ليه خيالك .. وأعمال أخرى

[سمير حسين]

..الجن...

اللى يحضّر الجــــــــــن
لازم يصرفـــــــــــــــــه
أحسن ما يــــــــــلزق له
ويلاعبه ويخـــــــــــــوفه
باعدين تسيب مفاصـــله
ويغــــــــــــــــرْق الدنيا
ويشوف له حـــــد يِنََشفه

[سمير حسين]

.. الإحتلال ...

الصبر أصبح شىء مُحال
وتعبنا من طول الاحتمـال
ولإمتى يفضــــــل السؤال
اللى حيرنا وتعبنـــــــــــا
واللى بيمزق ضلوعنــــــا
إمتى حنزيل الاحتـــلال ؟
.....

[سمير حسين]

.... المواطنة ....

فَصْلت خلاص الجلابيـــــــة
وعملت من لونهـــــــا طاقية
من بعد ما كنت واحـد عادى
فى سماعى إًدونى الوطنيــة
.....
ورُوحت سجل الجماليــــــــة
دا مكانى وكنت أنا فيه ساكن
وطلبت أغَيْر بينــــــــــــــاتى
من عضو سمـــاعى لمواطن
....
عملولى الــــــــلازم ومشيت
طـوالى وروحت على البيت
وصحابى قالولى أعمل حفلة
وعملت الحفلــــــــــة وغنيت
.....
جلجلت وأنــــــا واقف أغنى
ضربونى وكمان سيحوا دمى
ديلى فى سنانى وجـــــــريت
وجـــــــــــوه سماعى أتخبيت
وهى توبـــــــة وحرمت أغنى
ما خلاص م العلقـــــة إتربيت
....

ههههههههههه ما هو انت هنا في سماعي مش حتقدر تغني علينا يا شاطر

وهنا مفيش ضرب وغلاوة ربنا هنا فيه ما هو أقصى من الضرب

لأن الضرب ده الشئ العادي كله بيضرب على آلة من الآلات

واللى ما بيعرفش زيي بيعرف ينقر على أي حاجة

بس هنا فيه تقريع وتقريظ وتغليظ

وده أكتر من الضرب

سلمت لنا يا لذيذ يارايق انت يا سمير

[سمير حسين]

.. ليلة امبارح ...

امبـــــــارح كنت ف حالة
ما يعلمها غير ربنـــــــا
الأهلى خسر الكـــــــــاس
واتحرق دمنـــــــــــــــــــا
....
كنت مهيــــــــــــــأ نفسى
وكاتب حاجة جــــــــديدة
علشان أفــــــــرح روحى
بعـــــــــــد المباراة بدقيقة
نسيت كل حاجـــــــــــــة
وكأنه كلام شخــــــابيط
ومسحتــــــــــــه بأستيكه
....
بطلت أشجع كـــــــــــورة
والبركة ف أبو تريكـــــــة
ضيع كبشة أجـــــــــــوان
ماشانا جنب الحيطـــــــة
وآدى جزاء اللى يشجــــع
فرقة تعـــــــلالى يا ويكه
.....

[سمير حسين]

... جزار وشاعر ...

قال لى أنا حقـــــــولك
آخر عمل ليــــــــــــــا
جــــزار وبا أكتب شعر
وبأوصف بحنيــــــــــة
معـــــــرفش جت إزاى
معـــــا إنى مش دارس
أنا قلت له الموهبــــــة
والرك ع ( الّّليْــــــا )

[سمير حسين]

... بالراحة علينا ...

ما أحبش الكـــــــــــــآبة
واللّت فى الكتـــــــــــابة
ولا أحب الفلسفـــــــــــة
واكتب بالارتجــــــــــالة
....
الوزن مش كفـــــــــاية
ناقص عشرين وقيــــة
واكتب قصـــــيدة تانية
سليمة ملــــيون ف مية
....
حا أكتب بالعـــــند فيهم
خمسين موضوع جـديد
وحا أخلى الصح فيهـم
والباقى أرميه بعـــــــيد
....
ما هى موهبة الكتـــابة
مش عند أى حـــــــــد
واللى يعيب عليهــــــا
يبقى وضع له حــــــد
.....
يا أخوانا ادونا فرصـة
نكتب عن أى حاجـــة
ولاّ المثل اللى قـــــــال
احنا ف بــــــــــلدنا لأ
ونسقف للخواجــــــه

[سمير حسين]

.. حبيبتى وحشة قوى ..

زهقــــان أنـــــــــا م الحب
وزهقــــــــــــــت من نفسى
حبيبتى وحْشَه قـــــــــــوى
وهى سبـــــــــــــب نحسى
....
لو جَـــــــه ف يوم عفريت
وشافهــــــــــا فى الضلمة
حيقـــــــــــولى ســـامحنى
أنا شوفتهــــــــــا أتخضيت
...
أنا تُبت على أيـــــــــــــدك
حرمت أبص عليهـــــــــــا
ودقنى أهى لــــــــــو جيت
دى شبه عفريت قـــــــريبى
ساكن معايـــــــــا فى البيت
.....

[سمير حسين]

.. شُفت منام ..

حِلْم ف عز نومـــــــــــه
وعيــــــــــــــونه نعسانه
حبيبته جاية عليــــــــــــه
وهى فرحــــــــــــــــــانه
قــــــــال فسر بقى حلمى
أنا قلت له خــــــــــــــير
بلاش تنـــــام ع الأرض
و ( الوزه ) عــــريانه

[سمير حسين]

.. البخت ..

قلت لهــــــا شوفى الودع
وقــــــــــوليلى على بختى
قالت نجمك جميــــــــــــل
ياختى عليـــــــــــه ياختى
...
الفْــــرح ف طريقك جاى
بُكـــــــــــــره يا دلــوقتى
سبع سنين عَــــــــــــــــدو
ولســـــــــــــــــــه مستنى
...
أصل الحيـــــــــــاة أبخات
تاخــــــــــد يا تدينــــــــــا
وأنا اللى شفته كفــــــــاية
ودى قسمـــــتى وبخـــــتى
...