كلمات أغاني عبد الحليم حافظ

[ليلى ابو مدين]

توبة

************

توبة إن كنت أحبك تاني توبة
بس قابلني مرة وتبقى دي آخر نوبة وبعدها توبة
توبة إن كنت أخاصمك وأرجع أصالحك تاني
ياما البعد سقاني وياما القرب ضناني
وإن فات طيفك يوم في منامي وجه صحاني
برضه أصالحك بس أهي نوبة وبعدها توبة
توبة إن كنت حصدق تاني كلامك
مهما حتسأل مش راح أصدق حتى سلامك
بس أوعدني أوعى تبكي وأنا قدامك
أحسن أكذب روحي وأقول أهي نوبة وبعدها توبة
آه من حيرة قلبي وآه من دمعة عيني
كل ما أقول أنساك توحشهم نارك وتصحيني
أجري وأسأل عنك قبل ما انت تجيني
أضحك نوبة وأبكي نوبة وبعدها توبة

************

كلمات حسين السيد
الحان محمد عبد الوهاب
مقام كرد
1959

[ليلى ابو مدين]

حبك نار

**************


نار ... نارحبك نار

قربك ناربعدك نار

واكتر من نار

نار يا حبيبي نار

حبك نار نار يا حبيبي

حبك نار مش عايزة اطفيها

ولا خليها دقيقة تفوتني ما حسش بيها

نار صحتني نار خلتني احب الدنيا

واعيش لياليها

يا مدوبني باحلى عذاب

ببعتلك في عنيه جواب

مش لوم يا حبيبي ولا عتاب

مش اكتر من كلمة آه يا حبيبي

بحبك نار

آه لو تعرف اللي انا فيه

والشوق اللي غلبت اداريه

كان قلبك يسهر لياليه

مع قلبي ويقولو آه يا حبيبي

بحبك آه


**********
كلمات مرسي جميل عزيز
الحان محمد الموجي
1959

[ليلى ابو مدين]

ذات ليله

****************

ذات ليلة
أنا والأوراق والأقـلام كـنـا في عـناق
نقطع الازمان والابعاد وثباً في اشتياق
والنهايات الســعيدة لم تكن عني بعيدة
ذات ليلة هبت الريح
وهزت فى عناد بابي
أطفأت أمـن حــياتي
أطــفأت مــــصباحي
لم أجد نارأ لدي لم اجد فى البيت شيى
غير أم هي لا تملك إلا الدعوات
وأب لم يبق غيري للسنين الباقيات
والنهايات السعيدة أصبحت عنّي بعيدة
---
ذات ليلة
وأنا رهن الظنون المجدبة
دقــت الباب قلوب طــيبة
قالت إنهض وتقدم لا تبالي
بالليالي وتصاريف الليالي
سوف نمحو عن لياليك الحزن
سوف ننجو بك من كيد الزمن
قم فباب العلم رحب بالنتظارك
قم فشارك وابن بالعلم الوطن
قلت من أين أتى هذا الشعاع
قالت الأصداء من قلب شجاع
---
صور الدبابة واقتاد الشراع
ينقذ الأمال من بحر الضياع
انه حلم جمال انه حلم جمال
انه قلب جمال انه حب جمال



*******************

كلمات مرسي جميل عزيز
الحان كمال الطويل
1959

[ليلى ابو مدين]

في يوم في شهر في سنه

**************

في يوم في شهر في سنة
تهدى الجراح وتنام
وعمر جرحي أنا
أطول من الأيام
وداع يا دنيا الهنا
وداع يا حب يا أحلام
دا عمرو جرحي أنا
أطول من الأيام
حبيبي شايفك وأنت بعيد
وأنا في طريق السهد وحيد
وكل خطوة في بعدك ليل
وشوق وذكرى وجرح بعيد
حبيبي شايفك بروحي شايفك

بقلبي شايفك بحبي شايفك
شايف سلامك شايف كلامك ضحكة شفايفك

شايفك وليل الفراق ع البعد فارد جناحه
على جريح مشتاق يعرف نهاية جراحه

في يوم في شهر في سنة
كنت أتمنى يطول العمر واعيش حواليك

ولاشوف بعدي دمعة حزينة تملأ عينيك
لو كان بأيدي كنت أفضل جنبك

وأجيب لعمري ألف عمر وأحبك
يا فرحة كانت ماليه عينيه

واستكترنها الدنيا عليه
يا حبيبي راح اللي راح وفرقتنا الليالي

ومهما أداري الجراح حتعرف اللي جرالي
في يوم في شهر في سنة


******************

كلمات مرسي جميل عزيز
الحان كمال الطويل
1959

[ليلى ابو مدين]

لو كنت يوم على قلبي تهون

**********

لو كنت على قلبي تهون انا كان عذابي علي يكون
لكن ده قلبي ده في دنيا هواك
حالف يحبك مهما يكون
اسأل علي الليل يحكي لك
على اللي قاسيته بحبي معاك
دى الوقت انا مش عارف اشكي لك
وإلا اشتكي منك لهواك
بتهون وحدي وانا بقاسي
ودموعي تنده عليك عليك يا قاسي
لكن ده قلبي بدنيا هواك حالف يحبك مهما يكون
الذنب مش ذنبك ده كله من قلبي
لو دارا يوم حبك ما كنت تهجرني
و ليه طواعت الناس على اللي قالوا عني
و سقيتني مر الكاس من غير ما تسألني
لكن ده قلبي ده في دنيا هواك
حالف يحبك مهما يكون

************

كلمات محمد الحلواني
الحان محمد الموجي
1959

[د. ماهر(أبو خالد)]

الله يعطيكي العافية أخت ليلى على هذا المجهود ولكن ياحبذا لو جمعت الجميع في مجلد بي دي اف قابل للتحميل
ويبقى مجرد رأي
وتقبلي تحياتي واحترامي
أخوك ابو خالد

[ليلى ابو مدين]

المشاركة الأصلية كتبت بواسطة اسد الشرق

الله يعطيكي العافية أخت ليلى على هذا المجهود ولكن ياحبذا لو جمعت الجميع في مجلد بي دي اف قابل للتحميل
ويبقى مجرد رأي
وتقبلي تحياتي واحترامي
أخوك ابو خالد

شكراً لمرورك أخي الكريم أبو خالد
وكلماتك المشجعة
وأعذرني أخي الفاضل فلن أستطيع تجميع الأغاني في مجلد بي دي إف
لأني لا أملك الخبرة أو المعرفة بتلك التقنيات
وليس عندي اي برنامج لعمل ذلك
تحياتي
أختك ليلى ابو مدين

[د. ماهر(أبو خالد)]

اسعد الله اوقاتك أختي الكريمة الأمر بغاية البساطة
تكتبين كل الأبيات الشعرية وبالشكل الذي تريدين على برنامج معالج النصوص وورد من مجموعة أوفس ومن ثم تحفظي الملف باسم معين مع اختيار اللاحقة بي pdf بدلا من doc وكما ترين الأمر بغاية البساطة
لك تحياتي الأخوة

[ليلى ابو مدين]

المشاركة الأصلية كتبت بواسطة اسد الشرق

اسعد الله اوقاتك أختي الكريمة الأمر بغاية البساطة
تكتبين كل الأبيات الشعرية وبالشكل الذي تريدين على برنامج معالج النصوص وورد من مجموعة أوفس ومن ثم تحفظي الملف باسم معين مع اختيار اللاحقة بي pdf بدلا من doc وكما ترين الأمر بغاية البساطة
لك تحياتي الأخوة

أسعدت مساءاً أخي الكريم أبو خالد
شكراً على سرعة الرد وشرح طريقة تجميع الأغاني في ملف بي دي اف
وأعد سيادتك أنه بمجرد الإنتهاء من كتابة جميع الأغاني أن أجمعها في ملف بي دي اف
قريباً إن شاء الله
تحياتي
أختك ليلى ابو مدين

[دكتور ايهاب]

تصحيح بسيط .. ملحن اغنية القرنفل هو الموسيقار على فراج .. وليس على فرج