اقدم لكم برنامج انكور للتدوين احث نسخة كاملة مع الشرح - الصفحة 9

**حسام الدين 1978** · #81 05/03/2011, 23h49

أستاذي الفاضل / عادل حياك الله انا دلوقتي بكون عايز اكتب نشيد من مقام الراست او من مقام البياتي وطبعا برنامج انكور مش بيكتب في دليله علامات النصف بيمول ولا السيلبيوس ايضا لا يدون بدليله علامة النصف بيمول ولكنه يكتب علي المدرج فقط الحل ايه اعمل ايه دلني علي برنامج يكتب في دليله علامات النصف بيمول وشكرا

حسام الدين أبو جـــنا
الأخ العزيز
مفيش برنامج بيكتب النصف بيمول كدليل لكن انا بتحايل عليها
لو راجعت شرحى لبرنامج انكور من قائمة windows فتحها
تديك قائمة فيها كلمة ballets نزلهم واحدة واحدة ولاحظ انه بينزل واحدة فقط ويقفل القائمة خليك وراه لحد ماتنزلهم كلهم
بعدين من set up ضغط save prefernces عدين اسحبهم واحدة واحدة ورصهم على اليمين الفاضى من الصفحة زى ما انا عامل
تلاقى قائمة اسمها symbules فحصها تلاقى فيها شرطة مايلة
لما تحب تكتب واللحن يتقرأ مقام راست اعمل دليلك 2 بيمول عادى بعدين اضغط على الشرطة دى وحطها على كل بيمول يعنى علامة زائد وسطنها بالتعود حاتطلع حلوة
بس طبعا البرنامج حايعزفها بيمول وده التحايل الوحيد اللى بنقدر نعمله
مع اطيب تحياتى عادل صموئيل

**عزت شحاته** · #82 08/03/2011, 22h36

استازى الجميل/ عادل صموئيل
الف الف شكرررررررررررررررررررررررررررررررررر

**عزت شحاته** · #83 09/03/2011, 18h06

استازنا الجميل / عادل صموئيل
نزلت البرنامج وتمام وكتبت حاجه هانزلها لسعادتك
لكن فيه سؤالين .. ارجوا اجابتهم
كيفية كتابة النقطه اسفل العلامه (الاستكاتو ) ؟
كيفية كتابة القوس اعلى النوتة لتحديد جزء ما (الازمه الموسيقيه)؟
عزيزى عزت
ارجع مرة اخرى لشرحى عن الانكور
فى قائمة ويندوز توجد مجموعة من الباليتات تحتوى على جميع العناصر التى تحتاجها فى النوتة الموسيقية يعنى كل شىء فوق وتحت النغمات
نزل الباليتات وضعها بجوارك فى الجزء الأبيض الفاضى من صفحتك
واعمل بروفة يعنى افتح صفحة وجرب كل ما يوجد فى تلك الباليتات
علما بان كل حرف فى لك الباليتات يمكن تحريكه لضيط مكانه
جرب وانا موجود معاك
مع اطيب تحياتى عادل صموئيل

**بو بشار** · #84 10/03/2011, 12h06

اخى الفاضل عادل صموئيل
لا اعرف ما النسخه التى تفضلت بها للاعضاء الكرام
ولكن لدى نسخه GVOX.Encore.v5.0.1
مع رقم التسجيل
هل تفضل ان ارفقها هنا ؟
ام انكم لستم بحاجة لها

**ابوكارم** · #85 10/03/2011, 12h23

اقتباس:

المشاركة الأصلية كتبت بواسطة بو بشار

اخى الفاضل عادل صموئيل
لا اعرف ما النسخه التى تفضلت بها للاعضاء الكرام
ولكن لدى نسخه GVOX.Encore.v5.0.1
مع رقم التسجيل
هل تفضل ان ارفقها هنا ؟
ام انكم لستم بحاجة لها

اخى الفاضل الاستاذ بو بشار
بعد اذن الاستاذ عادل ارجو تنزيل النسخه لانى بحاجه اليها
لان النسخ الاخرى لاتعمل كامله معى
ولك كل الشكر
ابوكارم

**عادل صموئيل** · #86 10/03/2011, 15h24

الاخ العزيز
طبعا لا مانع من تنزيل النسخة اولا لأن بعض الاجهزة الحديثة قد لا تتعامل مع الاصدارات الأقدم
ولكن انبه على ملحوظة ان برنامج الانكور هو هو يعنى النسخة الحديثة هى نفسها النسخ السابقة دون اضافات يعنى لا حاجة لك ان تنزل النسخة الحديثة طالما نسختك تعمل كما ينبغى وبالذات للذين يتعاملون مع اشخاص آخرين
بمعنى انا اشتريت احدث جهاز كمبيوتر من 6 شهور واول مشكلة صادفتنى ان نسخة الانكور التى استعملها وهى انكور اربعة ونصف لم تعمل ولحل تلك المشكلة استعملت نسخة احدث وهى خمسة ونصف , النسخة اشتغلت لكن ظهر شىء خطير بالنسبة لى انا شخصيا يعنى اى شخص عنده نسخة اصدار اقل من خمسة ونصف لا تفتح عنده الموسيقى المكتوبة على خمسة ونصف
مما جعلنى اعود ثانية الى محاولة فتح نسخة اربعة ونصف القديمة وبعد التجارب غيرت نسخة الوينددوز الى sp3 هى المسماه العقرب وفتحت عندى النسخة عادى
وكما ذكرت ان جميع نسخ الانكور هى كما هى بدون اى اضافات وانما نحتاج للإصدارات الأحدث بسبب مشاكل استعمال الاجهزة الأحدث
هذا للتنويه ومع اطيب تحياتى عادل صموئيل

**بو بشار** · #87 11/03/2011, 05h31

اخى الكريم ابوكارم
سوف تجدها ان شاء الله فى المرفقات

اخى الفاضل عادل
قمت بتنصيبها على وندوز 7_32 لدى وهى تعمل دون اى مشاكل
ولكن المشكله ان حجم البرنامج تقريبا 30 ميجا
ومرفقات المنتدى لاتسمح بتحميل الملفات بهذا الحجم الا بصيغة flv
ولذا قمت بتسمية الملف الى flv
وعليكم بعد تنزيله ان تغيروا الصيغه الى rar
وتفتحوه ببرنامج winrar

يوجد ملفان
Encore5.0.1_Setup.msi
Encore5.0.1 serial.txt

الاول للتنصيب والثانى يحتوى على معلومات التسجيل
الأخ العزيز
اشكرك على تعبك ومحبتك
السؤال المهم هنا
هل انت استعملت اصدار انكور 4ونصف ؟
وهل المرفق يزيد عنه فى شىء فى امكانيات البرنامج ؟
السؤال ده خاص بيا انا يعنى عايز اعرف لسبب انا ما اقدرش انزل برنامجك واجربه عندى للأسباب التى ذكرتها سلفا
مع اطيب تحياتى عادل صموئيل

**عزت شحاته** · #88 11/03/2011, 17h55

استازى الجميل / عادل صموئيل
دورت يا باشا فى الباليتات ولقيت الطلب الاول
لكن القوس الذى يوضع فوق النوتة لتحديد جزء موسيقى(لازمه صغيره) اعلى المدرج .. مش لاجيه خالص .. قصدى مش لاقيه خالص

عزيزى عزت
انت عندك باليتة اسمها graphics تلاقى فيها فى ثالت جزء فيها خط
يعنى تعلم على الخط ده وترسم بيه خط على اى جزء تحب انه يكون لازمة والخط ده ممكن تحركه وتوسه الخط او تضيقه من طرفه الشمال زى ما انت عايز حسب المقاس
ومن آخر جزء فى الباليتة دى ممكن تتحكم فى سمك الخط
جرب وانا منتظرك
مع اطيب تحياتى عادل صموئيل

**حسام الدين 1978** · #89 16/03/2011, 18h35

أستاذي الكريم / عادل بالنسبة لكلامك صحيح انا عايز اكتب نوتة فقط وهذه طريقة جميلة للتحايل علي البرنامج بس افرض انا عايز اكتب دليل راست ري نلاقي عندنا فا , دو دييز اعملهم نصف دييز ازاي هذا هو سؤالي وشكراً

أبو جنا

اخى العزيز
يوجد هنا فى المنتدى فونت انستاسيا الشرقى
نزله بس بطريقة صحيحة بعد ماتنزله خاطبنى وانا اقول لك
مع اطيب تحياتى عادل صموئيل

**حازم المهندس** · #90 31/07/2011, 19h15

تحية كبيرة والف شكر للأستاذ القدير عادل صموئيل ويا حبذا لو ارشدتنا يا استاذنا الفاضل على برنامج بنفس المستوى ولكن يدعم الربع تون لأننا كما تعرف مهتمون بالموسيقى الشرقية ويسعدنا كثيرا لو استطعنا التدوين على برنامج يدعم الربع تون والف الف شكرا لك يا استاذنا الفاضل