أعمال من تنفيذ الفنان محمد الآلاتي

[محمد إبراهيم]

السلام عليكم و رمضان كريم
يا أستاذ أعمالك رائعة وجميلة حقا
أنا من عشاق عبد الحليم حافظ ولقد طلبت منك الاستماع إلى المحاولة بعنوان :
اسبقني ياقلبي .. خايف مرة أحب .. لست قلبي .. لكنك لم ترد .

[Basil Mahran]

الله عليك يا استاذ محمد
اداء رائع و عزف يشنف الاذان
يا ريت تشرح لحن العمل من حيث المقامات و الذي منه
رمان كريم

[ام فتحي]

المشاركة الأصلية كتبت بواسطة الألآتى

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

ألأستاذ الالاتي
تحية طيبة وبعد
استاذي .

لن اجاملك وانت تعلم طبعي .

استاذي انت موسيقى من رأسك الى اخمص قدميك فالعمل الذي نفذته ليس بالسهل ابدا وهو يحتاج الى قدر كبير من المؤهلات الموسيقية وبالتاكيد انت تملكها ولكن آلتك هذه لاتحفظ لك القيمه الفنية التي تستحقها . انها كدفتر الاسكيتشات بالنسبة للرسامين تيبن مخطط اللوحه ولكنها ليست اللوحه .

أما الغناء !!!!!!!!!!!!!!!!!!!!!!!!!!!!!!!!!!!!!!!!!!!!!!

والله ولي التوفيق

[رائد عبد السلام]

المشاركة الأصلية كتبت بواسطة الألآتى

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

آآآآآآآآآآآآآه يا مايسترو ياعبقري
علي الموسيقي بتاعتك اللي بتاخد الواحد وتطير !!
بس :

آهو ده اللي كنت خايف منه
إن الفن يدخل مع البيزينس


عموماً ده حقك
اشمعني المطربين اللي زي
محمود سعد ومحمد عفيفي غرقانين
في السُبيّج وأنت حتشتغل ع الناشف
بصراااااااحة : حقك

[الألآتى]

المشاركة الأصلية كتبت بواسطة محمد إبراهيم

السلام عليكم و رمضان كريم
يا أستاذ أعمالك رائعة وجميلة حقا
أنا من عشاق عبد الحليم حافظ ولقد طلبت منك الاستماع إلى المحاولة بعنوان :
اسبقني ياقلبي .. خايف مرة أحب .. لست قلبي .. لكنك لم ترد .

وعليكم السلام ورحمة الله وبركاته ..

أشكرك حبيبى محمد .. ولكنى للأسف لا أتذكر طلبك .. أين ومتى .. أعتذر .. العتب على النظر والسن ..

[الألآتى]

المشاركة الأصلية كتبت بواسطة Basil Mahran

الله عليك يا استاذ محمد
اداء رائع و عزف يشنف الاذان
يا ريت تشرح لحن العمل من حيث المقامات و الذي منه
رمان كريم

أشكرك أخى باسل .. إن شاء الله سأشرح العمل وأحلله فى قسم دعوة موسيقية على أغنية .. أشكرك .

[الألآتى]

المشاركة الأصلية كتبت بواسطة ام فتحي

ولكن آلتك هذه لاتحفظ لك القيمه الفنية التي تستحقها . انها كدفتر الاسكيتشات بالنسبة للرسامين تيبن مخطط اللوحه ولكنها ليست اللوحه .

الأخت العزيزة أم فتحى ..

لقد تحدثنا من قبل عن هذه المشكلة ..

وأكرر ماقلته من قبل .. أنت تعرفين جيداً أن تنفيذ مثل هذا العمل بواسطة فرقة كاملة .. يحتاج لتمويل لابأس به ..

ونحن هنا نقدم أعمالنا لأنفسنا كهواية دون النظر لأى مقابل مادى .. لذا نضطر لإستخدام الإمكانيات المتاحة لدينا .

المشاركة الأصلية كتبت بواسطة ام فتحي

أما الغناء !!!!!!!!!!!!!!!!!!!!!!!!!!!!!!!!!!!!!!!!!!!!!!

عارف .. زى الطين ..

وأكرر هنا أيضاً .. لست مطرباً .. ولم يكن من طموحاتى يوماً أن أصبح مطرباً ..

فقط أنا أضع أعمالى لإبداء الرأى والمشورة والنقد حول التنفيذ الموسيقى والهندسة الصوتية .. وليس صوتى .

[الألآتى]

المشاركة الأصلية كتبت بواسطة رائد عبد السلام

آآآآآآآآآآآآآه يا مايسترو ياعبقري

علي الموسيقي بتاعتك اللي بتاخد الواحد وتطير !!
بس :

آهو ده اللي كنت خايف منه
إن الفن يدخل مع البيزينس

عموماً ده حقك
اشمعني المطربين اللي زي
محمود سعد ومحمد عفيفي غرقانين
في السُبيّج وأنت حتشتغل ع الناشف

بصراااااااحة : حقك

حبيب قلبى رائد باشا ..

تصدق بالله .. إنى بارفض شغل كتير .. لمجرد إنى مش مستريح

لكن لما ألاقى واحد جاى يقول لى .. عايز أغنى لعبد الحليم أو عبد الوهاب أو فايزة أو .. أو .. بافرح وأزأطط ..

لكن لما ألاقيه مش مطرب .. وحايعك .. بازعل ..

وفى الأخر .. الرزق من عند ربنا ..

[Hisham Khala]

حبيبي أبو حسام
أنا و الله في المطار دلوقتي على سفر بقي لي يومين و لسه فاضل لي يومين تانيين و لكن سمعت شغللك الجميل و سمعت الشغل اللي مع الكامنجه الصولو و مصاحبة اربيجات البيانو و الهارب و في الغناء اللزم الجميلة بتاعة الفلوت. بس (ليه ضيعته ليه) الاولي ضاعت منك و لكن الثانية زبطتها أحسن.
و بعدين كونك بتطلع دا كله على الأورج دي بطولة و شطارة لأنك بتعرف تستغل أمكانياتك أحسن أستغلال و بعدين العديد من الملحنين في أوربا و أمريكا كل شغلهم ديجيتال ، لأن الفرقة الموسيقية مكلفة جداً. لو عايز تجيب عازف فلوت أو كلارينت و عازف تشيللو و كونترباص غير الكمانجات يبقي خراب بيوت مستعجل طالما مفيش عائد مادي من العمل الفني.
أما بالنسبة لصوتك ما تقولش كروان! دا أنا ما بطلبش حد يغني الشغل بتاعي إلا أنت.
(أنا بأجملك في حكاية الصوت دي) و لكن أنت مؤدي و ودنك حلوة.

[كمال عواد]

نفسى اخد راى الدكتور هشام واضع توقيعى عليه...هو ده

فعلا اللى لمسته من استاذنا الالاتى الحرفيه الزائده...وبيعمل
من الفسيخ شربات...والله لااجامل ياستاذ محمد...
انا استمتع بادائك ولا احسن مطرب..
وبعدين بتختار اغانى لايحسها ولا يعرف ياديها الا فنان حساس

وانا اسمع الحاجه على بعضها حته واحده.........
انت قلت بعد ايه حلو اوى.....بصرف النظر بقه عن العرب
والحلياتبتاع المطربين دى.....احساسك حلو..وودنك مالهاش حل
تقبل رايى المتواضع...من انسان لسه عنده مشاعر.واذن شويه بتسمع وتفرق بين الغص والثمين