احبائى
اقدم لكم كنز منسى من كنوز محمد عبد الوهاب انا اعتبرته كوب ماء بارد فى صحراء قاحلة فى عز الشمس , يعنى تخيل فى الزمن الل احنا فيه بعد ما نضب التلحين والانتاج اللى بيطلع بقا تحت الصفر بدرجات لما تلاقى اغنية منسية 98% من الناس ماتعرفهاش اعتقد تبقى كنز مش كده ولا ايه ؟ اغنية :
قابلته .. وياريت ما قابلته ..
الاغنية دى اتعملت سنة 1958 بس ما نالتش حظها من الشهرة زى كل اغانى عبد الوهاب واتنست .. طبعا انا لما اكتشفتها انا مافيش حاجة بتعدى عليا وخلاص .. ازاى اغنية ل عبد الواهب وسنة 1958 لما كان عبد الوهاب فى عز مجده ان الجمهور ما يتقبلهاش .. وعبد الوهاب اصلا يعنى عمره ماعمل اغنية وحشة او دون المستوى .. يعنى الاختلاف بينى وبين املدونين الاخرين اهم ميزة فيا انى كنت عايش مع العمالقة دول 20 سنة يعنى حفظت طريقتهم ف كل حاجة وقدرت اوصل لأى سؤال لو انت سألته لواحد منهم حايجاوب يقول ايه ... ايه ال خلا اللحن ده يموت .. وده موضوع يتعمل فيه ماجستير او دكتوراه .. اكتشفت السر ان عبد الوهاب فى اللحن ده غير طريقته المقدسة فى التلحين .. واى حد لو غير الطريقة ممكن يعمل كارثة .. يعنى انا بسوق سيارة من 57 سنة وملتزم لأقصى درجات الالتزام اللى يخلينى اكون سواق مثالى يعنى ممكن اعلمك ازاى تسوق السيارة صح .. مرة غيرت طريقتى عملت حادثة .. يعنى من اهم تعليمات السواقة انك لو ماشى فى طريق سريع على سرعة 90 كم لازم تخلى بينك وبين السيارات الى امامك 30 متر اسمها المسافة الامنة , ولو السرعة زادت بقت مثلا 120 كم لازم المسافة دى تبقة 50 متر .. فى اليوم ده انا غيرت طريقتى عملت زى ما بيعملوا كل السواقين فى مصر قربت اوى من اللى امامى وفجأة السيارةى الاولى فى الطابور وكان وراها عشر سيارت وانا وراهم .. فجأة طلع لها سيارة من طريق جانبى راحت اصطدمت بيها وكلنا خبطنا ف بعض وسيارتى اتكسر من الامام .. ده ليه عشان انا غيرت طريقتى الصح فى السواقة .. نفس الكلام عمله عبد الوهاب ... كان وقتها كل الاغانى بدون توزيع يعنى لحن واحد عشان كده لازم يبقى الجحمل الموسيقية جميلة اوى اوى لأن ما فيهاش حاجة بتسندها .. بعكس الموسيقى الغربية مكمن تسمع سيمفونية الجمل الموسيقية الى فيها مش حلوة لكن عبقرية التوزيع بتخليها حلوة .. كان عبد الوهاب طريقته مع الالحان الموزعة .. ان كان بيجيب اندريا رايدر كان وقتها اللحن بيتوزع ب 25 جنيه ... مكانش يعنى بيخليه يشتغل بالفلوس يعنىكان مكمن يوزع اللحن كله بالمبلغ ده لكنه كان ذكى ... الجمهور مش متعود يفهم التوزيع الى بيفهمه فقط اللى دارسين موسيقى او اللى متعودين يسمعوه منذ طفولتهم زى الأوربيين ... لكن الناس العاديين انت لو سألت مواطن سمعت سيمفونية حايقول لك مش اللى بيخبطوا دول ؟ لأن فيه 12 خط لحنى فوق بعض والجمل بتتداخل ماحدش يفهم الل بيحصل غير انك تكون دارس موسيقى اومتعود علىالنوع ده من طفولتك .. كان عبد الواهب بيعمل جملة واحد فيها نغمات طويلة والخبث هنا ... ليه نغمات طويلة ؟ عشان المستمع العادى يقدر يسمعها ويحفظها ولما التوزيع يركب عليها المستمع العادى جدا جدا يقدر يميز الجملةى من التوزيع وبيحفظ الجملة يعنىانت لو بتعزف عود مثلا وتسمع وطنى حبيبى الوكن الاكبر فيه الكلام اللى بقوله الجملة اللى عليها توزيع نغمات طويلة تقدر تعزفها بالعود ومالكش دعوة بالتوزيع لأن مكانش مسموحج ان التوزيع بيتداخل مع اللحن الاساسر ( وشوف عبقرية القصبحى فى انا قلبى دليلى توزيع اوركسترا سيمفونى كامل 120 عازف لكن تحت اللحن الاساسى وانت ممكن تعزف اللحن كامل بالعود ) فهمتم قصدى ؟ يعنى التوزيع ده سلاح ذو حدين ممكن يجمل اللحن وممكن يدمر اللحن .. انا لما سمعت اللحن بتاع الناهردةاول مرة قلت ما ينفعش يتكتب يعنى سمعت المقدمة ولما جيت اسمع موسيقىالكوبليه الاول والتانى حسيتهم مختلفين لكن لما قعدت وقلت حاكتبها يعنى حكتبها .. الكتشفت اكتشاف خطير ان موسيقى الكوبليه الاول والتانى هى هى نفس المقدمة لكن التوزيع فيها كان شديد جدا ومتداخل اوى مع الجملة بحيث انه مسح معالمها يعنى اللحن بقا بتاع اندريا مش بتاع عبد الوهاب .. وعند الكوبليه التانى بالغ ف الصعوبة وكان الجملة ى فيها 5 دييز ودىعمرها ماحصلت فى الموسيسقى الشرقية يعنى اعلمك حاجة .. وانا بدون اى اغنية فيه محظورات وخطوط حمراء .. يعنى لازم اللحن مايكونش اكتر من 4 بيمول ومايكونش اكتر من 2 دييز وممكن كمان دييز تالتة تكون علامة عارضة مش سلم 3 دييز ليه والكلام ده كله مايتخطاش جملة واحدة .... احنا اهم حاجة زى ما انتم ملاحظين الكمنجات .. لازم نريحهم عشان حروفهم تبقى واضحة وده بيسلطن المطرب .. فى الغربى هم متعودين على السلالم الصعبة عادى جدا لأن فى الغربى العازف بينفذ النوتة اللى امامة بصرامة شديد والتزام يعنى التعبير البيانو والفورتى ومابينهم وحركة القوس مكتوبة واى اضافات بتتكتب فوق النوتة او تحتها لازم يكون ملتزم بيها يعنى مثلا لو نوار فوقها نقطة بتتعزف كروش اس عندنا فى الشرقى مافيش الكلام ده ايوه بنلتزم بالقواعد لكن لازم العازف بيعزف وهو مستريح مسترخى لأن اهم حاجة يكون العازف متسطلن وبيحب اللى بيعزفه وده سبب الطرب الخطير فى فرقة ام كلثوم مثلا .. المهم .. انا حبا فى عبد الوهاب الل لحم كتافى من خيره .. دونت اللحن وشلت منه التوزيع الى دمره يعنى عملت الحن كأنه خارج من بيت عبد الوهاب واقدمه لكم واكرر ان لحن ل عبد الواهب فىزمن الالحان فيه ماتت اعتقد يبقىكنز يضاف الى التحف التراثية بيس الكوبليه الاخير صعب اوى وفيه ناس بتحب الصعب .. وطولت عيكم وحاولوا نزلوا اللحن من ع النت واسمعوه كويس قبل ماتعزفوه و مع اطيب تحياتى
رد: طلبات نوتة أ / عادل صموئيل الجزء الثانى
العرض العادي
