من أعمال الشاعر ثروت رضوان

[ثروت رضوان]

المشاركة الأصلية كتبت بواسطة عفاف سليمان

استاذى الكريم والمخرج الكبير
والشاعر الرقيق
الاستاذ
((((ثروت رضوان))))
اهدى الى حضرتك وجميع من بالمنتدى ولجميع
المصريين
(مسلميها....واقباطها)
هذه الاغنيه
للمطربه ايمان الطوخى
وهذه كلمات الاغنيه
واتمنى ان تنتهى هذه المحنه على خير
وبفضل الله وعلى بركة الله
دمت لى وللجميع بخير
و
عاشت مصر للمصريين
كلنا مـــصــــر

اختك عفاف

الأخت العزيزة .. عفاف
أعجز عن شكرك على هديتك الجميلة .. دمت بكل خير

[ثروت رضوان]

المشاركة الأصلية كتبت بواسطة ليلى ابو مدين

الشاعر والمخرج الكبير
الأستاذ /ثروت رضوان
كلماتك يا أستاذنا ملخص لحالة كل مصري شريف
يحب مصر ويدعوا الى وحدة أبناءها
كلمات معبرة وصادقه تعلو وتسمو فيها على الجراح
المهم هو مصرنا الغالية نفديها بأرواحنا.
نداء جميل منك لكل من ينتمي الى هذا الوطن الغالي
مصر الغالية
تحيا مصر رغم كيد الخائنين وتعيش حرة أبية
دمت بخيرمع خالص تحياتي
ليلى ابو مدين

الأخت العزيزة .. ليلى
تحياتى إليك ..
حفظ الله لنا الأوطان بعزة ورفعة ورقي ..
دمت بكل خير

[ثروت رضوان]

المشاركة الأصلية كتبت بواسطة سعدالشرقاوى

الاخ الشاعر
الوطنى الفنان
الاستاذ/ثروت رضوان
هنا اوجذتم وواوفيتم
كلمات صادقة ومعبرة
تلامس الوجدان
وتدعو للترابط والوحدة
لك كل تقديرى

أخى وصديقى الزجال الجميل .. سعد الشرقاوى
لا حرمنى الله من مجاملاتكم الرقيقة

[MAAAB1]

مساء الورد

كلما قرأت لصديقنا الأستاذ الشاعر ثروت رضوان

أحسست بروح الكلمات ونبض حروفها

تحياتي ومحبتي لك

[عفاف سليمان]

المشاركة الأصلية كتبت بواسطة ثروت رضوان

جمله حايره

------
مهما كان طعم الليالى
مهما يغدر بى زمانى
موش حافكر إيه جرالى
زى قلبى ف يوم ما حبك
موش بعيد يحب تانى
والأمانى الحلوة تطرح
ألف غنوه م الأغانى
تملا دنيا بحالها فرحة
والساعات تجرى ف ثوانى
والقى عمرى بطوله عدّى
وقلبى سواح ف الموانى
تشده مينا لمينا تانيه
لحد ما يبدأ يعانى
تيجى ترسى بيه السفينه
يلقى شطه الأولانى
وع الشفايف جمله حايره
لسه بتمد ف خيالى
تقول لصورتك جوه فكرى
ونفسى أنطقها بلسانى
مهما كان طعم الليالى
مهما يغدر بى زمانى
موش حافكر إيه جرالى
زى قلبى ف يوم ما حبك
موش بعيد يحب تانى

ثروت رضوان

[email protected]

مين يصدق يبقى دا حالنا
وعوازل تشمت فى غرامنا
لما تروح وتغيب عن عينى
وتحاول تحب غــــــــيرى
طيب لو قدرت اهجــــر
وعلى الاسيه حاولت واغدر
وان قدرت تحب تــــــانى
وتملى حياتك غنى وامـــانى
بردوا هتحن ليه تــــــانى
لهوايا ولحنــــــــــــانى
اصل انا منى مفيش اتنين
والغرام دا مش كلمتين
الغرام كان بينا سنين
متقدرش تبيعه تـــانى
حاول تحب غـــــــيرى
وان كان دا هيبقى مصيرى
هصبر واستنى عليك يا طيرى
ترجع لعشك من تــــانى
روح وحب تانى وتــــانى
ومش هتلاقى زى حنــانى
ولا لعيونى يوم تنسانى
لو فكرت فى غيرى ثوانى
هتلاقى نفسك بروحك معايا
وبتتمنى يوم لهوايـــــــا
وهتحاول ترجع لرضايـــا
وانا هستنى تجينى تانى
روح وحب تانى وتانى
مش هتلاقى حب يا غالى
زى حبى ولا حتى حنانى
وهستنى
ترجع لى تانى
شاعرنا المبدع الرائع
الاستاذ
(((ثروت رضوان)))

اسمح لى بمدخلتى البسبطه
التى كتبتها الان بعد قرأة
كلمات حضرتك
كلمات غايه فى الروعه والجمال
والاحساس الجميل العالى
فى روعة الحب والامانى
سلمت وسلم قلمك
وحسك واحساسك
والينا مزيدا من
هذه الروائع
التى نفتقدها
لك وللجميع
ارق التحيه والتقدير
اختك عفاف

[ثروت رضوان]

المشاركة الأصلية كتبت بواسطة MAAAB1

مساء الورد

كلما قرأت لصديقنا الأستاذ الشاعر ثروت رضوان

أحسست بروح الكلمات ونبض حروفها

تحياتي ومحبتي لك أخي العزيز
أحسن الله إليك وبارك فيك ولك
دمت بكل محبة وخير وسلام

[سلوى خزبك]

مَخْنُوقْ صُوتْ الأَذَانْ

جَرَسْ الكَنَايسْ اتْخَرَسْ

لِيهْ صُوتَكْ يَا ظُلمْ يِعْلى

وصُوتَكْ يَا حَقْ مَا اتْهَمَسْ

فَاكرِينْ صَلاحْ الدِّينْ؟!!

وِعَكَّا وِفْلِسْطِينْ؟!!

بِتْقُولُوا: آه فَاكْرِينْ؟!!

أُمَّالْ سَكَتُّمْ لِيهْ

لمَاَّ سَاقُونى الحَرَسْ

لِلشَّنقْ آخر الليلْ

مِنْ غِيرْ أَذَانْ أَوْ جَرَسْ؟

أم الحضارة

مهمــوم تَمَللى بِهمُــومْ حبيـــبتى
أمْ الحضارة .. عِزَّة وِمَجــدْ
إللى بجــــدارة سَجِّـل تاريـــخها
أهرامْ بنيتها .. ورَفَعْت سـَدْ
بازرعْ وباحصدْ واغزلْ فى تُوبــــها
ولا حد قَدىِّ .. ولا زيىِّ حَـدْ
أصْلى امَّا بَانْــوى أبدأ طُلُــــوعى
بَانشُر قُلوعى .. واخُدْها مـَدْ
أبْنى واعَلِّى وافْـرِدْ ضُلــــــوعى
واشْبَعْ بِجُوعى .. واعْرَقْ بِجَدْ

الشاعر الرائع الاستاذ ثروت رضوان
اعترف بأنى اول مرة ادخل واقرأ سطورك الشعرية
وقدرت خسارتى لعدم قراءتها كل هذا الوقت
فوجدتنى خسرت كثيرا
كلماتك حساسة ومنتقاه وشعرك يدخل القلب بلا حواجز ولا اسوار
وزاد اعجابى بألحان وصوت الاستاذ الالاتى الذى صاغها بمقدرة
تحياتى وتقديرى لكما
واتمنى ان تعود الاغانى الوطنية اللى سابق عهدها
مثلما كانت الاغانى الوطنية العظيمة التى مازالت فى اذهاننا وقلوبنا
مطربينا كسبوا الكثير والكثير من وراء الاغانى العاطفية
ليتهم يدفعوا ضريبة الوطن ويتغنوا بالاغانى الوطنية
التى اوقن ان لغيابها دور كبير
فيما نعانيه الان من عدم الانتماء للوطن والعروبة السائد بين الشباب