقص احد الخواص ومالوش حل غير انك تشيل الويندوز ,, اما المتصفح الخارجى اللى زى الفاير فوكس من اهم مميزاته انو لو حسيت ان فيه شىء مش مضبوط تحذفه وتنزلو تانى ويشتغل 100% طبعا الكلام للجميع يعنى كلنا بنتعلم من بعض
مع اطيب تحياتى عادل صموئيل