طلبات نوتة أ / عادل صموئيل الجزء الثانى

[علي ثلاثة]

أخي صالحي هيثم
شكرا على هذا الملف الخاص
بالفنان محمود الشريف
ففيه نبذة قيمة عن حياته
ومجموعة كبيرة من اغانيه
موثقة أحسن توثيق
ودمت في صحة وعافية

[elarabi]

استادي الفاضل عادل صموئيل.
الشكر الجزبل لكم على كل ما تقدمونه من التحف الراقية فضلا عن الذوق الرفيع .
لدي سؤال صغير استاذي فيما يخص القطعة الجميلة للمسلسل التركي سيدة المزرعة والتي دليل مقامها سي بيمول هل يمكن اعتبار المقام هو ري الصغير ام الفا الكبير.
مع ارق تحياتي الخالصة.
اخى العزيز
فى الموسيقى الغربية انت تنظر ألى آخر حرف فى المقطوعة يعنى لو قفلت على فا يكون السلم فا ولو قفلت على رى يكون السلم رى
والدليل هو اللى بيحدد نوع السلم كبير ام صغير
لكن هنا الدليل سى بيمول واللحن بيقفل على لا
يبقى السلام مش فا ومش رى
وهذا الشىء تجده فى المقامات الشرقية
هنا اللحن بيقفل على لا والدليل سى بيمول
يبقى السلم او المقام كرد على الحسينى
مع اطيب تحياتى عادل صموئيل

[عاصم المنشاوى]

الأستاذ الكبير /عادل

شكرا ل "عيش معايا"....وواضح فيها لمسات وبصمات وحرفية الفرقة الماسية ...شغل بالمسطرة وع الشعرة ...وواضح فيها ضربات الكمنجات انها الفرقة الماسية من أول داخلة فى المقدمة الموسيقية ...برغم اللحن الجميل لكمال الطويل لكننى عندى مشكلة مع الموضة السخيفة اللى طلعت فى أواخر السبعينات وبداية التمانينات وهى تركيب صوت الجماهير على تسجيل الستديو فى طريقة سخيفة لاتليق بمطربين كبار تحس انهم بيتسولوا تصفيق الجمهور ومنه لله مهندس الصوت اللى أفتكس الحركة دى بعد وفاة أساطين الطرب..وأنصراف الجمهور عن الحفلات وتقاعس المطربين بسبب تغير المناخ عن عمل حفلات ماعدا "وردة"

وانا كان لى طلب سابق ل "كمال الطويل ايضا ونجاة ...وهو أغنية ( الشوق والحب)...وهى كلمات حسين السيد ...أصدق من عبر عن أحاسيس المرأة بعمق......أرجو أن تشملها بعطفك وكرمك....

الصديق / هيثم الصالحى
والله انا مش عارف اقول لك ايه ...على المجهودات الخرافية اللى بتبذلها فى عمل الفهرس ...بجد شابو مكسيكى كبييييير قوى قوى ....وتستحق بجدارة شهادة التقدير من سماعى

عندى سؤال ليك ياأستاذ /هيثم

المطرب الجزائرى ...رشيد طه ...له أغنية أسمها "ياريح وين مسافر تروح تعيا وتولى"...طبعا هى مشهورة هنا فى مصر عشان كان بيتلحن عليها أعلان دريم لاند....المهم ...عندك فكرة ...هل حد كتب النوتة بتاعتها ...هل الدكتور طارق مثلا كتبها؟....شكرا ياجميل

اخى العزيز
هى مشكلة كانت تقرف فى وقتها ... يعنى الاغنية دى بالذات كان الملحن احس من وجهة نظره ( هو فقط يعنى ) ان التسجيل احلى من الحفلة لذلك ركب عليه التصفيق المضروب ده ... والعملية مش الاداء ولكن تفاعل المطرب مع الجمهور
يعنى ام كلثوم مثلا ماتتسمعش ابدا تسجيل استوديو ..
مع اطيب تحياتى عادل صموئيل

[piano_piano_d]

ألف شكر أستاذي المُحترم أ/ عادل صموئيل على سرعة تلبية طلبي ، وربنا يعين حضرتك على تلبية طلباتنا .

انا اللى اشكرك اختى العزيزة لأن اللحن ده سهل اوى
يعنى هو اخد منى نصف ساعة تفكير عشان اضبط الكام سطر الاولين يتكتبوا ازاى بس عشان يبقوا سهلين عليكم
لكن فى التدوين ما اخدش نصف ساعة
وعلى فكرة سمير الاسكندرانى ده زميل متخرج من نفس كليتنا كلية التربية الموسيقية الزمالك بس من دفعة اسبق منى شوية
وللعلم هو صوت خطير جدا جدا جدا ... بس ما اعرفش ايه اللى خيبه كده بمعن انو مالوش غير الاغنية دى بعدها سافر الخارج فترة طويلة بعدين رجع وعمل شوية حاجات كلام فارغ مش على قد امكانياته
مع اطيب تحياتى عادل صموئيل

[نور الصباح]

[QUOTE=piano_piano_d;610230]ألف شكر أستاذي المُحترم أ/ عادل صموئيل على سرعة تلبية طلبي ، وربنا يعين حضرتك على تلبية طلباتنا .

xxxxxxxxxxxxxxxxxxxxxxxxxxxxxxxxxxxxxxxxxxxxxx
آمــــــــــــين اللهـــــــــــــــم آمـــــــــــــــــين
ربـــــــــــــــنا يعــــــــــــــــــين حضــــــــــــــرتكم
عـــــــــــــــلى طلباتـــــــــــــــــــنا
وشكرررررررررررررررررررررررررررا
أخوكم
نور الصباح

[يوسف قاسمي جمال]

عندى سؤال ليك ياأستاذ /هيثم

المطرب الجزائرى ...رشيد طه ...له أغنية أسمها "ياريح وين مسافر تروح تعيا وتولى"...طبعا هى مشهورة هنا فى مصر عشان كان بيتلحن عليها أعلان دريم لاند....المهم ...عندك فكرة ...هل حد كتب النوتة بتاعتها ...هل الدكتور طارق مثلا كتبها؟....شكرا ياجميل[/QUOTE]

تفضل استاذي العزيز من تدويني المتواضع
الاغنية في الاصل للمغني الجزايري الاصيل المرحوم دحمان الحراشي و تفضل التسجيل الاصلي عسى ان يعجبك

يا الرايح

يا الرايح وين مسافر تروح تعيا وتولي
شحال ندموا العباد الغافلين قبلك وقبلي
***
شحال شفت البلدان العامرين والبر الخالي
شحال ضيعت وقات وشحال تصيد مازال تخلي
يا الغايب في بلاد الناس شحال تعيا ما تجري
بيك وعد القدرة ولا الزمان وانت ما تدري
***
علاش قلبك حزين وعلاش هكدا كي الزاوالي
ما تدوم الشدة وإيلا بقيت عالم واكتبلي
ما يدوموا لايام ولا يدوم صغرك وصغري
يا حليلو مسكين اللي خاب سعدو كي زهري
***
يا مسافر نعطيك وصايتي اديها عالبكري
شوف ما يصلح بيك قبل ما تبيع وما تشري
يا النايم جاني خبرك كيما صرالك صرالي
هكدا راد وقدر في الجبين سبحانو العالي

http://www.sama3y.net/forum/showthread.php?t=1068

[عمرو الهنداوي]

أستاذ عادل حضرتك كنت وعدنا بأغنية وياك للاستاذ فريد الاطرش
نتوقعها قريب ولا نستني شوية

كل التحية

[نور الصباح]

الأخ الحبيب والصديــــــــــــــــــق العزيــــــــــــــــــــز الفنان المايســــــــــــــترو
عــــــــــــــــــــــــــــــــــــــــــــــادل باشـــــــــــا صموئـــــــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــد :
1 - لقـــــد رفعــــنا لجنــــــابكم الملف الصوتى لأغنية من أغانى الزمن الجميل للمطرب
{ ماهـــــــــــــــــــــــــــــــــــر العـــــــــــــــطار } هما
أ } دوبونى الغمزتـــــــــــــين اللى فوق الوردتـــــــين ( صفحة 73 بتاريخ 24 / 9 / 2012)
وطلبنا منكــــــم التكرم بتدوينها وما زلنا ننتظر النوتات بفارغ الصبر وشكررررررررررررررررررررررررررررا
أخوكم
نور الصباح

[عادل صموئيل]

احبائى
اقدم لكم اغنية محرم فؤاد

ابحث عن سمراء

مع اطيب تحياتى

[عاصم المنشاوى]

hgالأستاذ الفنان

يوسف قاسمى جمال....أشكر حضرتك على سرعة تلبية طلبى .....وقد أعجبنى الوفاء للراحل الفنان دحمان الحراشى ....بأنك لم تنس الأشارة الى انه صاحب الأغنية الأصلى .....شكرا لحضرتك مرة أخرى وطالما حضرتك بتكتب نوت ...فلم التكاسل ...وهل هناك نوت أخرى من تدوينك.....

النوتة جميلة ...وأذا كانت لاتزال بحوزتك على الكمبيوتر....معلشى أنا طماع شوية ...أذا تفضلتم ...هل من الممكن توضيح متى يبدأ الغناء ووضع اللزمات بين الأقواس....؟؟؟؟