فعلا يا
غازى يا خويا محتاجين شوية فرفشة
و نفسى تكمل لنا باقى مواقفك فى الجيش
و تشجيعا حادخل معاك فى حكايات الجيش و الميرى
أنا دخلت الجيش سنة 2000
و زيك بالضبط كدة أخدت بعض التوصيات و النصائح من الاقارب و الاصدقاء بخصوص التعامل مع باقى العساكر و مع الضباط و صف الضباط
و دخلت مركز التدريب
و عينك ما تشوف الا النور يا باشا
دهشور
و ما أدراك ما دهشور
لا مية و لا نور
عبارة عن صحراء قاحلة
جو شديد الجفاف و الحرارة نهارا شديد البرودة ليلا
و دخلت العنبر اللى بياخد 90 جندى و به 90 سرير
و اشكال الجنود ما تسرش عدو و لا حبيب
قليل منهم ولاد ناس زى أخوك و بعضهم بعيد عنك حبسجية و برشامجية و تجار مخدرات و منهم فلاحين و صعايدة فى حالهم
و النور يومها كان مقطوع فى العنبر
و الصول ماسك لنا كلوب فى ايده عشان نشوف , و نقدرنحط المهمات القيمة التى استلمناها حالا فى اللوكر اللى بيسموه
كاراستا
فى جو فى منتهى الكابة
المهم حطيط حاجتى و لسة بقعد على السرير و اسمع العنبر بيرتج بصوت أحد الجنود المستجدين و بمجموعة من التركيبات اللغوية شديدة التعقيد من الشتائم والسباب التى يطلقها من فمه البذئ لكل أفراد العنبر بما فيهم طبعا العبد لله
طيب فى ايه يا سيدى بس ايه اللى حصل؟؟؟ (أحد الجنود المستجدين الغلابة بيسأله)
بص له بنظرة نارية و قاله : المصحف بتاعى اتسرق يا....... ده انا حا..........
اول يوم ليا فى الجيش و تسرقونى يا حوش يا نور يا غجر يا ولاد.........
بينى و بين نفسى قلت هى الحكاية كدة
بأه العسكرى المتوحش ده اتسرق؟ و اتسرق منه ايه؟؟؟ مصحف؟؟ يا نهار ازرق...
ايه البشر اللى حاقعد معاهم 45 يوم دول ؟؟؟؟سرقوا المصحف بتاع الاسد ده؟؟؟؟
المهم.....
والله العظيم قعدت فاقد النطق لمدة خمسة ايام متواصلة , لا أريد التكلم مع أحد , ولا أتواصل مع أحد , و أعصابى فى حالة تأهب شديدة , ليه لأنى أنوى نهش أى أحد يفكر مجرد التفكير أن يدوس لى على طرف عملا بمبدأ أحد الناصحين لى قبل الجيش أن الانطباعات الاولى تدوم.
بدأنا فى تعلم اساسيات الميرى فى الطوابير و منها الخطوة السريعة
فكان الصول حينما ينادى بالخطوة السريعة يجب ان نضع ايدينا على القايش و نزوم بمنتهى القوة و نقول
ااممممممممم
(طبعا امممممممم دى لما تخرج من فم كتيبة مكونة من اربع عنابر كل عنبر 90 عسكرى من العينة التى ذكرتها قبلا بتكون رهيبة)
و لكن دايما لا تعجب الصول فيقول
كما كنت فننزل ايدينا جنبنا
ثم يصيح مرة تانية بالخطوة السريعة اممممممممممممم
كما كنت
بالخطوة السريعة اااممممم كما كنت
عدة مرات فى حر دهشور الرهيب
الى أن يرضى عنا حضرة الصول ولى النعم فيصيح سريعا مارش و نرمح بعدها جريا على رمال دهشور الملهلبة
ايه بأة اللى حصل
نظرا لتغير بيئة الطعام اللى كنت متعود عليها لم ادخل التواليت لمدة اسبوع كاملا بسبب القرف منه و بسبب نوع الطعام و بسبب الحالة النفسية السيئة
المهم فى اليوم السابع دخلت التواليت و بصراحة غيبت جوة
و أحد العساكر الباردة عمال يخبط عليا بطريقة تنرفز عدة مرات
قلت لازم احسسه أن اللى جوة ده اسد و وحش لازم يخاف منه دون أن يراه
و لأن الكلام فى الخلاء حرام فقلت
اااممممممممممممممممممممممممممم
قاللى:
كما كنت
ليتحول الحمام الميرى الى هيستريا من الضحك من كل الموجودين فيه
و تنتهى الايام الاولى الصعبة فى الجندية لتبدأ ايام غاية فى الجمال
ربنا لا يعودها تانى
الى حلقة قادمة من مندور فى دهشور
رد: دور الفن فى اصلاح المجتمعات وفى ازمات الامم وافراحهم
مثل شاعرنا سمعجي ؟؟؟
العرض العادي
