بديعة صادق- 22 أغسطس 1923 - 7 يناير 2010 - الصفحة 9

**بديعه أحمد على** · #81 22/02/2009, 16h21

تسلمى يا اختى الغاليه قد ايه انتى حساسه و مشاعرك راقيه احييكى فعلا مرسى جميل عزيز كان من فرسان الكلمه كل اغانيه رائعه و شاعرى جدا

نرجع للاغانى الدينيه و عندى اغنيتين حلوين جدا
شهر السجود و هو عمل لشهر رمضان سجل فى الكويت
الله أكبر (أنا بأصلى) غناء بديعه صادق

و علشان نكون فى السليم توزيع احمد على لغايه ما استدل على المؤلف و الملحن من الوالده او من اخويا طاهر فى الكويت لان طاهر بيشتغل فى مكتبه الموسيقى فى المجلس الوطنى للثقافه و الفنون و الاداب اللى ساعد فى تأسسيسها الوالد رحمه الله عليه
و طاهر محتفظ بالتسجيلات و الصور و حاجات كتير من مقتنيات الوالد و الوالده

ان شاء الله تستمتعوا بسماع بديعه صادق فى شهر السجود و الله أكبر، مع تحيات بديعه صادق

شهر السجود

أختكم
بديعه أحمد على

**بديعه أحمد على** · #82 22/02/2009, 16h21

الله أكبر (أنا بـ أصلى)
غناء بديعه صادق

أختكم
بديعه أحمد على

**غواص النغم** · #83 23/02/2009, 00h34

اقتباس:

المشاركة الأصلية كتبت بواسطة بديعه أحمد على

بمناسبه الصباح بقى اقول لكم صباح الخير بالاغنيتين دول و اروح انام لانى سهرانه طول الليل الم الشرايط و اسجل
معلش انا باعدل هنا معلومه
اغنيه "الصباح الجديد" غناء بديعه صادق و توزيع أحمد على، لازم اتأكد من الملحن و المؤلف للقصيده دى

صباحكم فل مع بديعه صادق و اغانى الصباح
اختكم
بديعه أحمد على

الله الله الله
ياسلام
على رائِعات
السيدة
بديعة صادق
الف شكر لكِ يا سيدتي على إمتاعنا بهذه الكنوز النادرة الجميلة
ونحن مقدرين هذا الجهد والسهر والتعب حتى تصل الينا هذه التحف الغنائية

بالنسبة لقصيدة الصباح الجديد هي للشاعر التونسي أبو القاسم الشابي
ومنها هنا هذه الأبيات:
http://www.sama3y.net/forum/showpost...98&postcount=4
وهذه من المفاجأت الجميلة ان نعلم بأن السيدة بديعة صادق قد غنت هذه القصيدة
لأنها قد تغنى بها أكثر من مطرب ولحنت بأكثر من لحن :
http://www.sama3y.net/forum/showpost...0&postcount=45
منتظرين المزيد والمزيد من الذكريات والكنوز والروائع
تحياتي

**د أنس البن** · #84 23/02/2009, 11h05

يا سلام يا ست بديعه صادق
على الماضى وجماله وحلاوته
وعلى الأصوات اللى اتربت على الدور والموال والقصيده والموشح وعاشت زمن كان كله أكابر فى الغنا والتمثيل والقصه والشعر والرسم والنحت والأدب والأخلاق حتى الرقص كان له أصول وقواعد
..
وإلى الست بديعه أحمد على
مش عارف أقول لك إيه
والا إيه .. يعنى هدايا عمرنا ماشفناها .. وعلشان كده قررنا نخلع عليك تاج الجزيره
,,,,,,,,,
تسلم أياديك يا ست الكل
وبرضه نسمع أجدع سلام
وياريت يكون سلام أفندينا
أهه ......

**بديعه أحمد على** · #85 23/02/2009, 14h22

اقتباس:

المشاركة الأصلية كتبت بواسطة جميل سلمان

السيدة بديعة أحمد علي، ذكرتي في مذكرات والدتك ان والدك الاستاذ أحمد محمد على ابراهيم كان يعمل في الأغاني وطنية! فهل كان موسيقيا؟ او ملحنا؟ ما هي الأغاني التي لحنها ؟ وشكرا

نعم ابى رحمه الله كان موسيقى شامل يعنى فى بداياته عازف كمان و ملحن و موزع و كان فى فرقه ام كلثوم دائما تجدونه فى التسجيلات القديمه (قبل سفره الى الكويت فى 1960) خلف ام كلثوم مباشره بالكمان كان يحكى لنا ان زملاؤه كانو يدفعون له فلوس علشان يقعدوا فى الكرسى ده و كان ياخد الفلوس و يقعدهم و لما تطلع الست قبل فتح الستار ما شاء الله عليها لماحه جدا كانت تلاحظ فتشاور لابى و تقول له أحمد ارجع مكانك و انت قوم من هنا و كان ابى دائما يضحك من هذا الموقف لان ام كلثوم كانت تقعد كل واحد فى مكانه بدراسه كل شى عندها مدروس و فاهمه بتعمل ايه
ابى لحن الحان كثيره جدا فى مصر قبل سفره و لحن للثوره اغنيه حصلت على المركز الثالث بعد "الله اكبر" و "خلى السلاح صاحى" كانت المرتبه الثالثه اغنيه "قولو لابنى و أبويا" تحلين و توزيع احمد على

ابى كان اساسا عازف كمان و لكنه كان يعزف كل الالات البيانو و العود طبعا و كان يحب جمع الالات الموسيقيه الغريبه و يتقن العزف على كل شى فى توزيعاته لبديعه صادق كان هو عازف البيانو و العود احيانا و غيره

لما سافر ابى الى الكويت بدأ فى جميع التراث الشعبى الكويتى و اسس مكتبة الموسيقى فى الاذاعه الكويتيه كان الوحيد الذى يكتب نوته الى ان شجع الكثيرين من ملحني الكويت الى الذهاب الى مصر فى منح دراسيه و تاريخه حافل الى ان حصل على جوائز الدوله التشجيعيه و لدى كافه تسجيلات الحانه تقريبا و حفلات توزيع الجوائز التى حصل فيها على جوائز الدوله و اسس مكتبه الموسيقى فى المجلس الوطنى للثقافه و الفنون و الاداب التى يعمل بها اخى طاهر الان

اليوم ابنى هو الوارث الوحيد لتلك الموهبه و هو ملحن و موزع و عازف جيتار اساسا لكنه يعزف اغلب الالات ايضا و يحب اضافه الجديد فكما كان ابى سابق عصره فى الالحان اللى نجحت بعد تأليفها بسنوات عديده اليوم ابنى سابق عصره ايضا ما شاء الله و الحانه و انا معه اشجعه ويقدرنى الله ان اجعل منه عالما فى الموسيقى و موسوعه كجده رحمه الله عليه

كان ابى رحمه الله عليه مستشار فنى و محقق تراث و كانو يرجعون اليه فى كل الامور المتعلقه بالتراث و الغناء سواء كويتى او مصرى او عربى واسع الاطلاع و مثقف جدا و زرع فينا الكثير من حب البحث و العلم و القراءه رحمه الله كان موسوعه متنقله بشهاده من يعرفه جيدا

لو كان يسمح برفع اغانيه فى منتدى بديعه صادق انا ما عنديش مانع و لو يتعمل له منتدى برضه انا تحت امركم و ممكن اسمعكم الحانه اللى كانت مرجع للكثيرين منهم اخوان رحبانى و عبد الوهاب و كبار الملحنين

و انا تحت امركم فى رفع ما تحبون و الاجابه على كل اسئلتكم
اختكم
بديعه أحمد على

**بديعه أحمد على** · #86 23/02/2009, 14h27

اقتباس:

المشاركة الأصلية كتبت بواسطة غواص النغم

الله الله الله
ياسلام
على رائِعات
السيدة
بديعة صادق
الف شكر لكِ يا سيدتي على إمتاعنا بهذه الكنوز النادرة الجميلة
ونحن مقدرين هذا الجهد والسهر والتعب حتى تصل الينا هذه التحف الغنائية

بالنسبة لقصيدة الصباح الجديد هي للشاعر التونسي أبو القاسم الشابي
ومنها هنا هذه الأبيات:
http://www.sama3y.net/forum/showpost...98&postcount=4
وهذه من المفاجأت الجميلة ان نعلم بأن السيدة بديعة صادق قد غنت هذه القصيدة
لأنها قد تغنى بها أكثر من مطرب ولحنت بأكثر من لحن :
http://www.sama3y.net/forum/showpost...0&postcount=45
منتظرين المزيد والمزيد من الذكريات والكنوز والروائع

تحياتي

تسلم يا أخ غواص على هذه المعلومات القيمه بارك الله فيك انا فعلا باحتار فى المؤلف و الملحن احيانا جزاك الله خير على هذا الرد الوافى و سأتابع موافاتكم بما عندى ارجو ان تستمتعو به جميعا
اختكم فى الله
بديعه أحمد على

**بديعه أحمد على** · #87 23/02/2009, 14h49

تسلم يا دكتور انس و الحمد لله ان الاغانى عجبتكم و استمتعتو بيها جميعا ده يزيدنا سعاده و فخر و امل ان الاصيل لا بد ان يبقى

اجدع سلام و اكبر تحيه

فى اوبريت تحفه كانت ناقصه اغنيه و حقك اللى قلتلكم عليها لقتها و ارجو ان التسجيل يكون واضح لان دى تقريبا و لغايه دلوقت النسخه اللى لاقتها و لسه بادعبس فى الشرايط اللى عندى لانها كتير قوى

بكده يكون اوبريت تحفه او (عاشقه الليل) كامل بالثمان اغانى
اغنيه (وحقك ما نقضت الدهر عهدا) لبديعه صادق من اول اوبريت اذاعى غنائى فى اداعه الكويت
مع تحيات بديعه صادق

اختكم
بديعه أحمد على

**بديعه أحمد على** · #88 23/02/2009, 15h23

بسم الله الرحمن الرحيم

نرجع للقديم و الخفيف من اغانى بديعه صادق اربع اغانى ارجو انهم يعجبوكم
1 بعد كل ده التقيك كده
2 بعده وحشنى و ليه نسينى ماعرفش ليه
3 شباك الحبايب أهو نور و انفتح
4 انا و انت هنا و الحب هنا (الحان و توزيع أحمد على)
مش متأكده برضه من الكلمات و الالحان لكن اكيد توزيع احمد على كلهم و الاخيره بس (انا وانت هنا اللى اتأكدت انها لحن احمد على و باشك ان الباقى برضه الحانه لانها حركاته لكن ما احبش اقر بكده قبل ما اتأكد)
مع تحيات بديعه صادق و ارجو انكم تستمتعو بيهم زى ما استمتعتم باللى فات و ادينى لسه بادعبس

بعد كل ده التقيك كده

اختكم
بديعه احمد على

**بديعه أحمد على** · #89 23/02/2009, 15h23

بعده وحشنى و ليه نسينى
ماعرفش ليه

اختكم
بديعه احمد على

**بديعه أحمد على** · #90 23/02/2009, 15h23

شباك الحبايب أهو نور وانفتح

اختكم
بديعه احمد على