الطقاطيق والمونولوجات القديمة مكتوبة وروابط لها

[Islam Eidrisha]

بسم الله المعين نبدأ فيما يلي بتجميع نصوص الطقاطيق والمونولوجات القديمة وما شابهها مهداه لرائد السميعة الأستاذ الدكتور محمد الباز فقد كان طلبه أمرا وجب تنفيذه ولقد اعتمدت في كتابة هذه النصوص على السماع الحي من لسان المطرب لذا سأكتب إسم المطرب المأخوذ عنه النص في صدر الطقطوقة أتمنى أن يكون قد حالفني التوفيق وأن يكون هذا العمل مدعاة وأداة مساعدة لإقبال الناشئة على هذا الفن الراقي الأصيل.

1

ليلة ما جه في المنتزة
السلطانة منيرة المهدية
لحن : محمد القصبجي

ليلة ماجه فى المنتزه

يا دوب قعدنا والكاس فى إيدنا

وهف هف طلع النهار

بعت له وقلت له

تعالى تانى آيس وجانى

وهف هف طلع النهار

لما خطر من السعادة

ميل عليا وباس ايديا

وهف هف طلع النهار

شاف وردتين فوق وجنتين

واحده لمسها والتانيه باسها

وهف هف طلع النهار

أقولك إيه واعيدلك إيه

كلام فى سرك بعدين أقولك

وهف هف طلع النهار

آدي اللى كان جنب الريحان

والتمر حنه قال ننــه ننـه

وهف هف طلع النهار


الروابط
منيرة المهدية

[Islam Eidrisha]

2
حبك يا سيدي
السلطانة منيرة المهدية

حبك يا سيدي غطى ع الكل

ارحم فؤادي يكفاني ذل

النبى ترحم

قولوا لى إيه أحوال الحب

غير البكا وعذاب القلب

يارب توب عليا يارب

واقول أنا حرمت أحب

النبى ترحم

إيه اللي نابني من حبي

غير البكا وعذاب قلبي

وده شيء يحير ياربى

أنا دبت والله وإيه ذنبي

والنبي ترحم

الروابط

[Islam Eidrisha]

3
يا زهر البساتين

السلطانة منيرة المهدية

يازهر البساتين الشيلة بتلاتين

والصحبة بمليم والحزمة بعشرين

خلاقه عظيم

أنا جوه البستان غنى لي الكروان

والغصن اتمايل والفل يخايل

والورد أهو فتح والياسمين صبح

والزهر منور على بختي بدور

شوفولي ياريحان يا حارس يا أمين

من بعد البورصة أنا ابيع واتوصى

وإمتى سلامة ييجي بالسلامة

ويجينا الشاطر مجبور الخاطر

وحياة المرسي مركبنا حاترسي

نظرة يابوالعباس يا حامي المساكين

دي صحبة لمة من زهر الأمة

أنا وفقها مين حيفرقها

ربطتها متينة ودي أجمل زينة

ارشقها في صدرك كايد بها ضدك

تغنيك عن رتبة وكبشة نياشين

الروابط

[Islam Eidrisha]

4
تعالى يا شاطر
الست نعيمة المصرية

كلمات : بديع خيري
لحن : الشيخ زكريا أحمد

اسطوانات بوليفون
الست نعيمة المصرية

تعالى يا شاطر نروح القناطر

هاودني ودينك ما تكسر لي خاطر

هات القزازة واقعد لاعبني

دي المزة طازة والحال عاجبني

هنيني بخفتك واسقيني بذمتك

في قربك يا غالي أغني الليالي

كمل صفايا وانت مآنسني

حلفت عدايا إلا تعاكسني

إن لاموا وطولوا خليهم يفلفلوا

في يوم التصافي ما يسعد خلافي

يا روحي يا ست نعيمة

رضاك عليا ما دام أنوله

يتم ليا وصلك واطوله

أنا ديني وملتي إخلاصي ومحبتي

ده حبك عبادة وقربك سعادة

الروابط

[Islam Eidrisha]

5
يا ميت مسا

الست نعيمة المصرية

يا ميت مسا يا ميت مسا

على العيون الكويسة

الحلو ده ليه بيتعاجب

و العين بتغمز بالحاجب

شرب المدام منه واجب

والورد على خده اتنشا

يا ميت مسا

شغلت بالي يا مدلع

وانا بحبك متولع

أطلب وصالك تتمنع

ما تقول لي إيه بعد الخشا

يا ميت مسا

يا حلو قول لي إيه قصدك

الكل نظرة من فضلك

والله ان جافتني انت وأصلك

ده الحر طبعه الفرفشة

يا ميت مسا

يا حلو قول لي زعلان ليه

وفي المحبة تطلب إيه

بالوصل ده مش راضي ليه

تخلي روحي منعنشة

يا ميت مسا

الروابط

[Islam Eidrisha]

6
لك عليا لما تجيني
تبقى ليلة أبهه

الست نعيمة المصرية

لك عليا لما تجيني

تبقى ليله أبهه

ياجميل انت وغرامى

والوداد أسباب هيامى

والبعاد حرم منامى

ارحم إللي تحبها

فين ليالينا اللي راحت

دي عليها عيني ناحت

والدموع بالوجد باحت

ولا ليله نمتها

استمنى لو أقول

والنسيم يعمل رسول

بس خايفه للعزول

يحرم الروح أنسها

الغرام والحب دايم

ارحم القلب اللي هايم

غصباً عن كل لايم

تبقى عشرة لأختها

الروابط

[احمد الديب]

المشاركة الأصلية كتبت بواسطة Islam Eidrisha

4
تعالى يا شاطر
الست نعيمة المصرية

كلمات : يونس القاضي
لحن : الشيخ زكريا أحمد

اسطوانات بوليفون
الست نعيمة المصرية

تعالى يا شاطر نروح القناطر

هاودني ودينك ما تكسر لي خاطر

هات القزازة واقعد لاعبني

دي المزة طازة والحال عاجبني

هنيني بخفتك واسقيني بذمتك

في قربك يا غالي أغني الليالي

كمل صفايا وانت مآنسني

حلفت عدايا إلا تعاكسني

إن لاموا وطولوا خليهم يفلفلوا

في يوم التصافي ما يسعد خلافي

يا روحي يا ست نعيمة

رضاك عليا ما دام أنوله

يتم ليا وصلك واطوله

أنا ديني وملتي إخلاصي ومحبتي

ده حبك عبادة وقربك سعادة

الروابط

العزيز اسلام كل الشكر لجهودك الطيبة
اسمحلي بتصحيح بسيط وهو خطأ منتشر على شبكة النت كلها ويمكن أصل الخطأ مرجعه هنا منتدى سماعي فهو اصبح المرجع للجميع كما حددنا في احد اهدافه عند تأسيسه
كلمات هذه الطقطوقة لبديع خيري وليست ليونس القاضي
ومرة تانية كل الشكر والمحبة

[saadyousefh]

والله يعجز اللسان على الشكر لكم على الجهد الرائع متعكم الله بالصحة والعافية

[مجدى مصطفى موسى]

السيد الفاضل إسلام طه ، سلام الله عليكم ورحمته وبركاته ، أنا أحد عاشقى ومدمنى موقع سماعى الذى أعتبره درة درر المواقع الغنائية على شبكة النت ، وأنا من عاشقى الغناء الوسطى الذى يبدأ بأم كلثوم وعبد الوهاب وينتهى بنهاية السبعينات ، وإنى أحتفظ على جهاز الكمبيوتر خاصتى بما يعتبر بالنسبة لى ثروة غنائية غالبيتها من ثلاث مواقع هى سماعى زرياب وزمان الوصل ، وهى ثروة يتعدى حجمها ال500 جيجا ، معظمها من سماعى بالطبع ، ولقد أثارنى إهتمامكم الكبير ومجهودكم الفائق فى تصنيف وتجميع ألوان الغناء المصرى القديم خاصة فى العقود الثلاثة الأولى من القرن الماضى ، وأعجبت غاية الإعجاب بهذا المجهود الجبار الذى أغبطك عليه ، ولأن التنظيم وحسن الترتيب هم للأسف الشديد من صفاتى التى ولدت بها وراثة من جدى لأمى ، فلقد قمت بمراجعة جميع ملفات رواد عصر النهضة فى سماعى وزرياب وزمان الوصل التى أحتفظ بها ، وعمل فهرس شامل لمعظم الأغانى التى تشملها هذه الملفات مع تصنيفها كما هو مذكور فى كل موقع ، واجتهدت فى تصنيف بعض الأغانى التى لم تكن مصنفة ، كما سجلت البعض الآخر الذى يفتقد التصنيف ، ولعلى لا أكون مبالغا إذا قلت لسيادتكم إن عدد الطقاطيق التى تم حصرها بالنسبة لى يصل عددها إلى حوالى 800 طقطوقة ، وإنى إذ يشرفنى أن يتم التواصل مع سيادتكم لعرض ما توصلت إليه وكيفية تحميله على موقع سماعى إذا رأيتم أنه يستحق ذلك ، وختاما لك منى التحية والسلام ، وفى انتظار رد سياتكم .. والسلام مجدى مصطفى موسى

[ماجدون]

دور او موشح او طقطوقة
سمعته زمان فى فيلم المظ وعبده الحامولى
من كلماته بلبل وعجب -عليه العوض-حبا وكرم
عايز كلماته او بيقولو اية او اسمه
الموشح فى اخر الفلم على العود مع المجموعة لما دخل عليهم البوليس
المقطع
http://www.4shared.com/mp3/jMpy9Z-Nba/__online.html