كلمات بعض الأغاني - للموسيقار محمد عبدالوهاب

[ليلى ابو مدين]

يا مسافر وحدك
غناء محمد عبد الوهاب ـ كلمات حسين السيد

يا مسافر وحدك وفايتني ـ ليه تبعد عني وتشغلني
ودعني من غير ما تسلم ـ وكفاية قلبي أنا مسلم
دي عينيه دموعها بتتكلم ـ يا مسافر وحدك وفايتني
على نار الشوق أنا حاستني ـ واصبر قلبي واتمنى
على بال ما تجيني واتهنى ـ طمعني بقربك واوعدني
خايف الغربة تحلالك ـ والبعد يغير أحوالك
خليني دايما على بالك ـ يا مسافر وحدك وفايتني
مهما بعدك حايطول ـ انا قلبي عمره ما يتحول
حافتكرك اكثر مِ الاول ـ بس انت اياك تبقى فاكرني

[ليلى ابو مدين]

ست الحبايب
غناء محمد عبد الوهاب ـ كلمات حسين السيد

ست الحبايب ياحبيبه ـ يااغلى من روحي ودمي
ياحنينة وكلك طيبة ـ يارب يخليكي يا أمي
زمان سهرتي وتعبتي ـ وشلتي من عمري ليالي
ولسه برضه دلوقتي ـ بتحملي الهم بدالي
انام وتسهري ـ وتباتي تفكري
وتصحي من الآدان ـ وتيجي تشقري
تعيشي لي ياحبيبتي يا أمي ـ ويدوم لي رضاكي
أنا روحي من روحك انت ـ وعايشه من سر دعاكي
بتحسي بفرحتي ـ قبل الهنا بسنة
وتحسي بشكوتي ـ من قبل ماأحس أنا
يارب يخليكي ياأمي ـ يارب يخليكي ياأمي
لو عشت طول عمري أوفي ـ جمايلك الغاليه علي
أجيب منين عمر يكفي ـ وألاقي فين أغلى هدية
نور عيني ومهجتي ـ وحياتي ودنيتي
لو ترضي تقبليهم ـ دول هما هديتي
يارب يخليكي ياأمي ـ ست الحبايب ياحبيبة

[ليلى ابو مدين]

لأ مش أنا اللي أبكي
كلمات حسين السيد

لأ مش أنا اللبكي ولا أنا اللي اشكي
لو جار عليا هواك
ومش أنا اللي واقول عشان خاطري
ولا ليا حق معاك
تبقى انت هاجرني وانت اللي ظالمني
وفاكرني ح ترجاك
أنا قلتها كلمه وكل شيء قسمه
ودي قسمتي وياك
وكفايه قلبي انشغل على قلب خان الأمل
وعايزني أرجع تاني لا أرجع لك تاني لا
من كم سنه لما دار الهوى بينا
فاكر احنا قلنا ايه
مش دى راحة قلبي ولا ده أمل حبي
اللي اتفقنا عليه
إشمعنى انا عهدك صنته ورعيت ودك
والعمر ده حواليه
لكن اللي بيحبك مالوش تمن عندك
والغالي يرخص ليه
أنا راح زماني هدر ولا كانش عندك خبر
وعايزني أرجع تاني لا أرجع لك تاني لا
أنا مش بعاتبك دلوقت أنا بدي اقول ليه ده يحصل
علشان نهايتك ونهايتي كان يجري ايه لو كانت اطول
غيروك ..علموك تنسى وتبيع اللي كان
بعته ليه .. تنسى ليه فين حبيبي بتاع زمان
فين قلبك من حبي ليه ماسكنش جنبي
كان مشاركني ف عمري ونسى يشارك قلبي
ما قدرش يعرفني ما عرفش يفهمني
وعشان ايه ما عرفش ده ذنبك مش ذنبي
بيقى انت هاجرني وانت اللي ظالمني
وفاكرني ح ترجاك

[ليلى ابو مدين]

يا ناسية وعدي
محمد عبدالوهاب

يا ناسية وعدي دنا من بدري مستني توافيني
قاعد لوحدي، أفكّر فيكي.. واستنّى تزوريني
أصبَّرِ القلب وأقول دلوفتِ حاتهَنّى بنور عيني

إن رضي المحبوب دا العذاب أرضاه
دا الهوان مكتوب للفؤاد وياه
يا حبيبي طال غيابك ليه.. ليه ياحبيبي

خالفتِ ليه الميعاد إيه اللي نساكي مواعيدي
الورد راح يدبل وانا اللي بقطفه بإيدي
والشمع راح ينطفي وأبكي في ليلة عيدي
يا ترى المحبوب طال غيابه ليه
دا الفؤاد حيدوب لانشغاله عليه
يا حبيبي طال غيابك ليه.. ليه.. يا حبيبي

[ليلى ابو مدين]

هجراني ليه
عبد الوهاب

هجراني ليه ظالماني ليه إيه بس ذنبي وياكِ إيه
يا روضة الحسن الفتان ليه تمنعي وردك عني
وليه غرامك كله هوان وغيري يبقى متهني
إيه بس ذنبي

أبات أعدّ نجوم الليل وأقول لها همومي زيادة
يا قلبي يا ما أسيت الويل يا عيني دمعك بقى عادة
أبات حزين واصبح مشغول والذل في هواك سعادة
إيه بس ذنبي

حبيت كتير قبل ما حبك وكنتِ متهني في حبي
وبعدها وقعت في حبك ما قدرش أحكم على قلبي
وشفت منك كل هوان وبرضه مسترضي بغلبي
إيه بس ذنبي

[ليلى ابو مدين]

القلب يا ما انتظر
محمد عبد الوهاب

القلب يا ما انتظر يا نور عيوني عطفك عليه
وكان يا روحي عنده أمل ترحم عذابوه وتعود إليه
القلب داب من البعاد وإمتى بس يوم العتاب
البعد يصعب على الحبيب لو كان حبيبه يميل إليه
والهجر نرضاه من الحبيب ما دام قلوبنا ما بين إيديه
دنا كنتِ فاكر بعدك عني يقسّي قلبي واسلا هواك
أتاري بعدك عني شغلني وخلا عقلي طاير وراك
آهات
البعد يصعب على الحبيب ما دام حبيبه يميل إليه
وليه يا روحي تحبي نوحي وليه يا روحي الغياب
القلب داب من البعاد وإمتى بس يوم العتاب
******

[ليلى ابو مدين]

مريت على بيت الحبايب
عبد الوهاب

مريت على بيت الحبايب. من اشتياقي أناجي أهله
مادام مليك القلب غايب. وفي التلاقي يبخل بوصله
وقفتِ لحظة هنيّـة. من غيــر عزول أو رقيب
أنعِش فــؤادي وعنّي. بجوّ فيــــهِ الحبيب
آديني صابر لما هجرني. وإن شاء يجافي أخضع لأمره
آديني شايف بعيني. كل اللي شايفه بعينه
والنسمة بيني وبينه تنقلّه شوقي لعيونه
وليه يبقى طول أنيني. دا الليل سحرني سكونه
قلتِ يمكن اللي هاجرني. يكون وقوفي على غير مراده
مشيت انوح والليل ساحرني. بقلبِ باكي صاين وداده.

[ليلى ابو مدين]

يا ما بنيت قصر الأماني
عبد الوهاب

يا ما بنيت قصر الأماني وكنت أقول سعدي وافاني
لما انتهى عش الغرام الزهرِ نوّر عالغصون
والقلب نال كل المرام والنسمة حليِت للشجون
غاب الحبيب. ولا ليّه نصيب.
أسهر معاه. أنعش بقربه خيالي
وافرح معاه وأقول زماني صفالي
إيه فايدة البدر الزاهي من غير أنيس؟
إيه فايدة الروض الباهي من غير جليس؟
إزاي أعيش في الدنيا دي من غير ما يتهنّى فؤادي
إيه هنا الروح الحيران من غير حبيب يعطف عليه؟
وفين صفا القلب الولهان إن غاب حبيبه عن عينيه
يا نوال فين عيونك اشتكي لك هم قلبي وظلم حالي
يا نوال فين يمينك تسعدي قلبي على طول الليالي
ليه هجرتيني وفوتيني تعالي ارحمي دمعي وردي لي آمالي
أنا كنت أحب الحياة وطيف خيالك نديمي
والقلب ودّع مناه ودّعت منها نعيمي

[ليلى ابو مدين]

لا تكذبي
عبد الوهاب

لا تكذبي إني رأيتكما معا
ودعي البكاء فقد كرهت الأدمعا
ما أهون الدمع الجسور إذا جرى
من عين كاذبة فأنكر وأدعى
إني رأيتكما.. إني سمعتكما..
عيناك في عينيه.. في شفتيه.. في كفيه.. في قدميه
ويداك ضارعتان.. ترتعشان من لهف عليه
تتحديان الشوق بالقبلات تلذعني بسوط من لهيب
بالهمس، بالآهات، بالنظرات، باللفتات، بالصمت الرهيب
ويشب في قلبي حريق ويضيع من قدمي الطريق
وتطل من رأسي الظنون تلومني
وتشد أذني
فلطالما باركت كذبك كله ولعنت ظني
ماذا أقول لأدمع سفحتها أشواقي إليك
ماذا أقول لأضلع مزقتها خوفا عليك
أأقول هانت؟.. أأقول خانت
أأقولها؟.. لو قلتها أشفي غليلي.. يا ويلتي..
لا، لن أقول أنا، فقولي..
لا تخجلي.. لاتفزعي مني.. فلست بثائر
أنقذتني.. من زيف أحلامي وغدر مشاعري
فرأيك أنك كنت قيدا حرصت العمر ألا أكسره
فكسرته!
ورأيت أنك كنت ذنبا سألت الله ألا يغفره
فغفرته
كوني كما تبغين لكن لن تكوني
فأنا صنعتك من هواي، ومن جنوني
ولقد برئت من الهوى ومن الجنون!!
************

[ليلى ابو مدين]

على غصون البان
عبد الوهاب

على غصون البان عصفورتان تتناجيان
بأعذب الألحان أغانيَ الوجدان
على ضفاف الاغادير عذبَ الخرير تتساقيان
على بساط الزهور خمرَ الهوى والحنان
طير يا فؤادي وغنّي ثم ابكِ عني
واشكُ الزمــان