أعمال من تنفيذ الفنان محمد الآلاتي

[الألآتى]

المشاركة الأصلية كتبت بواسطة unicorn

بعد التحية و السلام , و الاشواق و الاحضان

الله ينور بالجامد أوى يا عم محمد,
أول مرة اسمعك ظابط الصوت بالجمال دة , كل مرة غالبا ما بيكون الايقاع أو المزيكا عالى و ملعلع و مغطى على الغنا , إنما المرة دى مظبوط تمام التمام
صوت فردة الكمنجة دى فى الاورج برضه ؟؟؟ اول مرة نسمع سولو كمان من الاورج , كمان اول مرة نسمع الهارب و الرق على الاورج ,
هو دة الكلام يا مايسترو شوفت الروقان
العزف استاذ كالعادة تسلم ايديك , الباصات اياها جميلة.
سؤال رخم كعادتى بعد إذنك : هو مش برضه منير مراد هو اللى ملحن فيلم يوم من عمرى ؟؟؟ و لا خمِّس مع كمال الطويل و قسِّموا السبوبة عليهم ؟؟؟
غنوة طويلة اكيد تعبتك فى شغلها يا مايسترو ,
الله ينور عليك يا مايسترو و يزيدك روقان عشان تبسطنا
كل سنة و انت طيب

كالعادة يابو مندور .. اصلح لك معلوماتك وأجرى على الله ..

فيلم يوم من عمرى يحتوى على أربع أغنيات..

الأولى ( خايف مرة أحب ) من ألحان بليغ حمدى

الثانية ( ضحك ولعب وجد وحب ) من ألحان منير مراد

الثالثة ( بأمر الحب ) بدأها محمد الموجى وحدثت خلافات بينه وبين عبد الحليم حافظ .. فأكملها منير مراد

الرابعة ( بعد إيه ) من ألحان كمال الطويل ..

أما بخصوص الألآت المستخدمة فى التنفيذ .. فهناك بعض الألات من الأورج .. مثل النحاسيات والخشبيات والوتريات المجمعة .. وكذلك الباص ..

وهناك ألآت من خارج الأورج .. من الكمبيوتر مباشراً .. مثل الإيقاع والكمان المنفرد ( الصولو ) ..

أى خدمة .. وأشكرك ياجميل ..

[ahmed noor]

بسم الله الرحمن الرحيم

استاذى ومعلمى الفاضل
بصراحه مش لاقى كلام اوصف بيه مدى فرحتى انى بعد طول غياب سمعت عمل جميل رقيق بصوت الاستاذ العظيم محمد الالاتى

ربنا ما يحرمنا جميعا من حضرتك ولا من فنك وأبداعك والهامك


ملحوظه : انا عارف انى ياما تقلت عليك يا سيدى الفاضل
بس ده ميمنعنيش اجرب بقه مره تانيه من نفسى
ولا ايه يا ابو حسام

ابنك الكبير اخو حسام ( وحشتنى )

[الألآتى]

المشاركة الأصلية كتبت بواسطة ahmed noor

بسم الله الرحمن الرحيم

استاذى ومعلمى الفاضل
بصراحه مش لاقى كلام اوصف بيه مدى فرحتى انى بعد طول غياب سمعت عمل جميل رقيق بصوت الاستاذ العظيم محمد الالاتى

ربنا ما يحرمنا جميعا من حضرتك ولا من فنك وأبداعك والهامك


ملحوظه : انا عارف انى ياما تقلت عليك يا سيدى الفاضل
بس ده ميمنعنيش اجرب بقه مره تانيه من نفسى
ولا ايه يا ابو حسام

ابنك الكبير اخو حسام ( وحشتنى )

هههههه .. أطلب ياأحمد ولا يهمك .. بس إبعد عن الأغنية دى ..

[محمودسعد]

السلام عليكم ورحمه الله وبركاته
هل هلالك ياسيدنا ؟
يعودعلينا وعالسماعيين والمبدعون بخير
شوف يابني يامحمد

انت اثبتلي شئ عمال اجادل فيه ناس كتير من قديم الازل فنانين او غيرفنانين من محبي السمع مع ان اللي بيعرف يسمع فنان ؟

هذا الشئ المهم والمهم جدا هو ان الغناء مش صوت ؟ وبس
الغناء احساس واخلاص واندماج وانسجام وتفاعل وتعايش وكمان مره احساس ؟
وصوت من غير حاجه واحده بس من دول يبقي بلا قيمه ؟؟؟؟
وبعدين انت مش بتغني وبس لا ؟ وبتعرف تغني ؟ وبتعرف تنقي ؟ وبتعرف ترفع الاغنيه امتي ؟ ياشقي ؟ ياشاطر ؟ يا الاتي ؟
وبعدين كل ده كوم وحبك للمغني كوم تاني وشئ تاني ولو جابولك مطربي العالم العربي الشرقي عشان تعمللهم توزيعات يغنوا عليها ........... برضه هاتغني ؟ انت روحك فيها مغني يامحترم
انا من دواعي سروري ومن حسن حسن حظي في هذه الدنيا ان اكون صديقا لك ......
انا شوفتك وبشوفك ودي حاجه احسد عليها ؟؟؟؟؟؟؟؟ بس انا شوفت فنان معجون بالمزيكه ؟ قاموس ؟ مؤرخ موسيقي وغنائي ؟ ومجنون مغني
اسعد الله ايامك وياريتك كنت بتبيع بفلوس من زمان ؟؟؟؟ انت رصيدك من الحب عند الله والناس يكفيك لان يعوضك الله عوضا كريما عزيزا في اولادك وفي تلاميذك المحبون لك وهذه الاغنيه بالذات مع احتراماتي لكل من يجد نفسه من زملائي المطربين يريد ان يغنيها ؟ يشيل من دماغه زيي ؟ وده لان الالاتي عمل كل الغناء في الغنوه دي بالذات
سلمت يداك ياولدي وسلمت من كل سؤ ياكل الحب
ياالاتي

[الألآتى]

والنبى إنت مجنون يامحمود .. ومهروش كمان .

[مروان شلبي]

المشاركة الأصلية كتبت بواسطة الألآتى

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

ألأخ العزيز الآلاتي

صباح الخير

الله الله ماهذا العمل الرائع .. الحقيقة ان تنفيذك متقن بشكل غريب مقدمه كاملة بتوزيعها الآلي والهارموني ايضا حتى انك لم تنسى صولو البيكولو المرافق للكوبليه فعزفته باتقان .
كذلك كان التسجيل من الوضوح وكأنك قد استعملت الأستوديو وصوت البيز ايضا كان واضحا ورنانا كما تريد ام فتحي تماما
اخي لااخفيك سرا ان اخبرتك بان هذه الأغنية كانت في الأرشيف الذي اضع فيه مشاريع الأغاني المرشح تنفيذها
وهي من ألأغاني الهامه التي ندين لها بكم كبير من عواطفنا فلقد خرجت للنور في فترة مراهقتنا فبقي اثرها في نفوسنا حتى اليوم
اخي عدت يوم امس من سهرة السحور ووجدت اغنيتك هذه , ولم استطع النوم بعد سماعها فلقد اثارت في العواطف والذكريات فاحضرت الكمان وبدأت أعزف معك حتى طلعت الشمس , وقد ارسلت لك ملفا بمشاركتي لك مع تعليق لم اعرف من التعب ماكتبت فيه , المهم أن احدنا قد نفذ هذا اللحن وانعش الذكريات الحلوه في قلوبنا شكرا لك .
وفي المرات القادمه عندما تحتاج الى صولو كمان , ارجو الا تستعيض عنه بصوت هارمونيكا لأنك تفتقد العازف , ولاتنسى بأني اخوك ومستعد لأي طلب

اخوك
مروان

[فؤاد]

؟؟؟؟؟؟؟؟؟؟؟؟؟؟

[الألآتى]

المشاركة الأصلية كتبت بواسطة مروان شلبي

وهي من ألأغاني الهامه التي ندين لها بكم كبير من عواطفنا فلقد خرجت للنور في فترة مراهقتنا فبقي اثرها في نفوسنا حتى اليوم

نفس إحساسى ونفس شعورى ..

فى الحقيقة ياأستاذ مروان .. وكأننى أنا الذى يتكلم ..

فهذه الأغنية وغيرها من نفس النوعية .. تركت فى نفوسنا كم من الذكريات من الصعب أن تمحوه الأيام ..

أشكرك حبيب قلبى على نقدك البناء بالتأكيد ..

أما بالنسبة لصولو الكمان .. فلقد لجأت لنموذج صوتى من أحد بنوك الأصوات الموجودة لدى ..

وحاولت بقدر إمكانى إظهار إحساس الكمان عند العزف .. وأعدك ياصديقى أن ألجأ إليك عند حاجتى لصولو كمان فى القادم من الأعمال ..

[الألآتى]

المشاركة الأصلية كتبت بواسطة فؤاد عبد الحميد

عظمه

علي
عظمه
علي عظمه
ياأستاذ أبو حسام
والله
لم أكن أعلم أنك
رومانسي
للدرجه
دي

جرى إيه يافؤش .. إيه الهيصة إللى إنت عاملها دى ..

رومانسى إيه وبتاع إيه ياعم .. دى حاجه لزوم الشغل بس

وبعدين إيه الصورة إللى إنت حاططها دى .. فيه يابنى حد يحط صورة محمد الألآتى تحت معرفه فى المنتدى !!

حط هيفاء وهبى ولا نانسى عجرم .. ولا .. ولا .. خلاص زنقت يعنى !

[فؤاد]

[QUOTE=الألآتى;351887]

جرى إيه يافؤش .. إيه الهيصة إللى إنت عاملها دى ..

رومانسى إيه وبتاع إيه ياعم .. دى حاجه لزوم الشغل بس

وبعدين إيه الصورة إللى إنت حاططها دى .. فيه يابنى حد يحط صورة محمد الألآتى تحت معرفه فى المنتدى !!

حط هيفاء وهبى ولا نانسى عجرم .. ولا .. ولا .. خلاص زنقت يعنى !

[/QUOT
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟