رد: طلبات نوتة أ / عادل صموئيل الجزء الثانى
شكرا لك أستاذ عادل على مجمل التدوينات السابقة و بالأخص أغاني الفنان محرم فؤاد .
استفسار موسيقي :
عند سماع مقطوعة كلاسيكية غربية نشعر بأحاسيس مختلفة و متناوبة خلال مدة قصيرة فمرة حزن وأخرى فرح و ثالثة غضب أو فخر ...، أما المقطوعات الشرقية فنلاحظ أن الجو الموسيقي في معظمها يبقى ثابتا منذ بدايتها و حتى ختامها .
ما سبب هذا التفوق للمقطوعات الموسيقية الغربية رغم أن موسيقانا الشرقية متفوقة من حيث المقامات و التنوع .
وشكرا لك
اخى العزيز
الموسيقى الشرقية الاول ... الملحن بيلحن كلمات مكتوبة يعنى بيدخل فى موضوع الكلمات وبيعبر عنها لما تكون حزينة او مفرحة او وطنية يعنى اللى بيتحكم فى لو اللحن هو موضوع الكلمات وبعدين بيركب عليها المقدمة الموسيقية وموسيقى الكوبليهات بتبقى من صلب الموضوع او شىء بيوصل للغناء فى الموضوع ... اما الموسيقى الكلاسيكسة ... موضوع تانى خالص .. هناالمؤلف هو كل حاجة ... يعنى مش بيقعد يألف موسيقا وخلاص ولكن بيألأف قصة مع نفسه ممكن تكون قصة قصيرة او قصة طويلة وبيعبر عنها او بيحكيها بالموسيقى يعنى مثلا بنت جميلة .. بيعمل جملة تعبر عن البنت دى ... لما تكون البنت قدامه مالية المنظر بتبقى الجملة عالية اوى مسيطرة اما لو بعدت وسط زحمة الشارع ... بعدت تدريجيا بتلاقى اصوات تعبر عن الشارع ظهرت وابتدت تعلو والجملة بتاعة البنت تخفت تدريجيا .. بعدن مرة قابل البنت فى حفلى راقصة .. بيبقى الايقاع فالس ... تخيلها بترقص مع اللى بيرقصوا .. وهم بيلفوا احيانا بتقرب منو ثم تبعد عنه وتختفى وترجع تانى ... بيعمل موسيقى الفالس .. الرقصة يعنى وتظهر البنت جملتها خافتة وكل ماتقرب تعلو .. بعدين تلتف تبعد عنه تخفت تدريجيا وهكذا ... ممكن انت وانت بتسمع تتخيل فى ذهنك موضوع تانى بس فى كلتا الحالتين لو انت عارف القصة او تخيلت قصة من عندك انك بيحصل لك تأثير ... يعنى مثلا فى السيمفونية الخامسة بتاع بيتهوفن ( القدر ) هو حس ان الصمم ابتدا يعلا عنده وحس انو خلاص مش حايسمع تانى ... عمل فيها ضربات القدر وخد من التيمة دى اللحن الاساسى وحواره مع القدر ... زى ماتشوف لو حة من اللوحات السيريالية كل واحد بيشوفها من وجهة نظره ... والله اعلم وبعدين هو مش تفوق اقولها لك بطريقة تانية انت عايش فى سوريا عندكم مناظر ومأكولات مثلا انت لو رحت بلاد تانية حتشوف حاجات مختلفة اختلاف كلى .. ممكن تنبهر بيها لكن لو سألت نفسك اذا كان اوروبا احسن طيب ليه السواح الاربيين بيتهافتوا ييجوا سوريا لأنهم اكتشفوا ان دى حاجة ودى حاجة ... يعنى مفيش لون من الالوان احلا لو او فاكهة من الفواكه احلى فاكهة او مطرب من الكبار احلى مطرب كل واحد لون ولكل عشاقه
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 11/12/2014 الساعة 10h24
|