طلبات نوتة أ / عادل صموئيل الجزء الثانى

[Anitta]

اكيد حضرتك عندك حق هو اصلا حتى المدرس مش عندوا استعداد كل اليهموا ان الاغنية تتعزف زي ما هو عايز من غير ميفهم القدامة الطلب بتاعة او الملاحظة
يعني النهاردة قال عايز اعمل اغنية حاجة حلوة من الحلن عمر خيرت انا كنت عارفاها من النوتة الحضرتك كنت كتبتها
كل القالو حلوة بس اعزفيها كمان بالايد التانية قصدوا يعنى سلم فا من غير ما يقولى علية و انا قاعدة احاول معها مش عارفة فهدور على حد يكون عاملها توزيع بسلم فا يساعدني حتى اكيد ممكن الاقي حد عاملة هنا

[memahima]

استاذ عادل كالعاده حضرتك اللى بتخرجنى من الزنقات دى انا عاوزه اقدم فى شغل للكويت وكنت عايزه نوته للنشيد الوطنى بتاعهم ياريت حضرتك تساعدنى
ماشى بس حد ينزل لىالملف الصوتى وانا تحت امرك
مع اطيب تحياتى

[عاصم المنشاوى]

[SIZE="4"][/SIZE]لما كنا صغيرين
كان لينا مكان صغير دايما تقابلني فيه
لما كنا صغيرين
كان لينا حلم أخضر في قلوبنا عيشنا بيه
فاكرة يا حبيبي فاكرة
فاكرة زهر البنفسج فاكرة ضل الشجر
فاكرة لمسة أيديك
و حنان نظرة عينيك
فاكرة ومش ناسية أبدأ
أيام ما كنا نسهر نتونس بالقمر
أيام ما كنا نسهر يضحك لينا القمر
نتونس بالقمر .. يضحك لينا القمر و نغني مع القمر
و أتغير الزمان .. و أتبدل المكان أتبدل المكان
لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي
و أن خدعتني الأماني .. أو ضاع حبي في ثواني
أرجعلك أنت تاني .. تاني
يا صاحبة المكان .. يا أقوي من الزمان
ألأيكي يا مصر أنتي يا حبيبتي زي ما أنتي
ألأيكي يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شيء يتغير ... و أحنا بتكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا
رحت تاني للمكان ... فكرني بكل حاجة و بأحلى سنين هوايا
رحت تاني للمكان .. لقيت أثنين بدالنا عايشين نفس الحكاية
ضحكة مالية عنيهم رعشة بينه في أيديهم
عايشين نفس البداية
ضحكتهم يا ترى ... فرحتهم يا ترى ....هيخليها الزمان
دنيا و بتلف بينا... ترسم ضحكة عنينا
و تدينا الأمل .. نغني للأمل و نعيش ويا الأمل
و يتغير الزمان .. يتبدل المكان
لكن يا مصر أنتي .. يا حبيبتي زي مانتي
جميلة زي ما أنتي و أصيلة زي ما أنتي
و أن خدعتني الأماني .. أو ضاع حبي في ثواني
ارجعلك أنت تاني
يا صاحبة المكان .. يا أقوى من الزمان
ألأيكي يا مصر أنتي يا حبيبتي زي ما أنتي
ألأيكي يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شىء يتغير .. و أحنا بنكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا .... بنحبه كلنا !!


كلمات:مصطفى الضمرانى تلحين المرحوم الراحل: عمّار الشريعى غناء:شادية

أستاذ /عادل ...أيه رأىى جضرتك...مساء الخير عليك؟

[نور الصباح]

[QUOTE=عاصم المنشاوى;614727][SIZE="4"][/SIZE]لما كنا صغيرين
كلمات:مصطفى الضمرانى تلحين المرحوم الراحل: عمّار الشريعى غناء:شادية
أستاذ /عادل ...أيه رأىى جضرتك...مساء الخير عليك؟

ssssssssssssssssssssssssss
حبــــــــــــــــيب قـــــــــــــلبى وحبــــــــــــــيبى
الأســـــــــــــــــــتاذ
عاصـــــــــــــــــــــــــــــــــــــــــــــــ ــــم المنشـــــــــــــــــــــــــــــــــــــــــــــ ـاوى
مســــــــــــــــاء الفــــــــــــل - بضم الفاء مش بكســــــــــرها
نشــــــــــــنت ونيشــــــــــــــــانك رشــــــــــــــــــــق ( زينات صدقى )
نشــــــــــــــنت يــــــــا فالـــــــــــح ( استيفان روستى )
برافـــــــــــــــــــــو عليكـ ( أحمد عبدالله )
وشكرررررررررررررا
أخوكم
نور الصباح

[ياسمين سمير]

أستاذنا العزيز عادل أرجو منكم أن تساعدوني في البحث عن نوتة لفي البلاد ياصبية غناء عبد الحليم حافظ لحن محمد الموجي ، بأقصى سرعة للضرورة ------ أفيدووني

الاخت العزيزة
اولا اهلا بكى فى صفحتنا المتواضعة
ثانيا النوت اللى بتطلوبها مش موجودة اصلا عندى مسبقا ولكن بدونها لكم يعنى ان شاء الله حابتدى لك فيها فوراً
لأن الروح الوطنية مطلوبة جدا بالذات فى الايام السوداء اللى بتمر على مصر لأول مرة خلال 7 آلاف سنة
وانا بشوف الاحداث المؤلمة ... والخايبة ,,, والخبيثة احيانا والكذب كثيراً ومحاولة مش احتلال مصر ولكن مسح مصر من على وش الخريطة الحضارية وجعلها خرابة ينعق فيها البوم والغربان ... وتحويلنا من عباقرة العالم الى رعاة غنم ,
ومحاولة مسح اغلى ما نملكه كمصريين وهو عقولنا التى بهرت العالم على مر العصور .. ولكن مش عارف اصلهم مش بيقروا تاريخ .. فين الهكسوس فين التتار .. فين الانجليز فين الفرنسيين ... فين الاتراك ( واقصد طبعا الاتراك اللى بهدلونا مش الاتراك اللطاف بتوع المسلسلات ) ... مصر لقمة شهية للطامعين لكن عمر ماحد على مر العصور قدر يبلعها ... وقفت فى زورة وطلعت روحه وجابت اجله والحمد لله ... مصر مقبرة الغزاة ومش حاتتكسر ابدأ لا فى عدوان من الداخل ولا عدوان من الخارج وآسف للأطالة لأن عندى كلام اد كده 200 مرة محبوس
وطالما حضرتك مهتمة بالوطنيات ممكن ادخلى اى مشاركة للأخ العزيز هيثم الصالحى هو عامل فهرس جميل لكن مدوناتى ممكن تدخلى تشوفى حتلاقى ان شاء الله حاجات تعجبك
مع اطيب تحياتى

[المنير]

السلام عليكم و رحمة الله

رحم الله الفقيد عمار الشريعي و إنا لله و إنا إليه راجعون. و بهذه المناسبة الأليمة أقدم أحر التعازي إلى الأخ عادل باشا صموئيل و إلى كافة الشعب المصري الشقيق.

[عادل صموئيل]

لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

لما تسمع اللحن ده تحس اد ايه الوطنية عند الفنان .. يعنى مفيش اى مكسب او مادة ممكن تدى الاحساس القوى ده الا الحب
وهنا عمار قدم شادية فى لون جديد غير شادية قبل
طبعا انا ما كتبتش التوزيع .. لما تسمع عمار دايما تلاقى شفرة لازم حد يفكها وهى علامات التحويل الجميلة اللى بتدخل فجأة ... لكن الحمد لله انا هنا فكيت الشفرة واقدم لكم اللحن فى منتهى السهولة

مع اطيب تحياتى

[salhi_haithem]

المشاركة الأصلية كتبت بواسطة عادل صموئيل

احبائى
اقل كلام ممكن نقوله عن الفقيد العزيز عمار الشريعى
انى اقدم لكم اللحن ده

اقوى من الزمان
للفنانة شادية

مع اطيب تحياتى

السلام عليكم جميعا
الاخوة الاعزاء استاذ عادل شكرا لتدوين تحفة شادية "اقوى من الزمان" وأردت ان اتكلم على اللحن فهو غريب جدا حيث من اول ما تسمع اللحن تقول انه لجمال سلامه و ليس لعمار الشريعي لانه الستايل متاع الاغنية نسبيا يشبه ستايل جمال سلامه مثل اغنية ال جاني بعد يومين, و حقيقة فيه مفارقات غريبة في الموسيقى ...
هيثم

[عاصم المنشاوى]

تسلم ايديك ياجميل

وبتزعل لما بنقول عليك .....الكينج....الكبير....البرنجى فى عطائه....البرنس فى شياكته.....متشكرين يافنان

الأخوة العرب ...مش أنانية مننا طلبات اغانى وطنية...بس الظروف بتفرض نفسها...معلشى

اخى العزيز
لو تتخيل كل الاخوة العرب بيحبوا الاناشيد والاغانى الوطنية المصرية يمكن اكتر مننا ودى حاجة انا لمستها على الطبيعة ... يعنى قول اى اغنية تلاقيهم حافظينها
واقول لك على السر : انا قبل كده قلت ان عبقرية العمالقة ايه ؟
انه لما بيعمل اغنية عاطفية لمطرب كل عشاق المطرب ده فى كل الدول بيحبوها
العبقرية انه لما بيعمل اغنية وطنية او اغنية دينية بيعملها حلوة بنفس حلاوة العاطفية
وده بيخلى عشاق المطرب بيحبوها برضه زى العاطفية
بمعنى ان لو ملحن فاشل بيتعب نفه فى الاغنية العاطفية لكن فى الوطنية اهه كلام وطنى وخلاص ويعمل لحن كل شىء كان او بيعمل اغنية دينية فيها كلام دينى والناس بتاخدها وخلاص واللحن يطلع ماسخ مالوش طعم ودى تسمعها فى الاذاعة كتير
لكن العملاق لما بيعمل الاغنية الوطكنية ده عشان يقوى الشعور بالوطنية والاغنية الدينية بتقوى المشاعر الدينية الصحيحة وللعلم زى ما انتم عارفين ان قوة الاغنية
اكتر من قوة الوعظ والخطابة مليون مرة وبالذات لما يكون الكلام واللحن والاداء عبقرى
مع اطيب تحياتى عادل صموئيل

[armendo]

الأخت العزيزه ياسمين سمير ... نظرا لشدة احتياجك لنوتة لفى البلاد ياصبيه اليك النوته ارجو ان تفيدك الى ان يدونها الأستاذ عادل قريبا ان شاء الله.
مع ارق تحياتى

احمد (ارمندو)

اشكرك اخى العزيز ارمندو
هو انا ابتديت ادون فيها ويمكن تخلص على بكره ان شاء الله
انا الاول دونتها على السرعة 100 زى النوتة اللى انت منزلها بس لقيتها حاتبقى مكلكعة يعنى عايزة محترفين اوى واعدت تدوين الجزء اللى كتبته تانى على سرعة 150 وطلعت اسهل كتير .. وهو كويس ان يبقى نسختين من النوتة وكل واحد يختار اللى تمشى معاه اسهل
مع اطيب تحياتى عادل صموئيل