طلبات نوتة أ / عادل صموئيل الجزء الثانى

[عزت شحاته]

صديقى الغالى جدا / عاصم باشا
والله واحشنى

ونفسى ف تجميعه ولقاء حلو

على عيد ميلاد

كبيرنا الجميل / عادل صموئيل
وتجهز ليه من بدرى زالكل يعمل حسابه

على قدر ظروفه ما تسمح

متشكر على تهنئتك وعقبال ما تفرح باولادك


اخى العزيز
الف مبروك والف مبروك على المحل بس فيه حاجة مهمة يعنى املجل لازم يبقى فيه صيانة آلات مش بيع فقط
مع اطيب تحياتى عادل صموئيل

[منذر44]

ماشي استاذ عادل على درجة سي واذا لم يمكن على درجة فا وانا اسف على تعبك مع اجمل تحياتي


اخى العزيز
اليك النوتة
بس ركز دايما فى اسم المقام اللى انت تريده وشكرا
عادل صموئيل

[عادل صموئيل]

احبائى
اغنية ملحم بركات

بدك مليون سنة

مع اطيب تحياتى

[عادل صموئيل]

احبائى
اقدم لكم اغنية مايا يزبك

بعدك ياوطنى

مع اطيب تحياتى

[كمال العرباوي]

مساء الخير موسيقارنا العزيز عادل صموئيل

ارجوا ان تكون في تمام الصحة والعافية

نشر الدكتور سعد الله اغا القلغة مقال عن اغنية الناي المحترق لمحرم فؤاد

ولما رجعت لارشيفكم الكريم لم اجد لها تدوينة

ارجوا تدوينها ولك الف شكر
وهذا رابط يوتيوب للأعنية

https://www.youtube.com/watch?v=lyOkznZstcw

وهذا رابط المقال على الفيس بوك للدكتور سعد الله اعا القلعة ان كان مسموح طبعا

https://www.facebook.com/dr.saadalla...8827281085/?ft[tn]=K-R-R&ft[qid]=6473448540540041454&ft[mf_story_key]=5095291664092854750&ft[is_sponsored]=1&ft[ei]=AI%40aa64b040ca67e2b9e4b0865ac53db721&ft[top_level_post_id]=1560958827281085&ft[page_id]=303056586404655&ft[fbfeed_location]=1&ft[insertion_position]=1&ft[ordinal_position]=2%3A1&__md__=1

الف شكر

[عادل صموئيل]

احبائى

اقدم اغنية للثلاثى المرح

حلاوة شمسنا

مع اطيب تحياتى

[KamelArab]

إلى الأخوة الكرام الذين يدونون النوتة الموسيقية
تحية طيبة وبعد
عندي سؤال هام أرجو الإجابة عليه بوضوح وصراحة
عند عزفي لنوتة رسالة من تحت الماء لعبد الحليم حافظ من تدوين الأستاذ القدير عادل صمؤيل
هناك نوتات كثيرة غير منوته منها الأكوراد وتقسيم الكمان
هل الفرقة الماسية كانت تعزف هذه النوتات أو أن هناك نوتة للفرقة خاصة
وماهي تللك النوتات الرجاء التوضيح
وشكرا

[عمرو الهنداوي]

صديقي العزيز اسمح لي بالرد على أسلتك...
أنا لست مدون ولكني عندي خبرة شوية في المواضيع اللي أنت تكلمت عنها وهي أسئلة هامة طبعاً:
صديقي العزيز التدوين الموسيقي مدارس .. يعني تجد البعض يدون النوتة مع بعض التصرفات من عنده فتجد يزيد حروف زيادة على النوتة الموسيقية .. مدرسة أخري يدون بشكل مبسط لغير المحترفين فيضطر لعدم تدوين الحليات والجمل العالية جدا ويعوض عنها بالتدوين من منطقة القرار يعني أنت تسمع الجملة من الجواب تلقيها في النوتة من القرار .. مدرسة تانية يدون كل شيء صعب أو سهل وغير ملزم بمن سيعزفها وهكذا وهكذا من المدارس المختلفة .. في مدون يدون النوتة يفتح نفسك لعزفها مهما كان مستواك ومدون أخر يدون النوتة محدش غير المحترف اللي يعرف يعزفها ..
كتير من الأصدقاء هنا هواه ومبتدئين ويعني واحدة واحدة بيفكوا الخط في النوتة .. طيب حيعزفوا نوتات صعبة قوي أزي زي نوتة رسالة من تحت الماء دون تسهيل شوية..

صديقي .. في قواعد وأساسيات عند المدونين الموسيقيين: منها انهم مش بيدونوا التقاسيم والعزف المرتجل لأنه غير خاضع في كثير من الأحيان للموازين الموسيقية و ده بيكون مرهق ليهم في التدوين .. أنت تكلمت عن النوتات الخاصة وده بتبقي احترافية ويكتب فيها كل ما هو لازم يكتب وبتبقي صعبة للغاية وعايزة حد متخصص يعزفها وتمرين عليها كتير والنوتات دي موجودة في المعاهد الموسيقية وخاصة بالطلبة والعازفين فقط وغير مسموح بتداولها وحتى شرائها بيبقي غالي جدا يعني النوتة الواحدة من أغاني عبد الحليم زي رسالة من تحت الماء ممكن تصل من 5 إلى 15 دولار أمريكي تخيل وكمان أيه مكتوبة بخط اليد .. موضوع نوتات الفرقة الماسية ممكن تسأل أستاذ عادل هو احد عزفين الفرقة الكبار وهو أكثر مني علم وخبرة في الفرقة الماسية بس على حد علمي هي هي نفس النوتات بتاعة أستاذ عادل بس بدون علامات الإرجاع و الإعادة .. طبعا هي نوتات احترافية لتناسب عازفين في قدرة الماسية .. واحترافية يعني فيها جمل موزعة على أكثر من طبقة وأكتاف موسيقي..

كل التحية والتقدير

[عادل صموئيل]

الاخ العزيز

انا عادة هنا بدون اى نوتة بالضبط زى ما كانت فى الفرقة الماسية ... اما بالنسبة لأغنية رسالة من تحت الماء انت ذكرت صولوا الكمان .. ده من ابداع الاستاذ محمد مصطفى وما ينفعش يتدون لو اتدون حايبقى صعب جدا جدا ماحدش حايقدر يعزفه ... والصولوا لما بيكون بالطريقة دى لما ييجى عازف تانى عايز يعزفه لازم يكون بيعزف سماعى ويحفظه ويقوله واكيد لازم حاتحصل اختلافات .. يعنى على اليوتيوب موجود رسالة من تحت المء لكذا عازف حتلاقى كل واحد منهم بيقول الصولو شبه ماعمل محمد مصطفى لكن فيه اختلافات ... حتى محمد مصطفى نفسه لما عزف الصولو فى الاوبرا فى الذكرى ال 40 لوفاة عبد الحليم عزفه مختلف شوية ... لأنه صولو فيه ارتجال ... اما الكوردات .. احنا عمرنا ما بنكتب كوردات ... ولا فى الفرقة الماسية كنا بنكتب كوردات ... وكل الكوردات اللى انت بتسمعها دى كانت بتبقى شطارة من العازف نفسه .. يعنى شوف واحسب عمر خورشيد عزف مع الماسية كام سنة ومع ام كلثوم كام سنة عمر ما اتدون له كوردات كان بيقرأ من نسخة زى اللى انا بكتبها هنا بالضبط وهو بيركب الكوردات بذوقه .. وانا قلت الكلام ده عشرات المرات من قبل ... كمان صولو البيانو كان العازف بيعزف من نفس ورقة الفرقة زى اللى انا بكتبها وكان بيركب اليد اليسرى على ذوقه .. وكررت احنا مش بنكتب التقاسيم والموال وحتى فى الفرقة الماسية كان عند مكان التقاسيم والموال عمر ما اتكبوا ولكن بيكتب على النوتة موال او تقاسيم على آلة كذا ... وبعدين حضرتك حددت نوتة انا كاتبها وشوف بعد ما كام عازف عزفها حضرتك كاتب كلام بيشكك ان النوتة ناقصة
وللتوضيح مفيش حد بيكتب نوت فيها الكلام اللى حضرتك قلته نوت خاصة يعنى والعنوان اللى حضرتك كاتبه كلمة النوت غير مطابقة للأغنية ممكن تعمل تشكيك عند المبتدئين لو عزفوا غلط او ماعرفوش يعزفوا جزء ان العيب من النوتة مش منهم

[بو بشار]

استاذنا عادل صموئيل
شكرا لك على الايضاح
فعلا استمتعت بشرحك الوافى