الشاعر الشعبي عادل الغزالي

[عادل الغزالي]

لا النوم لآفــي ...ولا السهر كفيته
يا ليل كـــــافي .....سادني مــا ريتـه

عديتهن نجماتك..
لا البال رايق لا العين غفاتك
سامر وحيد انوح في ضلماتك
نوم العوافي من زمان انسيته
حديثك جور
عدي رحليك شيل فجرك نور
ياليل لو فصاحب العيب ادور
راني الجا في بالجفا كافيته
مابين سيره وسيره
يدوي العقل احتار في تفكيرا
ويا ليل بسمورك لفا تعكيرا
لوكان غافي راك ما شقيته

عادل محمود / الجفره 86 م

[عادل الغزالي]

أنتا القديم وعارفنـــي
عيبا عليـــــك تصيفنــي
وما تـــــــدري
بالنـــار هلّي في صـــدري
والله لــو ينفذ صبـــــري
ماعــاد عمرك تخلفنــــي
ما اطـــــــّول
ماعاد رانـــي كي لــــول
ترقا الموجــه وتحــــــول
خايــف أمعاهــا تجرفنـــي
صارحنـــــي
عــدد ملامــك ريحنــــي
وحتي انكلامك يجــرحنــــي
خير مـن ضنــون تخوفنــي


غناء /الفنان عبد الجليل عبد القادر عادل محمود1999 ف

[عادل الغزالي]

قولـي ماتبينـــي .. قولــي رايدتينـــــي
لاطايـل نار ولاجـنه ليـش معلقتينـــــي
********
قولـي وآنـــا راضي يلّـي خصـم وقاضـــي
في صوبـك رقيت غراضي واجـد عـــذبتيـنــي
********
قوليلـي ان ما أتريــدي صـوب معـاي أتقيــدي
نشقـا بلّي قلبــــه ...... فيــدي باللـه خلينــــــــي
********
قوليلـي غاليتــــك قوليلــي جافيتـــــك
سلتـــك بالهادي نبيتك قوليلــي هنينــــــي

[عادل الغزالي]

ماريتو سحر اعيونها ... سبحانه مجمل لونها
من اول نضره لاعتني ... طاشت جواني خفتني
قالو عـني مجنونهــا

من نضره من اول مره .. لا عـني الحاجب والخزره
محلاها الدلوعه السمره .. تـدلل بجـوار الـقـمـــــــره
في العالي ياما دونهــــا

ما ريتو ردعـت قدهـــــا ... ما ريتو نيـــــرت خدهــا
نا عيني يا سر ســـدّهــا ... ما راتــــه والله نــــدهـــا
الله يكون فعـــــــــــــونها

ما ريتو هلّي نا ريته .. ما عشتـو هلي قاسيته
مردوعه والعين فليتـــــه .. ضلتني عقلي خفيته
أجعني نبقي واشونها

[عادل الغزالي]

بلا قشوشه للنار ....... تشيط نوحلو في ردمهـــــــا

بلا قشوشه للنار لو تقيد من يردمها

يم العيون اكبار خلي الهبا عادمهـا

****************

عايش ورا بيباني نا من قديم زماني

راه انزرت نيراني تاكل اللي خادمها

بلا قشوشه للهافي خليه جمري طافي

يم الغثيث السافي خرافتك مقدمـهـا

باقي علي مبدايه ما تحاوليش معايه

كامي سريب حكايه مهناك من يعلمها

[عادل الغزالي]

مش ممكن ابدا ننساك انسي لو تقدر تنساني

العمرانعيشه في ذكراك ما نعشق من غيرك ثاني

****

مش ممكن ابدا ننساك مهما في الحب اتشيقيني

مهما تنسي مهما تقسي غيرك ما يحلا في عيني

غير حبك ما عندي حب عاش معا نبضات القلب

معـــــا همساتي معـــــــــــــا اهـــــاتـــــــــــــــــي

وين نمشـــــــــــــي جنبـــــــــــي نلقــــــــــــــاك
مش ممــــــكن ابداننساك

*****

مش ممكن ابدا ننساك مهما في الحب اتعذبني

اتشقيني والله تطربني عاجبني زولك عاجبني

في صحوي شاغلت افكاري

في حلــــــمي دوم مصاحبـــــــني

معـــــا همساتي معــــــــــــا اهـــــاتــــــــــــي

وين نمشـــــــــــــــــي جنبــــــــــــي نلقـــــــــاك

مش ممـــــكن ابدا ننساك

[عادل الغزالي]

ما فارقني
ما فارقني ....... دافي وحنون بلوعته حارقني
صدا صوتها مازال

محيّر بالي صدا صوتها نغمه أبقي موالي
تقول قبل عمره ما أغليلي غالي
من وسط ناسي وعيلتي سارقني
هايم معاه وما دريت بوالي
فوق السحاب فجرته سايقني

رخيم ودافي ماغاب يجاوب حنينه صافي
سحر خاطري ياناس حاز اريافي
شهد العسل من شمعته ضوقني
من بعد جفواتي وطول اصيافي
كلمة شهاده ياعرب روقني

تم احكايه مازال يجاوب صداه امعايه
مرات صافي ورايقه السهرايه
ومرات زاعل للشقا تاركني
فرج علي الله يا مولايه
فشبر أميه جرّني و غرقني

[عادل الغزالي]

انتى غاليـه.......واللى عليّا غالى
جـوا عيونـي مطرحـه طـوالــى
مـقـعــدك فعـيــونـــى
انتى الغاليـة لاتنتســى لاتهونــى
ومنـسـال لـوم النـاس لو لامونـى
غـلاك مارديعـا صـوب فى مكيالي
مدعاك مـا يــسـبــب
يـــم الملامــة والكلام الطـيـب
عــلى الله زولـك ماعلـى أيـغـيـب
رفيـقـة غـلا فى دنيتـي طـوالـى
والـلـى بغــلا غاليـتــه
لانتركــه لانقـول يـوم انسـيـتـا
عليـش دمعتـك فــوق الخدود فليتـه
وانتـى غـلاى ومكسبى وراس مـالـى
وانتــى غــلاك أمغـــور
مالقـلـب جـوا نيـن جـار وجـور
ديـمـا ازويـلك فالعـيون مـصـور
ماليــش غيـرك ياحبيـبـا والــى

[عادل الغزالي]

صيورها ترتاح

وأيامها تبقا زها وفراح ..

تـــــــــــــــروق ليبيا

غصبن علي لزلام

وغصبن علي تباعت الاجرام

هرّابه .. وهلاّته اعدا النظام

إللي فعلهمعفنه علينا فاح

واللي اشعبط تفضحه ليام

دم الشهاده في الهبا ما راح

هي عزها برجالها لكرام

ما يتركوها في مهب ارياح ....

ويهنو الليبيين .

يصير النما فجملة الميادين

صحّه ورياضه وهندسه وتعدين

ويعم لـــمــــن وتختفا لشباح

أشباه للثوار مدسوسين

قتلناه طاغيهم زمانه راح

واخذين عالتصعيد كولاسين

كل شي في ناموسهم مباح

وجو قوم فبراير المرسولين

من الله سلطهم علي السفاح

دجال ما راعاش حرمة دين

وحنا دينّا ما هوش للمزاح

نحنا شعب بالأخلاق ملتزمين

ولنا عوايد فالحياة اسماح

وتبقا الكرامه هي احدود الزين

الّلقّاق .. والبندار.. وووو .. تلجا ساح .....

[عادل الغزالي]

احب ان اهدي هذا النص الشعري الرثائي لأرواح الشعراء الغنائيين المبدعين والذين كان لهم كبير الاثر في مسيرتي الشعريه المتواضعه وهم الفنان المرحوم الشاعر سليمان الترهوني والفنان المرحوم فضل المبروك والفنان شاعر الرومانسيه المرحوم رمضان الدرسي وادعو الله ان يرحمهم وهو خير الراحمين

الله يــرحمكـــــم ايخفــف عنكــــم
ويمدنـــــــــا بالصبر والسلــــوان
يلـّـي الاصالــــة والنقـا معدنكـــــم
كيــف المنــــاره مـن بعيـد أتبـــان
ثرتو عـــلى الكلمـة
فتو كمــــا حلمــه
ذبتــو كما شمعـــه
للفــرح والدمعـــه
وتبقــي منازلكـــم فالقلب والوجــــدان
يا فضل ياسليمــــان ويا رمضان

الله يرحمكــــــم
الله يرحمكــــــم فضيــق الظلمـــة
ويبعث لكـــــــم نور وملك ونـــاس
الله يرحمكــــــم نهار الجملــــــه
علي كــل كلمـــه نقشها بأحســــاس
في كل طلعت شمــس رحلة نعـــم صــــداح
وردة ذبلهـا اللمـــــس والطيـروالمســــــراح
ولـــو الرجـــــــل ما وصلـت ألكـــــــم
العقــل يذكركـــــــم
منكمـــش للنسيـان يا فضل يا سليمـان ويارمضان الله يرحمـكــم

الله يرحمـــكــــــم اتجـو فـي عونـــــه
ويفتــــــحلكــــم مــن رحمته بـيــبــان
نافـــــذ قلمكـــــم دوم عـــودتونـــــه
زيــــن الثمايـــــر نعمته سبحــــــــان
حلــوه قصايدكــــــم فالـوزن والمعنــــــي
وبنغـــــام قولتكـــم يامـــــا تجمعنــــه
منهــــا مناهلكــــم مايرتـــوي عطشـــان
يا فضل يا سليمــان ويارمضان الله يرحمكــم