20/05/2014, 02h55
|
 |
مواطن من سماعي
رقم العضوية:408324
|
|
تاريخ التسجيل: avril 2009
الجنسية: مصرية
الإقامة: مصر
المشاركات: 911
|
|
|
|
ناس وناس
ناس وناس... كلمات/ سعدالشرقاوى لحن وغناء أ/مجمد الالاتى
فيه ناس فى الدنيا ساكنه فندق خمس نجوم وناس تجرح صيامها بسريس وفص توم وناس قوتها يوماتي بالدٌقة وفول حراتي ولنعمتها تطاطي ويقولوا ياريت تدوم ,,, وناس أخلاقها بايظه بيسبّوا ويسخطوا وناس بفتلة سودة دايما بيـْخيّطوا وناس بتقيد شموعها وناس بتموت بجوعها وناس نشفت دموعها ما عادوش بيعيّطوا ,,, وناس بتصوم تصلىّ وبتصْبٌر على الهموم وناس بيسبّوا دينهم واللا يشقوا الهدوم وناس تحفظ جميلك وف شدّتك تشيلك وناس بتعوز تجيلك فى مصيبة كل يوم ,,, وناس كتير تصاحبك وجيوبك مليانين وناس لو غيبت عنهم ما يقولوا كنت فين؟ وناس غاويين تباته وبياخدوا على الشماته بيعيشوا على الشحاتة دايما متسوّلين ,,, وناس بتمد إيدها عايشين ع المسئلة وناس تحقد عليهم ما خدوش ع البهدلة وناس ساكنه الخلا و حياتهم بالبلا وناس ساترين بدنهم بهدوم مستعملة ,,,, وناس فى الحبس بايته وهمّا المظلومين وناس الخير فى بيتها ويموتوا محرومين وناس فى الدنيا ياما واكلين حق اليتامى وناس عايزه السلامة ويعيشوا مستورين ,,,,, وناس ترقص فى ديسكو وليلاتي سهرانين وناس م الجوع يقولوا لله يا محسنين وناس باعت عيالها وناس رهنت عزالها وناس ما قدرش مالها على حقنة بنسلين ,,,, وناس بتخاف عليك م النسمة والهوى وناس تطـْلع عنيك وف إيدهم الدوا وناس تفرح بفرْحك وناس تتمنى جرحك وناس فى الحب شرْحك لمّا القلب استوى ,,,, وناس دايما تبوسك لمّا بتضحك فى وشـّك وان طالوا ف يوم فلوسك بيهدّوا بيها عشك عايزك ناصح يابيه وتكون واعي ونبيه ما تبصْ عنيك عليه اللى يفكـّر يغشك ,,,, إختار من بين صحابك المخلص والامين والليّ ف عمرُه ما سابك وغضب من كلمتين واللي يداديك داديه دايما وإسأل عليه واللي يجافيك جافيه لو هوّ إبن مين
|
العرض العادي
