تحليلات سيادة الرئيس ـ أبو على - الصفحة 59

**عفاف سليمان** · #**581** 01/04/2009, 11h14

صباح الخير على الجمال والفن والاصاله
معلومات جميله
وفن وموسيقى اجمل واجمل
واول مره اعرف ان الاغنيه اللى غناها سمير الاسكندرانى مش تلحينه
وايضا عرفت من الفضائيات ومن حضراتكم ان فطومه ومصطفى من الحان محمد فوزى
وايضا شاهدت الخلاف على
احدى اغنيات الكحلاوى ومحمد فوزى وكل واحد بينسبها لشخصه
اقول لكم
سيبونا من كل ده الحمد لله الحقيقه دائما واضحه
فمن سرق اعمال محمد فوزى واراد ان ينسبها له فمعروف رتم وايقاعات محمد فوزى وهى سابقه لعصره وجيله
ومهما حدث من سرقات او اقتباسات فمعروف لنا محمد فوزى
عن سلاسة الحانه وجمالها وخفتها كخفة ظله
وتحياتى للجميع على المعلومات القيمه
والموسيقى الجميله
اختكم عفاف

**عفاف سليمان** · #**582** 01/04/2009, 11h25

يا سلام يا سياده الرئيس
والله انا كمان من عشاق هذه الاغنيات
فاتت جنبنا
ونبتدى منين الحكايه
وحاول تفتكرنى
وفى حاول تفتكرنى بعشق جدددددددددددددددددا فيها
المقدمه الموسيقيه
والله يمكن ابكى كمان من حلاوة المقدمه
فما بالك من الكلمات والصوت
تحياتى لك وللجميع
عفاف

**الألآتى** · #**583** 01/04/2009, 15h26

يادى الداهية ..

راست وسيكا !!! .. ياللعجب ..

كلمنا ياعم صلاح بقى شوية .. عن تحكم عازف الترومبيت فى أداء الربع تون ..

هو بيطلع خواجاتى شوية .. لكن بيأدى الغرض وزيادة ..

إرغى ياعم الأموور ..

لامؤاخذة .. نسيت أحيى أستاذنا سامى البابلى .. أنا شخصياً بحبه الراجل ده .

**The Lion 98** · #**584** 01/04/2009, 20h27

أي كلام يمكن أن يقال ؟ بل اي وصف يمكن أن يفي هذا الإبداع حقه ؟
شيئ رهيب بجد و مش معتاد ولا تقليدي ابدا
أكثر ما لاحظته في عزف الفنان محمود هو جمعه بين الإسلوب المصري و الإسلوب العراقي في العزف مما أعطاه مزيجا فريدا و لونا يشد الآذان لمتابعته
خالص تحياتي لذوقك الرفيع مشرفنا القدير

**ابو سجى** · #**585** 01/04/2009, 21h31

اقتباس:

المشاركة الأصلية كتبت بواسطة عادل سيد

انا معنديش بس ممكن اسأل ابنه

ايه يا حبيبي انت تعرف مصر كلها ولا ايه
شكلك كده عضو مجلس شعب

فاكر قسطور

**رضا قناوى** · #**586** 03/04/2009, 14h15

عن تحكم عازف الترومبيت فى أداء الربع تون هو أنة يعزفة بأحساسة وبعدين أنا كنت قرأت مرة فى احدى المجلات بأن الاستاذ عبد الوهاب قبل وفاتة قد شكرالاستاذ سامى البابلى لعزفة الربع تون على الة الترومبيت الغاربى وهذا لوحدة وسام لعمنا أبو عادل الله يرحمة

**حسن كشك** · #**587** 04/04/2009, 05h03

اقتباس:

المشاركة الأصلية كتبت بواسطة سيادة الرئيس

أظن أن هذا برونو موري

لاحظ الفرق

اظن ان هذه الصوره ليست لبوب عزام ولا برنو موراى .... هذه الصوره لممثل ادوار ثانية او ثالثة ظهر فى بعض الافلام المصرية فى الستينيات
وهذه الاغنية التى قام بها صاحب الصوره بطريقة البلاى باك
لو تتذكرون كان صلاح ذو الفقار يقوم بترقيص عضلات ذراعه فى اولها
وكان معه فى هذا الفيلم صباح وعبدالمنعم ابراهيم وليلى طاهر
لكنى لا اتذكر اسم الفيلم ... سايبها عليكو

**حسن كشك** · #**588** 04/04/2009, 06h19

يا مصطفى
فطومه
من أعمال حميد الشاعرى ...
لالحان محمد فوزى

**unicorn** · #**589** 04/04/2009, 14h02

طيب سؤال و اقتراح ,
ليه الموضوع يبقى ع الخفيف ؟؟؟ ليه ما يبقاش عالتقيل للفرانكو آراب ؟؟
و يتنقل لقسم أهل المغنى ,
الفرانكو آراب فن شرقى صرف من حيث اللحن , و شرقى غربى من حيث الكلام , و ملفاته غاية فى الندرة ,
و اللى قدموه ناس تقيلة زى فوزى و عبد العزيز محمود.

**سيادة الرئيس** · #**590** 04/04/2009, 18h59

و عشان ما يعديش حاف كده

إلى كل الأحبة في سماعي

أجود ما يمكن سماعه للأستاذ

صالح عبد الحي

يحتوي هذا الإصدار على ثلاث تراكات غاية في النقاء

الأول ( على جزئين )

تقاسيم قانون
ليال و موال يا حادي العيس
حبيبي هوه عليّا الآمر الناهي ( بيرم التونسي - محمود الشريف )

27:11

الثاني

ليال و موال دموع عيوني انتهت
دور عشنا و شوفنا ( محمد عثمان )

12:38

الثالث

ليال و موال فيك ناس يا ليل بيشكوا لك مواجعهم

12:24

Bit Rate : 128 kbps

و النبي قبل الهدية