أعمال من تنفيذ الفنان محمد الآلاتي - الصفحة 69

**كمال عواد** · #**681** 11/09/2009, 15h51

بصراحه انا اول مالقيت....عنوان المشاركه(جبار) انا اتخضيت

لان الاغنيه دسمه جدا..موسيقيا.وغنائيا..ولكن بعد سماعى

العمل...............
وجدت نفسى اصفق لك بيدى .

...على كل هذه الفنيه والحرفيه العاليه..والاذن الموسيقيه التى تفوق الوصف.......

.....................

**فؤاد** · #**682** 11/09/2009, 22h12

مكنتش أعرف قبل النهارده
أنك ياأستاذ أبو حسام
جميل بالشكل ده
ولا كنت أصدق
أبداً
أبداً

**محمد إبراهيم** · #**683** 12/09/2009, 23h38

أعمالك جبارة يا أستاذ تستحق الشكر و التقدير

**Hisham Khala** · #**684** 14/09/2009, 08h35

يا سيدي حلو الشغل و العزف و الهندسة الصوتية و خلافه
أنا كنت باسمع اللحن في المستشفي و وجدت بعض الزملاء الماليزين جايبين فلاش دريف Pen Drive و عاوزين ينزلوا اللحن.
عجبهم مشاركة الإيقاع في قلب اللحن و كونه جزء من الجملة اللحنية ، هذا بجانب التعبير المضبوط في أداء اللحن Expressions
كل سنة و انت طيب

**الألآتى** · #**685** 14/09/2009, 09h12

اقتباس:

المشاركة الأصلية كتبت بواسطة محمودسعد

ياحظي السعيد

اول من يرد
هذا شرف لي ياكابتن كباتن المفاجات العاليه الصعبه قوي والجميله قوي قوي
اخيرا فعلتها ياالاتي ؟
كنت حاضرمعاك وانت بتفكر وبتضع الخطوط الاولي لجبار وحقيقي ياسعد من يجلس معك وانت تحضر عمل ما
احسنت دائما يامبدع المبدعين
من حسن حظي في الحياه وفي الفن ان اقابل فنانا مثلك ومثل مبدعين اخرين لهم كل الاحترام والتقدير هنا في قسم المبدعون
اخي وحبيبي محمد الالاتي
دمت لنا عزا نعتز به ونفخر ونتشرف بوجودنا معك ووجودك معنا

ده حظى أنا السعيد ياأبو دينا .. لأنك منور الموضوع ..

وأنا شخصياً بعتبرك الفاسوخة بتاعتى .. فاسوخة الحظ والإصطباحة الحلوة ..

**الألآتى** · #**686** 14/09/2009, 09h14

اقتباس:

المشاركة الأصلية كتبت بواسطة محمودسعد

ليه كده ياعم ؟؟؟
بلاش بقي الكلام ال ؟؟؟ مش قادر اقولها ؟؟
ماتنرفزناش بقي ياعم بحكايه الخيابه دي ؟؟
متواضع ايه وخايب ايه
دانت فنان ياجدع
والاجماع علي فنك من جميع من في سماعي
يااخي ده حتي اللي بينتقدك بينتقد بحب لان من ينتقدك ينتقد الاورج ؟؟ ولاينتقد فنك الكبير ولا حتي بينتقد صوتك ؟؟
كل من في المنتدي يحبك ويحب فنك اللي مش متواضع ومش خايب ويتمنوا فعلا لو ان توزيعاتك تكتمل بكل الالات الحقيقيه وطبعا انت مش بالسهل ولا انت ولا غيرك انك تخلي الالات كلها حيه
وما تضايقناش بقي بالكلام ده
وشوف بقي الناس هاترد عليك في الحكايه دي وهايقولولك ايه
قولولوا ياجدعان ياناس يافنانين انه فنه مش متواضع ولاخايب ولاتنفيذه ولا توزيعه خايبين
ياراجل دانت بتنزل الاغنيه من هنا والمطربين وغير المطربين بيطلبوا المزيكه منك وانا اولهم
ولا دي خيابه مننا احنا كمان ؟؟؟
وخلي بالك ان مزيكتك انت ومروان شلبي موجوده في المنتدي وكل اللي بيحبوا يغنوا اخدوها ومش شرط يرفعوها للمبدعين
انما غنوها
لانهم حبوها
مش عشان متواضعه ولاخايبه
عشان نادره ؟؟
وانا مخاصمك بقي ؟؟؟

ماتنرفزش نفسك قوى كده ياأبو دينا .. أصل إللى مايعرفش .. بيقول ( عدس ) ..

**الألآتى** · #**687** 14/09/2009, 09h16

اقتباس:

المشاركة الأصلية كتبت بواسطة ahmed noor

الاستاذ الكبير أبــو حسام

لا جدال ولا نقاش فى عمل جميل لمايسترو كبير

كما عودتنا يا استاذى على التميز والتألق

شكرا جزيلا لحضرتك على هذه الابداعات الجميله

بعتذر ....

أشكرك يابو حميد .. وماتعتذرش ولا حاجه .. خليك براحتك .. علشان الشغل يطلع مظبوط .

**الألآتى** · #**688** 14/09/2009, 09h20

اقتباس:

المشاركة الأصلية كتبت بواسطة mohamedafify

اخى الحبيب والاستاذ الكبير قوى الالاتى مجرد اختيارك لهذة النوعية من الاغانى الجميلة الصعبة جدا لوحدة عبقرية ما بالك

بتنفيذ عمل زى جبارموسيقى الاول وبعدين غناء دة تمكن غير عادى مش متواضع لانة لايقدم على هذة النوعية من الاغانى الا
المتمكن يا الالاتى يا متمكن انا لحد هذا الوقت اخاف جدا انى اغنى جبار لانها فعلا صعبة جدا عليا الله ينور عليك ويزيد من امثالك فى الفن

مع تحياتى محمد عفيفى

ياعم عفيفى .. صلى على النبى .. لا تمكن ولا حاجة ..

كل المسألة إنى حبيت أعملها .. حبيت أشتغلها .. تطلع حلوة بقى .. تطلع وحشة ..

المهم إنى فرغت الشحنة .. وأسعدت المجنون إللى جوايا .

**الألآتى** · #**689** 14/09/2009, 09h24

اقتباس:

المشاركة الأصلية كتبت بواسطة عفاف سليمان

انا مع مطربنا الشعبى الاصيل الاستاذ محمود سعد

بس بدون خصام طبعا
بجد حضرتك استاذنا الالاتى اتقنت الاداء بحرفيه وبموهبه وبصوت دافىء جميل
حتى الموسيقى والتوزيع بجد حرفيه جميله ومبدعه واكثر من روعه
واختيار لهذه الاغنيه الصعبه هو فى مسابة امتحان نجحت فيه كعادتك بامتياز
وتفوق وتقدير
تحياتى لك ولكل مبدعين سماعى الكرام
اسعدكم الله واخيارات دائما موفقه
اختكم عفاف
و

رمضان كريم

مدام عفاف .. الأخت الهرابة .. المزوغاتية ..

كلامك أثلج صدرى ( حلوة أثلج دى ) .. كنت مستنى الفرصة علشان أحطها فى أى موضوع .. وإنت إديتينى الفرصة دى ..

المهم .. أنا عاجز عن الميرسيه .. علشان الدفعة المعنوية الدسمة إللى إديتهالى .. وبتديها لكل المبدعين ..

**الألآتى** · #**690** 14/09/2009, 09h26

اقتباس:

المشاركة الأصلية كتبت بواسطة مروان شلبي

ألأستاذ المايسترو ألآلاتي

حقا انه عمل

جباررررررررررررررررررررررررررررررررررررررررررررررر ررررررررررررررررر

رررررررررررررررررررررررررررررررررررررررررررررررررر ررررررررر

رررررررررررررررررررررررررررررررررررررررررر

رررررررررررررررررررررررررر

مروان

إيه الكلام الكبير ده ياعم مروان .. بالراحه عليا والنبى ..

أما ماستحملش النقد ده كله ..

ربنا يديم علينا المحبة ..